https://sputnik.kg/20261117/kyrgyz-czirki-aksh-evropa-gastrol-1104949080.html
Директор: кыргыз цирки АКШ, Европа жана Россияга гастролдоону пландап жатат
Директор: кыргыз цирки АКШ, Европа жана Россияга гастролдоону пландап жатат
Sputnik Кыргызстан
БИШКЕК, 17-ноя. — Sputnik. Кыргыз циркинин артисттери эл аралык аренага чыгып, чет өлкөлүк кесиптештеринен тажрыйба алышы керек. Бул тууралуу Кыргыз... 17.11.2026, Sputnik Кыргызстан
2026-11-17T15:51+0600
2026-11-17T15:51+0600
2026-11-17T16:20+0600
кыргызстан
бишкек
цирк
өнөр
гастроль
https://sputnik.kg/img/07e6/08/12/1066908753_0:0:3073:1728_1920x0_80_0_0_bdfde6033f9be02d9c275362ce968c6b.jpg
БИШКЕК, 17-ноя. — Sputnik. Кыргыз циркинин артисттери эл аралык аренага чыгып, чет өлкөлүк кесиптештеринен тажрыйба алышы керек. Бул тууралуу Кыргыз мамлекеттик циркинин директору Нурлан Конокбаев билдирди.Ушул тапта циркте Кыргызстандын тарыхына, маданиятына жана салтына арналган масштабдуу шоу-программа даярдалууда. Аны биргелешип өткөрүү үчүн россиялык белгилүү режиссер Елена Петрикова чакырылган.Конокбаевдин айтымында, улуттук цирк искусствосун өнүктүрүү үчүн кыргыз артисттери дүйнө жүзү боюнча гастролдошу дагы керек, ошондуктан белгилүү коллективдерди бизге көбүрөөк чакыруу зарыл.Жетекчи режиссер Елена Петрикованы чакыруунун максаттарынын бири кыргыз артисттери үчүн АКШда, Европада жана Россияда чыга ала турган масштабдуу шоу түзүү экенин айтты.Конокбаев Петрикова цирк программаларын коюуда чоң тажрыйбага ээ экенин, аны менен кызматташуу жергиликтүү артисттерге жана көркөм жетекчиликке жаңы кесиптик деңгээлге чыгууга жардам берерин баса белгиледи.Директордун айтымында, Кыргыз цирки толугу менен реконструкцияланып, масштабдуу шоулар үчүн керектүү техника менен жабдылган.“Биздин цирк жабдылышы жана жаңылыгы жагынан Борбор Азиядагы эң мыктылардын бири болуп эсептелет. Ал толугу менен реконструкциядан өткөн, биз бул потенциалды толук кандуу колдонушубуз керек”, — деди ал.Учурда Кыргыз мамлекеттик циркинин труппасында 25 артист бар. Жаңы программаны даярдоо үчүн кошумча аткаруучуларды тартуу пландалууда.
https://sputnik.kg/20261014/kyrgyz-gostsirk-jany-direktor-taanyshtyryldy-kim-al-1104294924.html
бишкек
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
https://sputnik.kg/img/07e6/08/12/1066908753_68:0:2799:2048_1920x0_80_0_0_a91ad639013a8f3bca2368afc26cc63d.jpgSputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, бишкек, цирк, өнөр, гастроль
кыргызстан, бишкек, цирк, өнөр, гастроль
БИШКЕК, 17-ноя. — Sputnik. Кыргыз циркинин артисттери эл аралык аренага чыгып, чет өлкөлүк кесиптештеринен тажрыйба алышы керек. Бул тууралуу Кыргыз мамлекеттик циркинин директору Нурлан Конокбаев билдирди.
Ушул тапта циркте Кыргызстандын тарыхына, маданиятына жана салтына арналган масштабдуу шоу-программа даярдалууда. Аны биргелешип өткөрүү үчүн россиялык белгилүү режиссер Елена Петрикова чакырылган.
Конокбаевдин айтымында, улуттук цирк искусствосун өнүктүрүү үчүн кыргыз артисттери дүйнө жүзү боюнча гастролдошу дагы керек, ошондуктан белгилүү коллективдерди бизге көбүрөөк чакыруу зарыл.
“Цирк артисти үчүн гастролго чыгуу абдан маанилүү. Ал көп нерсени көрөт, үйрөнөт, анан мекенине кайтып келип, алган тажрыйбасын колдоно алат, номерлерин жакшыртат же уникалдуу нерсе жаратат”, — деди ал.
Жетекчи режиссер Елена Петрикованы чакыруунун максаттарынын бири кыргыз артисттери үчүн АКШда, Европада жана Россияда чыга ала турган масштабдуу шоу түзүү экенин айтты.
Конокбаев Петрикова цирк программаларын коюуда чоң тажрыйбага ээ экенин, аны менен кызматташуу жергиликтүү артисттерге жана көркөм жетекчиликке жаңы кесиптик деңгээлге чыгууга жардам берерин баса белгиледи.
Директордун айтымында, Кыргыз цирки толугу менен реконструкцияланып, масштабдуу шоулар үчүн керектүү техника менен жабдылган.
“Биздин цирк жабдылышы жана жаңылыгы жагынан Борбор Азиядагы эң мыктылардын бири болуп эсептелет. Ал толугу менен реконструкциядан өткөн, биз бул потенциалды толук кандуу колдонушубуз керек”, — деди ал.
Учурда Кыргыз мамлекеттик циркинин труппасында 25 артист бар. Жаңы программаны даярдоо үчүн кошумча аткаруучуларды тартуу пландалууда.