https://sputnik.kg/20260915/zhaparov-bilim-kununo-karata-kuttuktady-1103667175.html
Мугалимдин кадырын көтөрүү — улуттук саясат. Жапаров билим күнүнө карата куттуктады
Мугалимдин кадырын көтөрүү — улуттук саясат. Жапаров билим күнүнө карата куттуктады
Sputnik Кыргызстан
БИШКЕК, 15-сен. — Sputnik. Заман талабына шайкеш келген жаш муун – биздин улуттук башкы байлыгыбыз. Бул турасында президент Садыр Жапаровдун Билим күнүнө... 15.09.2026, Sputnik Кыргызстан
2026-09-15T08:46+0600
2026-09-15T08:46+0600
2026-09-15T09:28+0600
кыргызстан
билим күнү
садыр жапаров
куттуктоо
мугалим
жаштар
окуучу
https://sputnik.kg/img/07e8/05/06/1084870717_0:294:3119:2048_1920x0_80_0_0_d79a1b70b1a1f24fcf39c9b5eef86c28.jpg
БИШКЕК, 15-сен. — Sputnik. Заман талабына шайкеш келген жаш муун – биздин улуттук башкы байлыгыбыз. Бул турасында президент Садыр Жапаровдун Билим күнүнө карата куттуктоосунда айтылат. Мамлекет башчынын окуучуларга, студенттерге, мугалимдерге жолдогон куттуктоосун толук беребиз. "Ардактуу агартуучулар! Кымбаттуу окуучулар жана студенттер! Урматтуу мекендештер! Сиздерди илимдин, билимдин майрамы – Билим күнү менен чын жүрөктөн куттуктайм! Ар бир улуттун улуулугу, мамлекеттин кубаттуулугу анын курал-жарагы же байлыгы менен эмес, биринчи кезекте – илим-билими жана интеллектуалдык дарамети менен өлчөнөт. Бүгүнкү глобалдашуу доорунда негизги куралыбыз – терең билим жана заманбап илим болушу шарт. Биз мекенчил, атаандаштыкка жөндөмдүү, дүйнөлүк деңгээлде теңтайлаша алган күчтүү муунду тарбиялоо менен гана өлкөбүздүн көз карандысыздыгын чындап чыңдай алабыз. Ушундан улам, заман талабына шайкеш келген жаш муун – биздин улуттук башкы байлыгыбыз.. Элибиз "Билеги күчтүү бирди жыгат, билими күчтүү миңди жыгат" деп кара күчкө эле эмес, акыл-эске, билимге да өзгөчө маани берип келген. Бүгүнкү ааламдашуу жана жогорку технологиялар заманында ата-бабаларыбыздын бул көрөгөчтүгү өзгөчө мааниге ээ болууда. Терең билимдин, креативдүү ой жүгүртүүнүн жана жогорку санарип маданияттын заманы болуп жаткан азыркы доордо атаандаштыкка жөндөмдүү күчтүү мамлекетти түптөөнүн эң башкы кепилдиги – дал ушундай заманбап жана билимдүү муунду тарбиялоодо экендиги шексиз. Биз дүйнөлүк алдыңкы стандарттарга шайкеш келүү максатында билим берүүнү трансформациялоо боюнча башкы стратегиялык багытыбызды – "Алтын Казык" мамлекеттик программасын ишке ашырууга жан үрөп кириштик. Анын алкагында мектеп программалары жаңыланып, STEM окуу предметтерине, жасалма интеллектиге, чет тилдерине жана функционалдык сабаттуулукка өзгөчө маани бериле баштады. Бул кадам баланын шык-жөндөмүн эрте курактан ачууга, кесипке туура багыттоого жана глобалдык деңгээлде теңтайлаша алган кыргызстандык жаңы муунду тарбиялоого жол ачат. Бүгүнкү билим берүүнүн стратегиялык миссиясы жаштарга заманбап билим берүү менен бирге, алардын аң-сезимине кыргыз элинин улуттук баалуулуктарын, ата-бабадан калган асыл нарк-насилди жана терең мекенчилдик сезимди кошо сиңирүү болуп саналат. Билимдүү, мекенчил жана намыскөй муун – биздин эгемендигибиздин эң бекем калканы. Мугалимдердин билим берүүгө болгон умтулуулары жана окуучулар менен студенттердин терең билим алууга болгон ынтызарлыгы өлкөбүздүн эртеңкисин аныктайт. Ата мекендин жаркын келечегине ата-энелердин да аракети маанилүү. Өсүп келе жаткан ар бир жаш муун улуттук нарк-насилди асыл тутуп, аздектеп алып жүргөн, дүйнөлүк деңгээлде атаандаша алган билимдүү инсан болуп жетилишине тилектешмин. Урматтуу мугалимдер! Мамлекеттин ар бир илгери кадамынын, ар бир стратегиялык жеңишинин артында билим берүү тармагынын негизги кыймылдаткыч күчү катары мугалим турат. Биз муну абдан жакшы түшүнөбүз. Ушундан улам мугалимдик кесиптин кадыр-баркын көтөрүү биздин курулай убада эмес, башкы улуттук саясатыбыз экенин иш жүзүндө далилдеп келебиз. Үстүбүздөгү жылдын апрель айындагы мугалимдердин айлык маянасын 100 пайызга жогорулатуу агартуучуларыбыздын турмуш шартын жакшыртуу менен катар алардын коомдогу социалдык макамын көтөрүүгө жасалган маанилүү кадам болуп саналат. Сиздердин ары түйшүктүү, ары жаратман эмгегиңиздерди мамлекет ар дайым жогору баалайт жана мындан ары да колдоосун улантат. Баарыңыздарга чың ден соолук, үй-бүлөлүк бакубатчылык жана эгемен Кыргызстаныбыздын жаркын келечеги үчүн жасап жаткан иштериңиздерге албан-албан жетишкендиктерди каалайм! Билим күнүңүздөр кут болсун!"
