Саматов: дыйканга керексиз техникалар таңууланып сатылууда

Дыйканды бакпай турган техникалар таңууланып сатылып келет. Бул тууралуу Sputnik Кыргызстан радиосуна Манас Саматов маек куруп жатып билдирди.

Анын айтымында, айыл чарба иштеринде колдонулуп келген техникалар дыйкандардын талабына жооп бербейт.

"Мен көп жылдан бери айтып келе жатам. Техникаларыбыздын сапаты өтө начар. Тракторлордун баары эски. Тилекке каршы, ошол техника дыйкандарга таңууланып сатылып келет. Ал эми айыл чарба техникаларына болжолдонгон каражаттарды коммерциялык банктарга берип, иш жүзүндө дыйкандарга жетпей жатат", — деди Саматов.

Фермер заманбап техниканы канчалык көп колдонсо, жер иштетүүдөн ошончолук көп пайда аларын кошумчалады.