Ысык-Көлдөгү суу жарышынын катышуучусу: жаратылыштын кооздугу таң калтырды
Ысык-Көлдөгү суу жарышынын катышуучусу: жаратылыштын кооздугу таң калтырды
Sputnik Кыргызстан
БИШКЕК, 30-июл. — Sputnik. Кыргызстан тууралуу мурда эч качан уккан эмесмин. Бул тууралуу F1H2O дүйнө чемпионатынын пилоту Шон Торренте айтып, өлкөнүн... 30.07.2026, Sputnik Кыргызстан
БИШКЕК, 30-июл. — Sputnik. Кыргызстан тууралуу мурда эч качан уккан эмесмин. Бул тууралуу F1H2O дүйнө чемпионатынын пилоту Шон Торренте айтып, өлкөнүн жаратылышына суктанганын билдирди.Суу-мотордук спорт түрү боюнча UIM F1H2O Grand Prix of Kyrgyzstan дүйнө чемпионатынын катышуучусу, пилот Шон Торренте Кыргызстанга келгенге чейин бул өлкө тууралуу эч качан укпаганын моюндады.Анын айтымында, чемпионатка катышуучулар үчүн Кыргызстанда өнөр көрсөтүү жана анын сулуулугун бүткүл дүйнөгө даңазалоо — чоң сыймык. Шон Торренте бул мелдешти 80–90 өлкө көрөрүн да белгилеп өттү.Учкуч суу ресурстарына аяр мамиле кылуу канчалык маанилүү экенин да баса белгиледи. Анын айтымында, суу — спортчулардын стихиясы жана аларга сүйүктүү иши менен алектенүүгө мүмкүнчүлүк берет. Ошондуктан алар ар бир көлгө же дарыяга терең урмат-сый менен мамиле кылышат.Торренте өзүнүн спорттук карьерасында Абу-Даби менен Дубайда машыгып, мелдешке чыкканын кошумчалады. Мындан тышкары, ал Европа менен Азиянын түрдүү суу аянтчаларында өнөр көрсөтүүгө жетишкен. Ал эми өзү АКШнын Флорида штатынан болот.Суудагы “Формула-1” жарышы — UIM F1H2O Grand Prix of Kyrgyzstan дүйнө чемпионаты 31-июлдан 2-августка чейин Ысык-Көлдө өтөт. Жарыштар Бает айылынын жанында, "Ак-Марал" жана "Чайка" пансионаттарынын ортосундагы жээкте уюштурулат. Мындай мелдешти Кыргызстан биринчи жолу кабыл алууда. Жарыш өтө турган аймак деңиз деңгээлинен 1607 метр бийиктикте жайгашкан. Бул чемпионаттын тарыхындагы эң бийик тоолуу аймакта өткөн этап болуп калмакчы.
БИШКЕК, 30-июл. — Sputnik. Кыргызстан тууралуу мурда эч качан уккан эмесмин. Бул тууралуу F1H2O дүйнө чемпионатынын пилоту Шон Торренте айтып, өлкөнүн жаратылышына суктанганын билдирди.
Суу-мотордук спорт түрү боюнча UIM F1H2O Grand Prix of Kyrgyzstan дүйнө чемпионатынын катышуучусу, пилот Шон Торренте Кыргызстанга келгенге чейин бул өлкө тууралуу эч качан укпаганын моюндады.
“Ачыгын айтканда, бул жакка келгенге чейин мен Кыргызстан жөнүндө уккан эмесмин. Эмнени күтүштү да билген эмесмин, бирок бул жерге келгенде анын жаратылышынын кооздугу мени таң калтырып, суктандырды”, — деди Торренте Ысык-Көл облусунун Бает айылында өткөн маалымат жыйынында.
Анын айтымында, чемпионатка катышуучулар үчүн Кыргызстанда өнөр көрсөтүү жана анын сулуулугун бүткүл дүйнөгө даңазалоо — чоң сыймык. Шон Торренте бул мелдешти 80–90 өлкө көрөрүн да белгилеп өттү.
UIM F1H2O Grand Prix of Kyrgyzstan дүйнө чемпионаты
Учкуч суу ресурстарына аяр мамиле кылуу канчалык маанилүү экенин да баса белгиледи. Анын айтымында, суу — спортчулардын стихиясы жана аларга сүйүктүү иши менен алектенүүгө мүмкүнчүлүк берет. Ошондуктан алар ар бир көлгө же дарыяга терең урмат-сый менен мамиле кылышат.
Торренте өзүнүн спорттук карьерасында Абу-Даби менен Дубайда машыгып, мелдешке чыкканын кошумчалады. Мындан тышкары, ал Европа менен Азиянын түрдүү суу аянтчаларында өнөр көрсөтүүгө жетишкен. Ал эми өзү АКШнын Флорида штатынан болот.
Суудагы “Формула-1” жарышы — UIM F1H2O Grand Prix of Kyrgyzstan дүйнө чемпионаты 31-июлдан 2-августка чейин Ысык-Көлдө өтөт. Жарыштар Бает айылынын жанында, "Ак-Марал" жана "Чайка" пансионаттарынын ортосундагы жээкте уюштурулат. Мындай мелдешти Кыргызстан биринчи жолу кабыл алууда. Жарыш өтө турган аймак деңиз деңгээлинен 1607 метр бийиктикте жайгашкан. Бул чемпионаттын тарыхындагы эң бийик тоолуу аймакта өткөн этап болуп калмакчы.
