04:04 23 Жетинин айы 2017
Түз эфир
Ымыркай. Архив

Соңку үч жылда чет элдиктер Кыргызстандан 66 бала асырап алган

© Sputnik / Табылды Кадырбеков
Кыргызстанда
Кыскача шилтеме алуу
144 0 0

Асыранды балдар 18 жашка чыкканга чейин Кыргызстандын жарандыгы менен жашайт.

БИШКЕК, 17-май — Sputnik. Соңку үч жылда чет элдик жарандар Кыргызстандан 66 баланы асырап алган. Бул тууралуу Эмгек жана социалдык өнүгүү министрлигинин үй-бүлө жана баланы коргоо башкармалыгынын жетекчиси Жаңыл Жумабаева Sputnik Кыргызстан агенттигинин мультимедиалык маалымат борборунда өткөн жыйында билдирди.

Начальник Управления по защите семьи и детей Министерства труда и социального развития Жаныл Джумабаева на пресс-конференции в мультимедийном пресс-центре Sputnik Кыргызстан.
© Sputnik / Максат Элебесов
Эмгек жана социалдык өнүгүү министрлигинин үй-бүлө жана баланы коргоо башкармалыгынын жетекчиси Жаңыл Жумабаева

Анын айтымында, чет элдиктер интернатта тарбияланып жаткан балдарды асырап алышат. Аларга кыргыз үй-бүлөлөрү багып алуудан баш таркан балдарды гана алууга мүмкүнчүлүк берилет.

"Чет элдиктер көбүнчө төрттөн 15 жашка чейинкилерди багып алышат. Бирок алардын 95 пайызы тубаса оорулуу жана биздин жарандар асыроодон баш тарткан балдар. Кыргыз балдарын багып алгандар АКШ, Финляндия жана Швециянын жарандары. Алардын кандай жашап жатканын ошол өлкөдөгү Кыргызстандын консулдугу менен элчилиги көзөмөлгө алып турат", — деди Жумабаева.

Асыранды балдар 18 жашка чыкканга чейин Кыргызстандын жарандыгы менен жашайт.

"Көбү эмнеге чет элдиктер оорулуу балдарды багып алып жатканына кызыгышат. Муну алар ар бир балага мүмкүнчүлүк түзүп берүү керек деп түшүндүрүшөт. Ошону менен бирге жардам берүү максатын көздөшөт", — деди Жумабаева.

Ошондой эле ал соңку үч жылдын ичинде 3072 баланы кыргызстандыктар асырап алганын кошумчалады.

Тема боюнча

Балдар үйүнө автобус алып берген адам коомчулукка таанылгысы келген жок
Күбөнүн видеосу: аял бала бакчадагы балдарга кыйкырып, жулкулдаткан
Белгилер:
чет элдиктер, жаран, балдарды асыроо, бала
Колдонуу эрежелериПикирлер

ЭҢ МААНИЛҮҮ