БИШКЕК, 21-окт. — Sputnik. Кыргызстандын аймагында 22-октябрда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.
Абанын температурасы Чүй менен Талас өрөөндөрүндө +13…+18 градус, Ош, Жалал-Абад жана Баткен облустарында +12…+17, Ысык-Көл жана Нарын облустарында +9…+14 градус жылуу болот.
Ал эми Бишкек жана Ош шаарларында күн бүркөлбөйт. Борбор калаада термометр +17…+19, Ошто +18…+20 градусту көрсөтөт.