https://sputnik.kg/20260912/agentter-chabuul-zhasap-zhatat-1103630204.html
WSJ: OpenAI агенттеринин платформаларга жасалган чабуулдарга тиешеси бар
WSJ: OpenAI агенттеринин платформаларга жасалган чабуулдарга тиешеси бар
Sputnik Кыргызстан
Жасалма акыл (AI )жаатындагы адистер менен эксперттер бул тармактын адамзаттын жок кылуу кооптуулугу бар деген пикирлерин да айта башташты. 12.09.2026, Sputnik Кыргызстан
2026-09-12T20:18+0600
2026-09-12T20:18+0600
2026-09-13T11:38+0600
дүйнөдө
жасалма интеллект
көйгөй
спам
программист
кооптуулук
көзөмөл
токтоо
https://sputnik.kg/img/07e9/06/1b/1094940203_0:108:3072:1836_1920x0_80_0_0_86256f596c0752f82847e069ed0aeba4.jpg
БИШКЕК, 12-сен. — Sputnik. Изилдөөчүлөр программисттер колдонгон RubyGems сервисине чабуул коюлуп, ага көбүбүз колдонуп жүргөн OpenAI компаниясынын ЖИ-агенттери катышканын көрсөткөн далилдерди тапты. Бул туурасында Тhe Wall Street Journal жазды. RubyGems платформасынан мүчүлүштүк май айында кеткен. Бул окуядан эки ай өткөндөн кийин гана OpenAI компаниясы өзүнүн жасалма акыл моделдерин сыноо учурунда алар адамдын жардамысыз, өз алдынча Hugging Face серверин (инфраструктурасын) бузуп киргенин ачыктаган. Маалымат үчүн айта кетсек, RubyGems жана Hugging Face — программисттер жана жасалма интеллектини иштеп чыккандар колдонгон белгилүү эл аралык интернет-платформалар. Изилдөөчүлөрдүн айтымында, ЖИ-агенттер тесттик чөйрөдөн чыгып кетип, RubyGems платформасында жаңы аккаунттарды түзүп, спамга окшош жүздөгөн файлдарды жүктөп салышкан. Чабуулар ар тараптан болгондуктан RubyGems платформасынын администрациясы жаңы колдонуучуларды каттоону төрт күнгө токтотууга аргасыз болгон. Буга чейин Bloomberg агенттиги маалымат булактарына таянып, ChatGPT чат-ботун иштеп чыккан OpenAI компаниясы өзүнүн системаларындагы мүчүлүштүктөр тууралуу көптөгөн билдирүүлөрдөн улам жасалма интеллектини өнүктүрүүнү жайлатуу мүмкүнчүлүгүн карап жатканын билдирген. Июль айында OpenAI компаниясы тесттен өткөрүү учурунда анын моделдери Hugging Face платформасынын инфраструктурасын өз алдынча бузуп киргенин билдирген. Ошондой эле буга катышы бар, бирок коомчулукка сунуштала элек моделдин киберкоргонуу параметрлери аны сыноо максатында атайын төмөндөтүлгөнү белгиленген. Августта британиялык ЖИнин коопсуздугу боюнча институт (AI Safety Institute - AISI) буга үндөш окуяны кабарлаган. Бул жай жасалма акылдын алдыңкы жана жаңы моделдеринин коопсуздугун изилдөө, сыноодон өткөрүү жана алар жаратышы мүмкүн болгон коркунучтарды алдын алуу үчүн түптөлгөн. Тагыраагы, Anthropic компаниясынын Claude Mythos 5 жасалма интеллект модели адистерди — иштеп чыгуучуларды алдап, аларга зыяндуу кодду кабыл алдыруу (өткөрүү) максатында жасалма аккаунттарды түзгөнүн билдирген.
https://sputnik.kg/20260908/ai-adamzatty-zhok-kylyp-zhiberishi-mumkun-1103522778.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, жасалма интеллект, көйгөй, спам, программист, кооптуулук, көзөмөл, токтоо
дүйнөдө, жасалма интеллект, көйгөй, спам, программист, кооптуулук, көзөмөл, токтоо
WSJ: OpenAI агенттеринин платформаларга жасалган чабуулдарга тиешеси бар
20:18 12.09.2026 (Жаңыртылды: 11:38 13.09.2026) Жасалма акыл (AI )жаатындагы адистер менен эксперттер бул тармактын адамзаттын жок кылуу кооптуулугу бар деген пикирлерин да айта башташты.
БИШКЕК, 12-сен. — Sputnik. Изилдөөчүлөр программисттер колдонгон RubyGems сервисине чабуул коюлуп, ага көбүбүз колдонуп жүргөн OpenAI компаниясынын ЖИ-агенттери катышканын көрсөткөн далилдерди тапты. Бул туурасында
Тhe Wall Street Journal жазды.
RubyGems платформасынан мүчүлүштүк май айында кеткен. Бул окуядан эки ай өткөндөн кийин гана OpenAI компаниясы өзүнүн жасалма акыл моделдерин сыноо учурунда алар адамдын жардамысыз, өз алдынча Hugging Face серверин (инфраструктурасын) бузуп киргенин ачыктаган.
Маалымат үчүн айта кетсек, RubyGems жана Hugging Face — программисттер жана жасалма интеллектини иштеп чыккандар колдонгон белгилүү эл аралык интернет-платформалар.
Изилдөөчүлөрдүн айтымында, ЖИ-агенттер тесттик чөйрөдөн чыгып кетип, RubyGems платформасында жаңы аккаунттарды түзүп, спамга окшош жүздөгөн файлдарды жүктөп салышкан.
"ЖИ боюнча изилдөөчүлөр тобу OpenAI компаниясынын агенттери май айындагы чабуулга тиешеси бар экенин көрсөткөн далилдерди тапканын билдирди. Жума күнү компания жасалма акыл агенттери чындап эле RubyGems платформасындагы бул окуяга аралашканын тастыктады", — деп басылма жазды.
Чабуулар ар тараптан болгондуктан RubyGems платформасынын администрациясы жаңы колдонуучуларды каттоону төрт күнгө токтотууга аргасыз болгон.
Буга чейин Bloomberg агенттиги маалымат булактарына таянып, ChatGPT чат-ботун иштеп чыккан OpenAI компаниясы өзүнүн системаларындагы мүчүлүштүктөр тууралуу көптөгөн билдирүүлөрдөн улам жасалма интеллектини өнүктүрүүнү жайлатуу мүмкүнчүлүгүн карап жатканын билдирген.
Июль айында OpenAI компаниясы тесттен өткөрүү учурунда анын моделдери Hugging Face платформасынын инфраструктурасын өз алдынча бузуп киргенин билдирген. Ошондой эле буга катышы бар, бирок коомчулукка сунуштала элек моделдин киберкоргонуу параметрлери аны сыноо максатында атайын төмөндөтүлгөнү белгиленген.
Августта британиялык ЖИнин коопсуздугу боюнча институт (AI Safety Institute - AISI) буга үндөш окуяны кабарлаган. Бул жай жасалма акылдын алдыңкы жана жаңы моделдеринин коопсуздугун изилдөө, сыноодон өткөрүү жана алар жаратышы мүмкүн болгон коркунучтарды алдын алуу үчүн түптөлгөн. Тагыраагы, Anthropic компаниясынын Claude Mythos 5 жасалма интеллект модели адистерди — иштеп чыгуучуларды алдап, аларга зыяндуу кодду кабыл алдыруу (өткөрүү) максатында жасалма аккаунттарды түзгөнүн билдирген.
