Бишкекте жыйырмага чукул көчөнүн аты өзгөртүлүп, бириктирилди. Тизме
10:35 26.08.2026 (Жаңыртылды: 10:36 26.08.2026)
© пресс-служба мэрии города Бишкек / Улукбек Шамбетов
Жазылуу
БИШКЕК, 26-авг. — Sputnik. Бишкек шаардык кеңешинин май айында чыккан токтомуна ылайык, айрым көчөлөр бир аталышка бириктирилип, бир даары өзгөртүлдү.
Аталган токтом административдик-аймактык реформанын алкагында көчөлөрдүн аталыштарынын кайталанышын жоюу, ошондой эле бирдиктүү көчө багыты боюнча жайгашкан, бирок аталыштары бөлүнүп кеткен көчөлөрдүн аталыштарын иретке келтирүү максатында кабыл алынганын айтышты.
Аталган токтом административдик-аймактык реформанын алкагында көчөлөрдүн аталыштарынын кайталанышын жоюу, ошондой эле бирдиктүү көчө багыты боюнча жайгашкан, бирок аталыштары бөлүнүп кеткен көчөлөрдүн аталыштарын иретке келтирүү максатында кабыл алынганын айтышты.
Өзгөрүү төмөнкүчө болмокчу:
Михаил Фрунзе көчөсү (Новопавловка), Дэн Сяопин, Чүй жана Шабдан баатыр проспектилери — Чүй проспекти;
7-Апрель жана Курманжан датка көчөлөрү — Курманжан датка көчөсү;
Жайыл баатыр көчөсү, Абсамат Масалиев жана Аалы Токомбаев проспектилери, Кайыков көчөсү — Аалы Токомбаев проспекти;
Анварбек Чортеков жана Кривоносов көчөлөрү — Абсамат Масалиев көчөсү;
Лев Толстой, Путепроводная жана Сары-Өзөн көчөлөрү — Шабдан баатыр көчөсү;
Чыңгыз Айтматов проспекти жана Манас көчөсү — Чыңгыз Айтматов проспекти;
Жаш Гвардия бульвары жана Махатма Ганди көчөсү — Иманалы Айдарбеков көчөсү;
Селекция жана Муромск көчөлөрү — Махатма Ганди көчөсү;
Юлиус Фучик көчөсү жана Васильев тракты — Манас көчөсү;
Жибек Жолу жана Жеңиш проспектилери — Жибек Жолу проспекти;
Максим Горький жана Анкара көчөлөрү — Анкара көчөсү;
Чалагыз Иманкулов жана Карыбек Тыналиев көчөлөрү — Карыбек Тыналиев көчөсү;
Байтик баатыр, Жусуп Абдрахманов, Абдынасыр Элебесов жана Борбордук көчөлөрү — Жусуп Абдрахманов көчөсү;
Берег, Окраина, Көк-Сай, К. Курманалиев жана Набережная көчөлөрү — Дэн Сяопин көчөсү;
Исхак Раззаков көчөсү Новопавловка жана Асипа Темирова көчөсү — Анварбек Чортеков көчөсү;
Виноградная көчөсү — Лев Толстой көчөсү;
Николай Гоголь көчөсү Новопавловка — Чалагыз Иманкулов көчөсү;
Лена жана Юбилей көчөлөрү — Жайыл баатыр көчөсү.
Учурда Кадастрдын Бишкек шаардык филиалы жаңы аталыштарга ылайык даректик номерлерди өзгөртүү иштерин аяктап жатат. Бул этап бүткөндөн кийин маалыматтар 2ГИС жана "Яндекс карта" картографиялык сервистерине берилет.
Даректер жаңылангандан кийин мэрия көчөлөргө жаңы аталыштар жазылган маалыматтык такталарды орнотуп, коммуналдык кызматтар менен коомдук транспорттогу маалыматтарды да өзгөртөт.
