https://sputnik.kg/20261024/aleshkidegi-ok-atyshuu-ubaktyluu-toktotulat-1104489640.html
Гуманитардык операциядан улам Алешкиде ок атышуу убактылуу токтотулат. Чоо-жайы
Гуманитардык операциядан улам Алешкиде ок атышуу убактылуу токтотулат. Чоо-жайы
Sputnik Кыргызстан
Россиянын адам укуктары боюнча акыйкатчысы Яна Лантратова азыркы тапта аймактагы карапайым элге гуманитардык жардам берүү маанилүү болуп турганын билдирди 24.10.2026, Sputnik Кыргызстан
2026-10-24T14:03+0600
2026-10-24T14:03+0600
2026-10-24T14:03+0600
дүйнөдө
россия
акш
украина
херсон облусу
мелания трамп
гуманитардык жардам
кепке келүү
атайын операция
https://sputnik.kg/img/07e9/04/07/1093172450_0:186:2981:1863_1920x0_80_0_0_233d64b20b9048d022603126924b1c75.jpg
БИШКЕК, 24-окт. — Sputnik. АКШнын демилгеси менен болгон макулдашууга ылайык, россиялык аскерлер Херсон багытында ок атууну убактылуу токтотот. Бул 27-октябрда Москва убактысы боюнча саат 04:00дөн тартып күчүнө кирет. Алешки шаарына керектүү жүктөрдү жеткирүү үчүн жолдун коопсуздугу текшерилип, гуманитардык колоннанын өтүшү камсыздалат. Ак үй буга чейин Алешки шаарында убактылуу ок атышпоо макулдашылганын кабарлаган. Кремлдин өкүлү Дмитрий Песков миссияны уюштурууну АКШнын биринчи айымы Мелания Трамп координациялап жаткандыгын бекемдеди. Россия тарап Мелания Трамптын Алешки шаарындагы гуманитардык ишке кошкон чоң салымын колдоорун билдирди. Бул ишти даярдоого Россиянын адам укуктары боюнча өкүлү Яна Лантратова жана анын украин кесиптеши Дмитрий Лубинец да катышкан. Лантратова каалагандар согуштун аймагынан коопсуз чыгып кетиши камсыздаларын айтты. Ошондой эле балдарга жардам берүү, анын ичинде медициналык көмөк көрсөтүү жана убактылуу жайга жайгаштыруу пландалууда. Мелания Трамп АКШнын көз карандысыз медиа уюму Россия менен Украинанын топтору менен кошо жүрүп, болуп жаткан окуяларды жазып, документтештирип турарын билдирди. Журналист Дмитрий Киселев Херсондун Алешки шаарында гуманитардык операцияны өткөрүү тууралуу чечимге баасын берген. Муну Россиянын президенти Владимир Путин менен АКШ лидеринин атайын чабарманы Стив Уиткоффтун жолугушуусунан кийинки биригүү кадамдарынын бири жана тынчтык сүйлөшүүлөрүндөгү жакшы жаңылык деп атады. Жасалган кадам шаарга көптөн күткөн азык-түлүк менен дары-дармектерди жеткирүүгө, ошондой эле карапайым калкты коопсуз жактарга чыгаруу үчүн гуманитардык жолду уюштурууга шарт түзөрүн баса белгиледи. Киселев тургундар Россияга же Украинага кетүүнү өздөрү тандай аларын белгиледи. Бириккен Улуттар Уюмунун Башкы катчысы Антониу Гутерреш бул макулдашууну кубаттап, ага жетишүүгө салым кошкондордун баарына ыраазы болду. Песков гуманитардык операция бир нече күнгө созуларын, анын чоо-жайын зарылчылык жаралса, Россиянын Коргоо министрлиги маалымдай турганын билдирди. Маалымат үчүн. Алешки шаары Днепр дарыясынын сол жээгинде, Украинанын Куралдуу күчтөрү көзөмөлдөгөн Херсондун каршы тарабында жайгашкан. Губернатор Владимир Сальдо билдиргендей, азык-түлүк, күйүүчү май жана дары-дармек жеткирүүнү тосуу үчүн украин согушкерлери жолдорду аралыктан туруп миналап, автоунааларга дрон менен кол салып келет.