https://sputnik.kg/20260911/zhaparov-talastagy-balastan-baldar-borboruna-bardy-1103612141.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, билим күнү, садыр жапаров, куттуктоо, мугалим, жаштар, окуучу
кыргызстан, билим күнү, садыр жапаров, куттуктоо, мугалим, жаштар, окуучу
БИШКЕК, 15-сен. — Sputnik. Заман талабына шайкеш келген жаш муун – биздин улуттук башкы байлыгыбыз. Бул турасында президент Садыр Жапаровдун Билим күнүнө карата куттуктоосунда айтылат.
Мамлекет башчынын окуучуларга, студенттерге, мугалимдерге жолдогон куттуктоосун толук беребиз.
"Ардактуу агартуучулар! Кымбаттуу окуучулар жана студенттер! Урматтуу мекендештер!
Сиздерди илимдин, билимдин майрамы – Билим күнү менен чын жүрөктөн куттуктайм!
Ар бир улуттун улуулугу, мамлекеттин кубаттуулугу анын курал-жарагы же байлыгы менен эмес, биринчи кезекте – илим-билими жана интеллектуалдык дарамети менен өлчөнөт. Бүгүнкү глобалдашуу доорунда негизги куралыбыз – терең билим жана заманбап илим болушу шарт. Биз мекенчил, атаандаштыкка жөндөмдүү, дүйнөлүк деңгээлде теңтайлаша алган күчтүү муунду тарбиялоо менен гана өлкөбүздүн көз карандысыздыгын чындап чыңдай алабыз.
Ушундан улам, заман талабына шайкеш келген жаш муун – биздин улуттук башкы байлыгыбыз..
Элибиз "Билеги күчтүү бирди жыгат, билими күчтүү миңди жыгат" деп кара күчкө эле эмес, акыл-эске, билимге да өзгөчө маани берип келген. Бүгүнкү ааламдашуу жана жогорку технологиялар заманында ата-бабаларыбыздын бул көрөгөчтүгү өзгөчө мааниге ээ болууда. Терең билимдин, креативдүү ой жүгүртүүнүн жана жогорку санарип маданияттын заманы болуп жаткан азыркы доордо атаандаштыкка жөндөмдүү күчтүү мамлекетти түптөөнүн эң башкы кепилдиги – дал ушундай заманбап жана билимдүү муунду тарбиялоодо экендиги шексиз.
Биз дүйнөлүк алдыңкы стандарттарга шайкеш келүү максатында билим берүүнү трансформациялоо боюнча башкы стратегиялык багытыбызды – "Алтын Казык" мамлекеттик программасын ишке ашырууга жан үрөп кириштик. Анын алкагында мектеп программалары жаңыланып, STEM окуу предметтерине, жасалма интеллектиге, чет тилдерине жана функционалдык сабаттуулукка өзгөчө маани бериле баштады. Бул кадам баланын шык-жөндөмүн эрте курактан ачууга, кесипке туура багыттоого жана глобалдык деңгээлде теңтайлаша алган кыргызстандык жаңы муунду тарбиялоого жол ачат.
Бүгүнкү билим берүүнүн стратегиялык миссиясы жаштарга заманбап билим берүү менен бирге, алардын аң-сезимине кыргыз элинин улуттук баалуулуктарын, ата-бабадан калган асыл нарк-насилди жана терең мекенчилдик сезимди кошо сиңирүү болуп саналат. Билимдүү, мекенчил жана намыскөй муун – биздин эгемендигибиздин эң бекем калканы.
Мугалимдердин билим берүүгө болгон умтулуулары жана окуучулар менен студенттердин терең билим алууга болгон ынтызарлыгы өлкөбүздүн эртеңкисин аныктайт. Ата мекендин жаркын келечегине ата-энелердин да аракети маанилүү.
Өсүп келе жаткан ар бир жаш муун улуттук нарк-насилди асыл тутуп, аздектеп алып жүргөн, дүйнөлүк деңгээлде атаандаша алган билимдүү инсан болуп жетилишине тилектешмин.
Мамлекеттин ар бир илгери кадамынын, ар бир стратегиялык жеңишинин артында билим берүү тармагынын негизги кыймылдаткыч күчү катары мугалим турат. Биз муну абдан жакшы түшүнөбүз. Ушундан улам мугалимдик кесиптин кадыр-баркын көтөрүү биздин курулай убада эмес, башкы улуттук саясатыбыз экенин иш жүзүндө далилдеп келебиз. Үстүбүздөгү жылдын апрель айындагы мугалимдердин айлык маянасын 100 пайызга жогорулатуу агартуучуларыбыздын турмуш шартын жакшыртуу менен катар алардын коомдогу социалдык макамын көтөрүүгө жасалган маанилүү кадам болуп саналат. Сиздердин ары түйшүктүү, ары жаратман эмгегиңиздерди мамлекет ар дайым жогору баалайт жана мындан ары да колдоосун улантат.
Баарыңыздарга чың ден соолук, үй-бүлөлүк бакубатчылык жана эгемен Кыргызстаныбыздын жаркын келечеги үчүн жасап жаткан иштериңиздерге албан-албан жетишкендиктерди каалайм!
Билим күнүңүздөр кут болсун!"
