https://sputnik.kg/20260913/tehnologiyalyk-liderler-kuchtuu-ji-onuguusun-basandatuu-kerek-1103635506.html
Технологиялык лидерлер: күчтүү ЖИни өнүктүрүүнү басаңдатуу зарыл
Технологиялык лидерлер: күчтүү ЖИни өнүктүрүүнү басаңдатуу зарыл
Sputnik Кыргызстан
БИШКЕК, 13-сен. — Sputnik. Дүйнөдөгү эң ири технологиялык компаниялардын жетекчилери коопсуздук максатында жасалма интеллектинин (ЖИ) өнүгүү ыргагын басаңдатуу... 13.09.2026, Sputnik Кыргызстан
2026-09-13T12:51+0600
2026-09-13T12:51+0600
2026-09-13T12:57+0600
дүйнөдө
жасалма интеллект
кооптуулук
коопсуздук
коркунучтар
https://sputnik.kg/img/07e9/0a/07/1096990610_0:0:3072:1728_1920x0_80_0_0_3cea96e2f5938b13e90550ff18944bab.jpg
БИШКЕК, 13-сен. — Sputnik. Дүйнөдөгү эң ири технологиялык компаниялардын жетекчилери коопсуздук максатында жасалма интеллектинин (ЖИ) өнүгүү ыргагын басаңдатуу демилгесин көтөрүп чыгышты. Андан да күчтүү системдерди иштеп чыгууну убактылуу токтото туруу боюнча Anthropic жетекчиси Дарио Амодейдин идеясын Илон Маск (xAI) менен Сэм Альтман (OpenAI) да ачык колдоого алышты.CBS телеканалынын эфиринде Амодей IT-гиганттар менен өкмөттүк түзүмдөрдү коопсуздуктун бирдиктүү стандарттарын иштеп чыгууга жана жаңы ЖИ-моделдерин чыгаруу темпин көзөмөлдөөгө чакырды. Бул демилгени кубаттаган Илон Маск X социалдык тармагына: “Дарионуку туура”, — деп жазды. Ишкер ошондой эле мындан 12 жыл мурун — 2014-жылы эле жасалма интеллектинин өзөктүк куралдан да кооптуу экенин эскерткен билдирүүсүн кайра бөлүштү.Ал эми OpenAI компаниясынын негиздөөчүсү Сэм Альтман алдыңкы системдерди иштеп чыгууну басаңдатуу зарылдыгына кошулуп, коопсуздук эрежелеринин сакталышын текшерүү үчүн көз карандысыз аудиторлорду тартууну колдоду. Fortune басылмасына берген маегинде Альтман адамдын көзөмөлүнөн чыгып кеткен ЖИнин пайда болушу мүмкүндүгүн жокко чыгарган эмес, бирок мындай жагдайды алдын алуу керектигин эскертип, тобокелдиктер жаралган учурда алгоритмдерди окутууну токтотууга убада берди.Bloomberg агенттигинин маалыматына караганда, OpenAI нейротүйүндөрдүн ишиндеги мүчүлүштүктөрдөн улам процесстерди жайлатуу вариантын караштырган. Буга чейин, июль айында компаниянын моделдери Hugging Face платформасынын инфраструктурасын өз алдынча бузуп киргендиктен, сентябрда америкалык сенатор Жош Хоули тарабынан иликтөө башталган.Ошол эле учурда Anthropic изилдөөчүсү Жейкоб Коксон бул тармактан кетип жатканын жарыялады. Ал мындай чечимин процесс “артка кайтууга болбой турган чекке” жакындап калганы жана 2027-жылдын аягына чейин апокалипсистик коркунуч жаралышы ыктымалдыгы менен түшүндүрдү. Ал эми аталган компаниянын стресс-тестирлөө багытынын жетекчиси Эван Хьюбингер алдыдагы 10 жылдын ичинде жасалма интеллектинин адамзатты жок кылуу ыктымалдыгын 10 пайызга баалаган.
https://sputnik.kg/20260908/ai-adamzatty-zhok-kylyp-zhiberishi-mumkun-1103522778.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, жасалма интеллект, кооптуулук, коопсуздук, коркунучтар
дүйнөдө, жасалма интеллект, кооптуулук, коопсуздук, коркунучтар
Технологиялык лидерлер: күчтүү ЖИни өнүктүрүүнү басаңдатуу зарыл
12:51 13.09.2026 (Жаңыртылды: 12:57 13.09.2026) БИШКЕК, 13-сен. — Sputnik. Дүйнөдөгү эң ири технологиялык компаниялардын жетекчилери коопсуздук максатында жасалма интеллектинин (ЖИ) өнүгүү ыргагын басаңдатуу демилгесин көтөрүп чыгышты. Андан да күчтүү системдерди иштеп чыгууну убактылуу токтото туруу боюнча Anthropic жетекчиси Дарио Амодейдин идеясын Илон Маск (xAI) менен Сэм Альтман (OpenAI) да ачык колдоого алышты.
CBS телеканалынын эфиринде Амодей IT-гиганттар менен өкмөттүк түзүмдөрдү коопсуздуктун бирдиктүү стандарттарын иштеп чыгууга жана жаңы ЖИ-моделдерин чыгаруу темпин көзөмөлдөөгө чакырды. Бул демилгени кубаттаган Илон Маск X социалдык тармагына: “Дарионуку туура”, — деп жазды. Ишкер ошондой эле мындан 12 жыл мурун — 2014-жылы эле жасалма интеллектинин өзөктүк куралдан да кооптуу экенин эскерткен билдирүүсүн кайра бөлүштү.
Ал эми OpenAI компаниясынын негиздөөчүсү Сэм Альтман алдыңкы системдерди иштеп чыгууну басаңдатуу зарылдыгына кошулуп, коопсуздук эрежелеринин сакталышын текшерүү үчүн көз карандысыз аудиторлорду тартууну колдоду. Fortune басылмасына берген маегинде Альтман адамдын көзөмөлүнөн чыгып кеткен ЖИнин пайда болушу мүмкүндүгүн жокко чыгарган эмес, бирок мындай жагдайды алдын алуу керектигин эскертип, тобокелдиктер жаралган учурда алгоритмдерди окутууну токтотууга убада берди.
Bloomberg агенттигинин маалыматына караганда, OpenAI нейротүйүндөрдүн ишиндеги мүчүлүштүктөрдөн улам процесстерди жайлатуу вариантын караштырган. Буга чейин, июль айында компаниянын моделдери Hugging Face платформасынын инфраструктурасын өз алдынча бузуп киргендиктен, сентябрда америкалык сенатор Жош Хоули тарабынан иликтөө башталган.
Ошол эле учурда Anthropic изилдөөчүсү Жейкоб Коксон бул тармактан кетип жатканын жарыялады. Ал мындай чечимин процесс “артка кайтууга болбой турган чекке” жакындап калганы жана 2027-жылдын аягына чейин апокалипсистик коркунуч жаралышы ыктымалдыгы менен түшүндүрдү. Ал эми аталган компаниянын стресс-тестирлөө багытынын жетекчиси Эван Хьюбингер алдыдагы 10 жылдын ичинде жасалма интеллектинин адамзатты жок кылуу ыктымалдыгын 10 пайызга баалаган.
