https://sputnik.kg/20260923/tekebayev-borbor-aziyanyn-kelechegi-tuuraluu-aytty-1103846303.html
Текебаев Кыргызстанда улуттук кайра жаралуу доорунун жаңы этабы башталганын айтты
Текебаев Кыргызстанда улуттук кайра жаралуу доорунун жаңы этабы башталганын айтты
Sputnik Кыргызстан
БИШКЕК, 23-сен. — Sputnik. Кыргызстандын Германиядагы элчиси Өмүрбек Текебаев өлкөдө акыркы жылдары байкалган экономикалык өсүштү дүйнөдөгү өзгөрүп жаткан... 23.09.2026, Sputnik Кыргызстан
2026-09-23T10:44+0600
2026-09-23T10:44+0600
2026-09-23T10:44+0600
кыргызстан
өмүрбек текебаев
элчи
өнүгүү
экономика
https://sputnik.kg/img/103197/56/1031975641_0:0:1899:1069_1920x0_80_0_0_9028cf86cc720dad917091769483e9a6.jpg
БИШКЕК, 23-сен. — Sputnik. Кыргызстандын Германиядагы элчиси Өмүрбек Текебаев өлкөдө акыркы жылдары байкалган экономикалык өсүштү дүйнөдөгү өзгөрүп жаткан кырдаалдан ачылган жаңы мүмкүнчүлүктөрдү пайдалануу менен байланыштырды. Бул тууралуу ал "Кыргыз Туусу" гезитине курган маегинде билдирди. Саясатчы Борбор Азиянын өз алдынча саясат жүргүзүү мүмкүнчүлүгү кеңейип, аймактагы мамлекеттердин кызматташтыгы күчөп жатканын белгиледи. Текебаевдин айтымында, дүйнөдө экономикалык байланыштар, соода жолдору, технологиялык өнүгүү жана күч борборлорунун ортосундагы мамилелер өзгөрүп жаткан учурда Кыргызстан өзүнүн улуттук кызыкчылыктары менен тышкы өнөктөштөрдүн кызыкчылыктарын тең салмактоого аракет кылып жатат. Ал өлкөдөгү экономикалык өсүш менен катар коомдо тарыхка, маданиятка жана улуттук баалуулуктарга болгон кызыгуу күчөгөнүн белгиледи. Текебаев муну улуттук кайра жаралуу процессинин жаңы этабы катары баалаган. Анын айтымында, биринчи этап 1990-жылдардын башында, Кыргызстан эгемендүүлүккө ээ болгондо башталган. Ошол учурда коом өзүнүн тарыхын, тилин, маданиятын жана улуттук символдорун кайрадан таанып-билген.“Бирок бул процесс өтө оор экономикалык каатчылыктын капшабында калып, эски система ыдыраган шартта жүргөн. Бүгүнкү кырдаал башкача. Өз тарыхына болгон жаңы кызыгуу, экономиканын өсүшү, курулуштар жана өлкөнүн дарамети артып жатканын сезүү менен коштолууда”, — деген элчи.Дипломат ошондой эле Борбор Азия өлкөлөрүнүн ортосундагы өз ара ишеним жана кызматташтык күчөп жатканын белгиледи. Анын айтымында, мамлекеттер соода-экономикалык жана транспорттук байланыштарын кеңейтүү менен катар эл аралык маселелер боюнча да өз ара кеңешип, кызматташууга көбүрөөк көңүл бурууда. Маекте элчи "Династия. Металл. Ат. Евразиялык көчмөн цивилизациясынын жаралышы" аттуу трилогиясынын биринчи тому тууралуу да айтып берген. Китепте Саян-Алтайдан Тянь-Шанга чейинки аймактагы байыркы көчмөн цивилизациясынын калыптанышы археологиялык, генетикалык жана тарыхый маалыматтардын негизинде изилденгени белгиленди. Текебаевдин айтымында, байыркы көчмөн дүйнөнүн өнүгүшүндөгү негизги факторлорду шарттуу түрдө "династия, металл жана ат" түшүнүктөрү менен байланыштырууга болот. Ал эми XXI кылым үчүн алардын функционалдык эквиваленти катары идентификация, энергия жана санариптик технологияларды атады.
