Кыргыз-өзбек кызматташуусу боюнча документтерге кол коюлду. Тизме
17:42 30.07.2026 (Жаңыртылды: 17:44 30.07.2026)
© Фото / пресс-служба президента КР
Жазылуу
БИШКЕК, 30-июл. — Sputnik. Өзбекстандын президенти Шавкат Мирзиеевдин расмий сапарынан кийин эки тараптуу бир нече документке кол коюлду. Бул туурасында мамлекет башчынын маалымат кызматынан кабарлашты.
Алар кыргыз-өзбек кызматташтыгын саясий, соода-экономикалык, инвестициялык жана маданий-гуманитардык тармактарда мындан ары кеңейтүүгө багытталган.
Мындан тышкары, төмөнкү документтерге кол коюлду:
Кыргызстан менен Өзбекстандын ортосундагы кыргыз-өзбек мамлекеттик чек арасынын тилкеси жөнүндө келишим;
Кыргызстандын министрлер кабинети менен Өзбекстандын өкмөтүнүн ортосундагы Чечме (Чашма) булагын биргелешип пайдалануу жөнүндө макулдашуу;
Кыргызстандын өкмөтү менен Өзбекстандын өкмөтүнүн ортосундагы 2004-жылдын 24-июлундагы мамлекеттик чек ара аркылуу өткөрүү пунктулары жөнүндө макулдашууга өзгөртүүлөрдү жана толуктоолорду киргизүү тууралуу протокол;
Кыргызстандын министрлер кабинети менен Өзбекстандын өкмөтүнүн ортосундагы мамлекеттик социалдык камсыздандыруу жана пенсиялык камсыздоо жөнүндө макулдашуу;
Кыргызстан менен Өзбекстандын өкмөтүнүн ортосундагы 2006-жылдын 3-октябрындагы жарандардын өз ара барып-келүүсү жөнүндө макулдашууга өзгөртүү киргизүү тууралуу протокол;
Кыргызстан менен Өзбекстандын Коргоо министрликтеринин ортосундагы кызматташтык жөнүндө макулдашуу;
Кыргызстандын министрлер кабинети менен Өзбекстандын өкмөтүнүн ортосундагы Кыргызстандын Ысык-Көл облусунун аймагында жайгашкан курорттук-рекреациялык чарба объектилери боюнча 2024-жылдын 18-июлундагы макулдашууга өзгөртүү киргизүү тууралуу протокол;
Кыргызстандын Маданият, маалымат жана жаштар саясаты министрлиги менен Өзбекстандын Маданият министрлигинин ортосундагы 2026-2027-жылдарга маданият жаатындагы кызматташуу боюнча иш-чаралар планы;
Кыргызстандын Суу ресурстары, айыл чарба жана кайра иштетүү өнөр жайы министрлиги менен Өзбекстандын Айыл чарба министрлигинин ортосундагы 2026-2028-жылдарга агроөнөр жай комплексиндеги эки тараптуу кызматташууну мындан ары тереңдетүү боюнча практикалык иш-чаралар планы;
Кыргызстандын министрлер кабинетине караштуу Туризмди өнүктүрүү боюнча мамлекеттик агенттик менен Өзбекстандын Туризм боюнча комитетинин ортосундагы туризм тармагындагы кызматташуу боюнча биргелешкен иш-аракеттер планы;
Кыргызстандын Илим, жогорку билим берүү жана инновациялар министрлиги менен Өзбекстандын Жогорку билим берүү, илим жана инновациялар министрлигинин ортосундагы жогорку билим берүү чөйрөсүндө кредиттерди өз ара таануу жөнүндө макулдашуу;
Кыргызстандын президентине караштуу Инвестициялар боюнча улуттук агенттик менен Өзбекстандын Инвестициялар, өнөр жай жана соода министрлигинин ортосундагы 2026-2028-жылдарга эки тараптуу кызматташууну өнүктүрүү боюнча иш-чаралар планы.
