https://sputnik.kg/20260910/tashiev-zharysh-soz-1103573905.html
"75чилер каты". Жарыш сөзгө чыккан Камчыбек Ташиев эмне деди
"75чилер каты". Жарыш сөзгө чыккан Камчыбек Ташиев эмне деди
Sputnik Кыргызстан
БИШКЕК, 10-сен. — Sputnik. "75чилер иши" боюнча Бишкек шаардык сотунда өтүп жаткан отурумда жарыш сөзгө чыккан УКМКнын экс-төрагасы Камчыбек Ташиев күнөөсү жок... 10.09.2026, Sputnik Кыргызстан
2026-09-10T14:59+0600
2026-09-10T14:59+0600
2026-09-10T14:59+0600
кыргызстан
"75чилер иши"
кат
сот
камчыбек ташиев
https://sputnik.kg/img/07ea/06/0f/1101882293_0:32:1280:752_1920x0_80_0_0_817fef278a65667e8d7917fa8ada53ea.jpg
БИШКЕК, 10-сен. — Sputnik. "75чилер иши" боюнча Бишкек шаардык сотунда өтүп жаткан отурумда жарыш сөзгө чыккан УКМКнын экс-төрагасы Камчыбек Ташиев күнөөсү жок экенин айтты. Бул тууралуу анын жактоочусу Икрамидин Айткулов билдирди. Буга чейин Башкы прокуратура соттун чечимине даттанган болчу. Апелляциялык арызды кароо учурунда прокуратура айыпталып жаткандарды тогуз жылга эркинен ажыратып, пробациялык көзөмөлдү абак менен алмаштырууну сунуштаган. Июлдун башында Биринчи май райондук соту Ташиевди, мурунку башкы прокурор Курманкул Зулушевди жана Жогорку Кеңештин экс-спикери Нурланбек Тургунбек уулун мүлкүн конфискациялоо менен төрт жылга эркинен ажыратып, үч жылдык пробациялык көзөмөл дайындаган. Алар "Бийликти күч менен басып алуу" боюнча күнөөлүү деп табылып, "Кызмат абалынан кыянаттык менен пайдалануу" беренеси боюнча акталышкан. Ушундай эле өкүм Талгарбековго, Узакбаевге, Карашевге, Дыйканбаевге жана Асановго да чыгып, бирок мүлкү өздөрүндө калган. Өткөн жылдын соңунда 75 киши президент Садыр Жапаров менен Жогорку Кеңештин ошол кездеги төрагасы Нурланбек Тургунбек уулуна жаңы президенттик шайлоо белгилөө өтүнүчү менен кайрылып кат жазган. Кол койгондордун арасында окумуштуулар, мурунку премьерлер, экс-депутаттар жана коомдук ишмерлер бар экени айтылган.
https://sputnik.kg/20260903/shadybekov-uy-kamagyna-chygaryldy-1103438571.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, "75чилер иши", кат, сот, камчыбек ташиев
кыргызстан, "75чилер иши", кат, сот, камчыбек ташиев
БИШКЕК, 10-сен. — Sputnik. "75чилер иши" боюнча Бишкек шаардык сотунда өтүп жаткан отурумда жарыш сөзгө чыккан УКМКнын экс-төрагасы Камчыбек Ташиев күнөөсү жок экенин айтты. Бул тууралуу анын жактоочусу Икрамидин Айткулов билдирди.
Буга чейин Башкы прокуратура соттун чечимине даттанган болчу. Апелляциялык арызды кароо учурунда прокуратура айыпталып жаткандарды тогуз жылга эркинен ажыратып, пробациялык көзөмөлдү абак менен алмаштырууну сунуштаган.
"Ал күнөөсү жок экенин, соттун адилет чечим чыгарууга бир эле мүмкүнчүлүгү болорун айтты. Эч кандай кылмыш жасабаганын, азыр болбосо да кийин сөзсүз акталарына ишенерин билдирди", — деди адвокат.
Июлдун башында Биринчи май райондук соту Ташиевди, мурунку башкы прокурор Курманкул Зулушевди жана Жогорку Кеңештин экс-спикери Нурланбек Тургунбек уулун мүлкүн конфискациялоо менен төрт жылга эркинен ажыратып, үч жылдык пробациялык көзөмөл дайындаган. Алар "Бийликти күч менен басып алуу" боюнча күнөөлүү деп табылып, "Кызмат абалынан кыянаттык менен пайдалануу" беренеси боюнча акталышкан.
Ушундай эле өкүм Талгарбековго, Узакбаевге, Карашевге, Дыйканбаевге жана Асановго да чыгып, бирок мүлкү өздөрүндө калган.
Өткөн жылдын соңунда 75 киши президент Садыр Жапаров менен Жогорку Кеңештин ошол кездеги төрагасы Нурланбек Тургунбек уулуна жаңы президенттик шайлоо белгилөө өтүнүчү менен кайрылып кат жазган. Кол койгондордун арасында окумуштуулар, мурунку премьерлер, экс-депутаттар жана коомдук ишмерлер бар экени айтылган.