https://sputnik.kg/20260916/sadyr-japarov-borbor-aziya-koreya-sammit-investitsiyalyk-fond-1103701555.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, өмүрбек текебаев, элчи, өнүгүү, экономика
кыргызстан, өмүрбек текебаев, элчи, өнүгүү, экономика
БИШКЕК, 23-сен. — Sputnik. Кыргызстандын Германиядагы элчиси Өмүрбек Текебаев өлкөдө акыркы жылдары байкалган экономикалык өсүштү дүйнөдөгү өзгөрүп жаткан кырдаалдан ачылган жаңы мүмкүнчүлүктөрдү пайдалануу менен байланыштырды. Бул тууралуу ал "Кыргыз Туусу" гезитине курган маегинде билдирди.
Саясатчы Борбор Азиянын өз алдынча саясат жүргүзүү мүмкүнчүлүгү кеңейип, аймактагы мамлекеттердин кызматташтыгы күчөп жатканын белгиледи.
Текебаевдин айтымында, дүйнөдө экономикалык байланыштар, соода жолдору, технологиялык өнүгүү жана күч борборлорунун ортосундагы мамилелер өзгөрүп жаткан учурда Кыргызстан өзүнүн улуттук кызыкчылыктары менен тышкы өнөктөштөрдүн кызыкчылыктарын тең салмактоого аракет кылып жатат.
Ал өлкөдөгү экономикалык өсүш менен катар коомдо тарыхка, маданиятка жана улуттук баалуулуктарга болгон кызыгуу күчөгөнүн белгиледи. Текебаев муну улуттук кайра жаралуу процессинин жаңы этабы катары баалаган.
“Бирок мени экономика гана кызыктырбайт. Кыргызстанга акыркы сапарымда коомдогу жалпы маанайдын өзгөргөнүн сездим. Мен болуп жаткан процессти улуттук кайра жаралуунун экинчи этабы деп атаар элем”, — деген Текебаев маегинде.
Анын айтымында, биринчи этап 1990-жылдардын башында, Кыргызстан эгемендүүлүккө ээ болгондо башталган. Ошол учурда коом өзүнүн тарыхын, тилин, маданиятын жана улуттук символдорун кайрадан таанып-билген.
“Бирок бул процесс өтө оор экономикалык каатчылыктын капшабында калып, эски система ыдыраган шартта жүргөн. Бүгүнкү кырдаал башкача. Өз тарыхына болгон жаңы кызыгуу, экономиканын өсүшү, курулуштар жана өлкөнүн дарамети артып жатканын сезүү менен коштолууда”, — деген элчи.
Дипломат ошондой эле Борбор Азия өлкөлөрүнүн ортосундагы өз ара ишеним жана кызматташтык күчөп жатканын белгиледи. Анын айтымында, мамлекеттер соода-экономикалык жана транспорттук байланыштарын кеңейтүү менен катар эл аралык маселелер боюнча да өз ара кеңешип, кызматташууга көбүрөөк көңүл бурууда.
Маекте элчи "Династия. Металл. Ат. Евразиялык көчмөн цивилизациясынын жаралышы" аттуу трилогиясынын биринчи тому тууралуу да айтып берген. Китепте Саян-Алтайдан Тянь-Шанга чейинки аймактагы байыркы көчмөн цивилизациясынын калыптанышы археологиялык, генетикалык жана тарыхый маалыматтардын негизинде изилденгени белгиленди.
Текебаевдин айтымында, байыркы көчмөн дүйнөнүн өнүгүшүндөгү негизги факторлорду шарттуу түрдө "династия, металл жана ат" түшүнүктөрү менен байланыштырууга болот. Ал эми XXI кылым үчүн алардын функционалдык эквиваленти катары идентификация, энергия жана санариптик технологияларды атады.
