"Тамчы" Дубайдагы ири форумда тааныштырылып, Перс инвесторлоруна сунушталды
"Тамчы" Дубайдагы ири форумда тааныштырылып, Перс инвесторлоруна сунушталды
Sputnik Кыргызстан
БИШКЕК, 10-сен. — Sputnik. "Тамчы" атайын каржылык-инвестициялык аймагы (SFIT "Тамчы") Дубай шаарында 7–9-сентябрда өткөн жыл сайын уюштурулуучу AIM Congress... 10.09.2026, Sputnik Кыргызстан
БИШКЕК, 10-сен. — Sputnik. "Тамчы" атайын каржылык-инвестициялык аймагы (SFIT "Тамчы") Дубай шаарында 7–9-сентябрда өткөн жыл сайын уюштурулуучу AIM Congress инвестициялык форумунун расмий өнөктөшү болду. Бул тууралуу аталган уюмдан билдиришти. Кыргызстандын делегациясын "Тамчы" атайын каржылык-инвестициялык аймагынын Башкаруу кеңешинин төрагасы Аяз Баетов жетектеп барды. Конгресс өткөн Дубай Дүйнөлүк соода борборунун башкы кире беришине "Тамчынын" масштабдуу баннери жайгаштырылып, кыргыз долбоору эл аралык коомчулукка кеңири тааныштырылды. Кыргыз тарап аталган өлкөнүн мамлекеттик органдарынын, эл аралык түзүмдөрдүн жана ири бизнес-чөйрөнүн өкүлдөрү менен бир катар жогорку деңгээлдеги жолугушууларды өткөрдү. Аяз Баетов Бириккен Араб Эмирликтеринин тышкы соода министри Тани бин Ахмед Аль Зейуди, БАЭнин Эл аралык инвестициялык кеңешинин башкы катчысы Абдулла Ахмед Аль Сувайди, Дубай Соода-өнөр жай палатасынын башчысы Мохаммед Али Рашед Лутах жана Перс булуңундагы араб мамлекеттеринин кызматташтык кеңешинин (ССАГПЗ) башкы катчысы Жасем Мухаммед Аль-Будайви менен сүйлөшүүлөрдү жүргүздү. Анда экономикалык байланыштарды чыңдоо жана "Борбордук Азия — ССАГПЗ" диалогун кеңейтүү талкууланды. Мындан сырткары, дүйнөлүк финансы борборлору жана ири холдингдер менен байланыш түзүүгө өзгөчө басым жасалды. Сүйлөшүүлөрдүн жүрүшүндө "Тамчынын" укуктук жана институционалдык модели тааныштырылды. Аталган аймак англис жалпы укугунун принциптерине, көз карандысыз сот жана жөнгө салуу тутумуна, өзгөчө салыктык режимге жана санариптик башкарууга негизделери белгиленди. Ошондой эле эл аралык бизнеске бул аймакты Борбордук Азия рыногуна чыгуу үчүн кошумча ыңгайлуу юрисдикция катары колдонуу сунушталды. Баетов AIM Congress дүйнөлүк деңгээлде инвестициялык чечимдерди кабыл алган негизги тараптардын башын бириктирерин эске салды. 15-ирет уюштурулган AIM Congress 100дөн ашуун өлкөнүн 15 миңден ашык делегататынын башын бириктирген.
БИШКЕК, 10-сен. — Sputnik. "Тамчы" атайын каржылык-инвестициялык аймагы (SFIT "Тамчы") Дубай шаарында 7–9-сентябрда өткөн жыл сайын уюштурулуучу AIM Congress инвестициялык форумунун расмий өнөктөшү болду. Бул тууралуу аталган уюмдан билдиришти.
Кыргызстандын делегациясын "Тамчы" атайын каржылык-инвестициялык аймагынын Башкаруу кеңешинин төрагасы Аяз Баетов жетектеп барды. Конгресс өткөн Дубай Дүйнөлүк соода борборунун башкы кире беришине "Тамчынын" масштабдуу баннери жайгаштырылып, кыргыз долбоору эл аралык коомчулукка кеңири тааныштырылды.
“Тамчы” атайын каржылык-инвестициялык аймагы Дубайдагы AIM Congress форумунун расмий өнөктөшү болду
Кыргыз тарап аталган өлкөнүн мамлекеттик органдарынын, эл аралык түзүмдөрдүн жана ири бизнес-чөйрөнүн өкүлдөрү менен бир катар жогорку деңгээлдеги жолугушууларды өткөрдү. Аяз Баетов Бириккен Араб Эмирликтеринин тышкы соода министри Тани бин Ахмед Аль Зейуди, БАЭнин Эл аралык инвестициялык кеңешинин башкы катчысы Абдулла Ахмед Аль Сувайди, Дубай Соода-өнөр жай палатасынын башчысы Мохаммед Али Рашед Лутах жана Перс булуңундагы араб мамлекеттеринин кызматташтык кеңешинин (ССАГПЗ) башкы катчысы Жасем Мухаммед Аль-Будайви менен сүйлөшүүлөрдү жүргүздү. Анда экономикалык байланыштарды чыңдоо жана "Борбордук Азия — ССАГПЗ" диалогун кеңейтүү талкууланды.
Мындан сырткары, дүйнөлүк финансы борборлору жана ири холдингдер менен байланыш түзүүгө өзгөчө басым жасалды.
"Дубай эл аралык каржы борборунун (DIFC), Катар каржы борборунун (QFC), Оман Соода-өнөр жай палатасынын жетекчилиги, ошондой эле Kanoo Group, Cihan Group, BEEAH Capital, PASHA Holding, Al Rais Investments жана Al Ghurair Investment сыяктуу ири компаниялардын башчылары менен жолугушуулар болду", — деп маалыматта айтылган.
Сүйлөшүүлөрдүн жүрүшүндө "Тамчынын" укуктук жана институционалдык модели тааныштырылды. Аталган аймак англис жалпы укугунун принциптерине, көз карандысыз сот жана жөнгө салуу тутумуна, өзгөчө салыктык режимге жана санариптик башкарууга негизделери белгиленди. Ошондой эле эл аралык бизнеске бул аймакты Борбордук Азия рыногуна чыгуу үчүн кошумча ыңгайлуу юрисдикция катары колдонуу сунушталды.
Баетов AIM Congress дүйнөлүк деңгээлде инвестициялык чечимдерди кабыл алган негизги тараптардын башын бириктирерин эске салды.
"Биз үчүн бул тажрыйбаны өздөштүрүп жаткан алдыңкы борборлор менен түз диалог курууга чоң мүмкүнчүлүк болду. Биздин максат — Борбордук Азияда жана глобалдык деңгээлде долбоорлорду өнүктүрүүнү каалаган эл аралык бизнес үчүн ишенимдүү юрисдикцияга айлануу. Форумдагы кызыгуу мындай суроо-талап бар экенин тастыктады", — деди Баетов.
15-ирет уюштурулган AIM Congress 100дөн ашуун өлкөнүн 15 миңден ашык делегататынын башын бириктирген.
