Кыргызстан жакынкы жылдарда илим жолу менен өнүкпөсө, башка өлкөлөрдөн алда канча артта калат. Мындай пикирин Улукман Мамытов Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, өлкөнү өнүктүрүү үчүн биотехнология илимин колго алыш керек.
"Баарыбызга белгилүү болгондой, биотехнология термини биология жана технология деген сөздөрдөн келип чыккан. Азыркы кезде мына ушул илим менен өнүкпөсөк, башка мамлекеттерден бир топ артта калып жатабыз. Биздин максат — бизнес менен илимди айкалыштыруу. Илим өнүксө, окуу жайлар да пайдасын көрмөк. Биз да бул багытта иш алып барып, экосистема түзөлү деген оюбуз бар", — деди Мамытов.
Ал ошондой эле аталган комитет биотехнологияны өнүктүрүүгө кызыкдар ишкерлер менен иштешүүгө даяр экенин кошумчалады.