https://sputnik.kg/20260930/katardyn-aksh-menen-irandy-ehpke-keltire-algan-zhok-1103986444.html
ЖМК: Катардын АКШ менен Иранды эпке келтирүү аракетинен майнап чыккан жок
ЖМК: Катардын АКШ менен Иранды эпке келтирүү аракетинен майнап чыккан жок
Sputnik Кыргызстан
БИШКЕК, 30-сен. — Sputnik. Катардын АКШ менен Иранды эпке келтирүү боюнча жакында эле жасаган ортомчулук аракетинен майнап чыккан жок. Бул тууралуу Axios... 30.09.2026, Sputnik Кыргызстан
2026-09-30T11:56+0600
2026-09-30T11:56+0600
2026-09-30T11:56+0600
дүйнөдө
иран
акш
сунуш
катар
ортомчу
https://sputnik.kg/img/103411/92/1034119255_0:161:3068:1887_1920x0_80_0_0_b5c21c5d2049e78a6c0eccb7a54bd573.jpg
БИШКЕК, 30-сен. — Sputnik. Катардын АКШ менен Иранды эпке келтирүү боюнча жакында эле жасаган ортомчулук аракетинен майнап чыккан жок. Бул тууралуу Axios өзүнүн маалымат булактарына таянуу менен жазды. Басылма буга тараптардын айтканынан кайтпаганы себеп болуп жатканын белгилеген. Мындай жагдайдан улам согуштук аракеттер кайра башталып кетет деген кооптонуу күч экени айтылды. Порталдын маалыматы боюнча, америкалык аткаминерлер өлкө бийлиги шайлоолордун ортосундагы добуш берүү аяктагандан кийин ири согуштук операцияларды баштоо боюнча буйрук бериши мүмкүн экенин четке кагышкан эмес. Макалада арачы түшүп жаткан Катардын өкүлү Али аль-Тавади Иран ТИМинин башчысы Аббас Аракчи жана анын Нью-Йорктогу командасы менен жолугуп, эки жактын шарт-талабы эске алынган планды сунуштаган. Ошондой эле АКШ президентинин өкүлү Жаред Кушнер жана башка америкалык чиновниктер менен сүйлөшүүлөрдү өткөргөн. Буга чейин АКШ лидери Дональд Трамп Вашингтон Тегеранга өзөктүк программасынан баш тарттыруу үчүн санкцияларды жумшартып, активдерди бошотууну сунуштаганы тууралуу кептерди четке каккан эле. Ал эми Аракчи Тегеран Америка тарапка Ормуз кысыгын ачуу боюнча жети күндүк планын берип жиберген. Анда АКШ деңиз блокадасын жана мунай экспортуна киргизилген чектөөнү алышы керек эле. Бирок Трамп сунушту кабыл алган эмес. Деген менен Иран ТИМинин башчысы 27-сентябрга караган түнү Тегеран АКШ президентинин баш тартканына карабай ортомчулардан расмий жооп күтөрүн билдирген. Иран менен АКШнын чатагынан улам Ормуз кысыгы аркылуу өткөн кемелердин кыймылы дээрлик токтоду. Бул — мунай, мунай продуктуларын жана суюлтулган жаратылыш газын дүйнөлүк рынокко чыгарган негизги маршрут. Кысыктын жабылышынан улам бир топ мамлекетте нефтинин баасы өсүп кетти.
https://sputnik.kg/20260929/aksh-iran-izrail-sogush-kat-1103974208.html
иран
акш
катар
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, иран, акш, сунуш, катар, ортомчу
дүйнөдө, иран, акш, сунуш, катар, ортомчу
ЖМК: Катардын АКШ менен Иранды эпке келтирүү аракетинен майнап чыккан жок
БИШКЕК, 30-сен. — Sputnik. Катардын АКШ менен Иранды эпке келтирүү боюнча жакында эле жасаган ортомчулук аракетинен майнап чыккан жок. Бул тууралуу
Axios өзүнүн маалымат булактарына таянуу менен жазды.
Басылма буга тараптардын айтканынан кайтпаганы себеп болуп жатканын белгилеген. Мындай жагдайдан улам согуштук аракеттер кайра башталып кетет деген кооптонуу күч экени айтылды.
"Сүйлөшүүлөрдөн кабары бар үч киши Катардын аракети ишке ашпай калганын айтып берген. Тараптар койгон шарт-талабынан баш тартпай жатышат. Мындай туңгуюктуу абал согуштук аракеттерди жандантып жебириши толук ыктымал", — деп айтылат макалада.
Порталдын маалыматы боюнча, америкалык аткаминерлер өлкө бийлиги шайлоолордун ортосундагы добуш берүү аяктагандан кийин ири согуштук операцияларды баштоо боюнча буйрук бериши мүмкүн экенин четке кагышкан эмес.
Макалада арачы түшүп жаткан Катардын өкүлү Али аль-Тавади Иран ТИМинин башчысы Аббас Аракчи жана анын Нью-Йорктогу командасы менен жолугуп, эки жактын шарт-талабы эске алынган планды сунуштаган. Ошондой эле АКШ президентинин өкүлү Жаред Кушнер жана башка америкалык чиновниктер менен сүйлөшүүлөрдү өткөргөн.
Буга чейин АКШ лидери Дональд Трамп Вашингтон Тегеранга өзөктүк программасынан баш тарттыруу үчүн санкцияларды жумшартып, активдерди бошотууну сунуштаганы тууралуу кептерди четке каккан эле.
Ал эми Аракчи Тегеран Америка тарапка Ормуз кысыгын ачуу боюнча жети күндүк планын берип жиберген. Анда АКШ деңиз блокадасын жана мунай экспортуна киргизилген чектөөнү алышы керек эле. Бирок Трамп сунушту кабыл алган эмес. Деген менен Иран ТИМинин башчысы 27-сентябрга караган түнү Тегеран АКШ президентинин баш тартканына карабай ортомчулардан расмий жооп күтөрүн билдирген.
Иран менен АКШнын чатагынан улам Ормуз кысыгы аркылуу өткөн кемелердин кыймылы дээрлик токтоду. Бул — мунай, мунай продуктуларын жана суюлтулган жаратылыш газын дүйнөлүк рынокко чыгарган негизги маршрут. Кысыктын жабылышынан улам бир топ мамлекетте нефтинин баасы өсүп кетти.
