https://sputnik.kg/20260930/deputattar-mekteptegi-koygoylordu-kotorushtu-1103985143.html
Акча чогултмай, оор рюкзак: депутаттар мектептеги көйгөйлөрдү көтөрүштү
Акча чогултмай, оор рюкзак: депутаттар мектептеги көйгөйлөрдү көтөрүштү
Sputnik Кыргызстан
БИШКЕК, 30-сен. — Sputnik. Жогорку Кеңештин жыйынында депутаттар мектептердеги ата-энелерден акча чогултуу, окуу китептеринин оордугу, шариятка ылайык ипотека... 30.09.2026, Sputnik Кыргызстан
2026-09-30T11:36+0600
2026-09-30T11:36+0600
2026-09-30T11:36+0600
кыргызстан
жогорку кеңеш
мектеп
окуучу
китеп
депутат
https://sputnik.kg/img/07e7/04/18/1074683089_14:572:2638:2048_1920x0_80_0_0_fd1f267e3060f924e3da50832eaf4792.jpg
БИШКЕК, 30-сен. — Sputnik. Жогорку Кеңештин жыйынында депутаттар мектептердеги ата-энелерден акча чогултуу, окуу китептеринин оордугу, шариятка ылайык ипотека жана жүрөк кемтиги менен төрөлгөн балдарды дарылоо өңдүү бир катар маселелерди көтөрүштү. Эл өкүлү Улукбек Карыбек уулу мектептерде ата-энелерден оңдоп-түзөө иштерине, тазалык каражаттарына жана башка керектөөлөргө акча чогултуу уланып жатканын айтты. Анын маалыматына караганда, билим берүү тармагында мындай көмүскө жыйымдардын көлөмү 2,5 миллиард сомго жетет. Эл өкүлү мектептердин тазалыгына бөлүнгөн каражатты кайра карап чыгып, техникалык кызматкерлердин санын көбөйтүүнү жана айлыгын жогорулатууну сунуштады. Бурул Аманова болсо башталгыч класстын окуучулары көтөрүп жүргөн китептердин салмагы оор болуп жатканын белгиледи. Анын айтымында, айрым окуучулардын жон баштыгы 7 килограммдан ашып кетүүдө. Эл өкүлү бул маселени Агартуу министрлиги карап чыгышы керек деген пикирде. Ал эми Уланбек Жаанбаев Мамлекеттик ипотекалык компания аркылуу шариятка ылайык турак жай алуу мүмкүнчүлүгүн түзүүнү сунуштады. Депутаттын айтымында, айрым жарандар насыянын пайыздык ченинен улам МИКтин турак жай программаларына катышпай жатышат. Таалайбек Масабиров жүрөк кемтиги менен төрөлгөн балдарды дарылоо үчүн Ошто жана Бишкекте кошумча оорукана корпустарын курууну сунуштады. Анын маалыматына ылайык, Кыргызстанда жылына 1500-1700дөй бала жүрөк кемтиги менен төрөлөт. Учурда Бишкектеги тиешелүү бөлүмдөрдө орун жетишсиз болуп, жылына 300-350 балага гана операция жасалат. Депутат Ошто балдар ооруканасынын жанына жаңы корпус курууну, Бишкектеги Эне жана баланы коргоо борборунун базасын кеңейтип, бул багытта жаңы адистерди даярдоону сунуштады.
https://sputnik.kg/20260929/-agartuu-ministrligi-mektep-kitepteri-muzulmanov-2028-1103969366.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, жогорку кеңеш, мектеп, окуучу, китеп, депутат
кыргызстан, жогорку кеңеш, мектеп, окуучу, китеп, депутат
БИШКЕК, 30-сен. — Sputnik. Жогорку Кеңештин жыйынында депутаттар мектептердеги ата-энелерден акча чогултуу, окуу китептеринин оордугу, шариятка ылайык ипотека жана жүрөк кемтиги менен төрөлгөн балдарды дарылоо өңдүү бир катар маселелерди көтөрүштү.
Эл өкүлү Улукбек Карыбек уулу мектептерде ата-энелерден оңдоп-түзөө иштерине, тазалык каражаттарына жана башка керектөөлөргө акча чогултуу уланып жатканын айтты. Анын маалыматына караганда, билим берүү тармагында мындай көмүскө жыйымдардын көлөмү 2,5 миллиард сомго жетет.
Эл өкүлү мектептердин тазалыгына бөлүнгөн каражатты кайра карап чыгып, техникалык кызматкерлердин санын көбөйтүүнү жана айлыгын жогорулатууну сунуштады.
Бурул Аманова болсо башталгыч класстын окуучулары көтөрүп жүргөн китептердин салмагы оор болуп жатканын белгиледи. Анын айтымында, айрым окуучулардын жон баштыгы 7 килограммдан ашып кетүүдө. Эл өкүлү бул маселени Агартуу министрлиги карап чыгышы керек деген пикирде.
Ал эми Уланбек Жаанбаев Мамлекеттик ипотекалык компания аркылуу шариятка ылайык турак жай алуу мүмкүнчүлүгүн түзүүнү сунуштады. Депутаттын айтымында, айрым жарандар насыянын пайыздык ченинен улам МИКтин турак жай программаларына катышпай жатышат.
Таалайбек Масабиров жүрөк кемтиги менен төрөлгөн балдарды дарылоо үчүн Ошто жана Бишкекте кошумча оорукана корпустарын курууну сунуштады. Анын маалыматына ылайык, Кыргызстанда жылына 1500-1700дөй бала жүрөк кемтиги менен төрөлөт. Учурда Бишкектеги тиешелүү бөлүмдөрдө орун жетишсиз болуп, жылына 300-350 балага гана операция жасалат.
Депутат Ошто балдар ооруканасынын жанына жаңы корпус курууну, Бишкектеги Эне жана баланы коргоо борборунун базасын кеңейтип, бул багытта жаңы адистерди даярдоону сунуштады.
