БИШКЕК, 18-янв. — Sputnik. Жума күнү айрым жерлерде кар жаайт. Бул тууралуу Кыргызгидромет билдирди.
Ага ылайык, батыштан соккон шамалдын ылдамдыгы секундасына 2-7 метрге жетет.
Чүй өрөөнүндө күн 1 градус сууктан 4 градуска чейин жылыса, Таласта 2 градус сууктан 3 градуска чейин жылыйт. Ал эми Ош, Жалал-Абад жана Баткенде 2…7, Ысык-Көлдө 1…6 градус жылуу болору айтылса, Нарында 0…-5 градус суук болору божомолдонду.
Бишкек менен Ош шаарларында күн ачык болуп, 2…4 градус жылуу болот.
