https://sputnik.kg/20260907/polshada-zhashagan-ukrainalyktar-1103503423.html
Польшада жашаган украиналыктар коопсуздугунан күмөн санай башташты
Польшада жашаган украиналыктар коопсуздугунан күмөн санай башташты
Sputnik Кыргызстан
БИШКЕК, 7-сен. — Sputnik. Польшаны баш паанектеген украиналыктар коопсуздугунан күмөн санай баштаганын Politico жазды. 07.09.2026, Sputnik Кыргызстан
2026-09-07T11:07+0600
2026-09-07T11:07+0600
2026-09-07T11:07+0600
россиянын донбассты коргоо боюнча атайын операциясы
дүйнөдө
польша
украина
коопсуздук
мамиле
https://sputnik.kg/img/07ea/09/07/1103502461_0:160:3072:1888_1920x0_80_0_0_5c6eb36a31b9df62a081a088069787da.jpg
БИШКЕК, 7-сен. — Sputnik. Польшаны баш паанектеген украиналыктар коопсуздугунан күмөн санай баштаганын Politico жазды. Буга чейин Украинанын Варшавадагы элчиси Василий Боднар украиналыктарга кол салган учурлар акыркы бир жылда 30 пайызга өткөнүн билдирген. Ал эми RMF FM радиостанциясы украиндер Германия менен Чехияга кетип жатканын айтып чыккан. Басылма айрым украиналыктар достору менен тууган-туушкандарынын өмүрү үчүн тынчсызданып жатышканын белгиледи. Польшада 10 жылдан бери жашап келе жаткан аял көпчүлүк ичинде украин тилинде сүйлөөдөн айбыга баштаганын айтып берген. Варшава университетинде иштеген украиналык жаран Politico басылмасына коңшусу менен араздашуусун баяндаган. Анын айтымында, эркек киши окутуучунун Украинага кайтышын талап кылып, Владимир Зеленскийге Украина Куралдуу күчтөрүнүн бир бөлүгүнө "улутчул баатырлардын ысымын" ыйгарбаш керек эле деп нааразы болгон. Варшава менен Киевдин арасын Волынь кыргыны боюнча маселе да суутуп келет. Польша 1939-1945- жылдардагы элинин украин улутчулдары тарабынан массалык өлтүрүлүшүн тукум курут деп билет. 2026-жылы Зеленскийдин "Украин улутчулдарынын уюмун" (ОУН*) баштап-көздөгөндөрдүн бири Андрей Мельниктин сөөгүн кайра көмүүгө катышканы ансыз да араң турган алакага суу сепкендей кылган. Бул окуядан кийин Польша президенти Кароль Навроцкий Зеленскийге ыйгарылган Ак бүркүт орденин кайра алып койгон. Көп өтпөй Польша тышкы иштер министринин орун басары Игнаци Немчицкий Украина Экинчи дүйнөлүк согуш учурунда жасаган кылмыштары үчүн поляк элинен кечирим сурашы керектигин айткан. * — Россияда тыюу салынган экстремисттик уюм
https://sputnik.kg/20260821/polsha-ukrainaga-kural-bergenine-okuno-bashtady-1103101970.html
польша
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, польша, украина, коопсуздук, мамиле
дүйнөдө, польша, украина, коопсуздук, мамиле
Польшада жашаган украиналыктар коопсуздугунан күмөн санай башташты
БИШКЕК, 7-сен. — Sputnik. Польшаны баш паанектеген украиналыктар коопсуздугунан күмөн санай баштаганын Politico жазды.
Буга чейин Украинанын Варшавадагы элчиси Василий Боднар украиналыктарга кол салган учурлар акыркы бир жылда 30 пайызга өткөнүн билдирген. Ал эми RMF FM радиостанциясы украиндер Германия менен Чехияга кетип жатканын айтып чыккан.
Басылма айрым украиналыктар достору менен тууган-туушкандарынын өмүрү үчүн тынчсызданып жатышканын белгиледи. Польшада 10 жылдан бери жашап келе жаткан аял көпчүлүк ичинде украин тилинде сүйлөөдөн айбыга баштаганын айтып берген.
Варшава университетинде иштеген украиналык жаран Politico басылмасына коңшусу менен араздашуусун баяндаган. Анын айтымында, эркек киши окутуучунун Украинага кайтышын талап кылып, Владимир Зеленскийге Украина Куралдуу күчтөрүнүн бир бөлүгүнө "улутчул баатырлардын ысымын" ыйгарбаш керек эле деп нааразы болгон.
Варшава менен Киевдин арасын Волынь кыргыны боюнча маселе да суутуп келет. Польша 1939-1945- жылдардагы элинин украин улутчулдары тарабынан массалык өлтүрүлүшүн тукум курут деп билет.
2026-жылы Зеленскийдин "Украин улутчулдарынын уюмун" (ОУН*) баштап-көздөгөндөрдүн бири Андрей Мельниктин сөөгүн кайра көмүүгө катышканы ансыз да араң турган алакага суу сепкендей кылган. Бул окуядан кийин Польша президенти Кароль Навроцкий Зеленскийге ыйгарылган Ак бүркүт орденин кайра
алып койгон.
Көп өтпөй Польша тышкы иштер министринин орун басары Игнаци Немчицкий Украина Экинчи дүйнөлүк согуш учурунда жасаган кылмыштары үчүн поляк элинен кечирим сурашы керектигин айткан.
* — Россияда тыюу салынган экстремисттик уюм