https://sputnik.kg/20250817/melanya-tramptyn-putinge-zhazgan-katy-1095933344.html
акш
украина
херсон облусу
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, акш, украина, херсон облусу, мелания трамп, гуманитардык жардам, кепке келүү, атайын операция
дүйнөдө, россия, акш, украина, херсон облусу, мелания трамп, гуманитардык жардам, кепке келүү, атайын операция
Гуманитардык операциядан улам Алешкиде ок атышуу убактылуу токтотулат. Чоо-жайы
Россиянын адам укуктары боюнча акыйкатчысы Яна Лантратова азыркы тапта аймактагы карапайым элге гуманитардык жардам берүү маанилүү болуп турганын билдирди
БИШКЕК, 24-окт. — Sputnik. АКШнын демилгеси менен болгон макулдашууга ылайык, россиялык аскерлер Херсон багытында ок атууну убактылуу токтотот.
Бул 27-октябрда Москва убактысы боюнча саат 04:00дөн тартып күчүнө кирет.
Алешки шаарына керектүү жүктөрдү жеткирүү үчүн жолдун коопсуздугу текшерилип, гуманитардык колоннанын өтүшү камсыздалат. Ак үй буга чейин Алешки шаарында убактылуу ок атышпоо макулдашылганын кабарлаган.
"Биринчи айым Мелания Трамп Россия менен Украинанын ортосунда Алешкидеги ок атышууну токтотуу боюнча ийгиликтүү макулдашууга жетишти", — деп Ак үйдүн сайтында айтылат.
Кремлдин өкүлү Дмитрий Песков миссияны уюштурууну АКШнын биринчи айымы Мелания Трамп координациялап жаткандыгын бекемдеди.
Россия тарап Мелания Трамптын Алешки шаарындагы гуманитардык ишке кошкон чоң салымын колдоорун билдирди. Бул ишти даярдоого Россиянын адам укуктары боюнча өкүлү Яна Лантратова жана анын украин кесиптеши Дмитрий Лубинец да катышкан.
Лантратова каалагандар согуштун аймагынан коопсуз чыгып кетиши камсыздаларын айтты. Ошондой эле балдарга жардам берүү, анын ичинде медициналык көмөк көрсөтүү жана убактылуу жайга жайгаштыруу пландалууда.
Мелания Трамп АКШнын көз карандысыз медиа уюму Россия менен Украинанын топтору менен кошо жүрүп, болуп жаткан окуяларды жазып, документтештирип турарын билдирди.
Журналист Дмитрий Киселев Херсондун Алешки шаарында гуманитардык операцияны өткөрүү тууралуу чечимге баасын берген. Муну Россиянын президенти Владимир Путин менен АКШ лидеринин атайын чабарманы Стив Уиткоффтун жолугушуусунан кийинки биригүү кадамдарынын бири жана тынчтык сүйлөшүүлөрүндөгү жакшы жаңылык деп атады. Жасалган кадам шаарга көптөн күткөн азык-түлүк менен дары-дармектерди жеткирүүгө, ошондой эле карапайым калкты коопсуз жактарга чыгаруу үчүн гуманитардык жолду уюштурууга шарт түзөрүн баса белгиледи.
Киселев тургундар Россияга же Украинага кетүүнү өздөрү тандай аларын белгиледи.
Бириккен Улуттар Уюмунун Башкы катчысы Антониу Гутерреш бул макулдашууну кубаттап, ага жетишүүгө салым кошкондордун баарына ыраазы болду.
Песков гуманитардык операция бир нече күнгө созуларын, анын чоо-жайын зарылчылык жаралса, Россиянын Коргоо министрлиги маалымдай турганын билдирди.
Маалымат үчүн. Алешки шаары Днепр дарыясынын сол жээгинде, Украинанын Куралдуу күчтөрү көзөмөлдөгөн Херсондун каршы тарабында жайгашкан. Губернатор Владимир Сальдо билдиргендей, азык-түлүк, күйүүчү май жана дары-дармек жеткирүүнү тосуу үчүн украин согушкерлери жолдорду аралыктан туруп миналап, автоунааларга дрон менен кол салып келет.
