https://sputnik.kg/20260630/1102154896.html
Жаңылыктар. Чыгарылыш 15:00
Жаңылыктар. Чыгарылыш 15:00
Sputnik Кыргызстан
Кыргызстанда мектептик билим берүү 12 жылдык системага расмий өттү. Министрлер кабинети тиешелүү ченемдик-укуктук актыларга өзгөртүүлөрдү киргизип, окуу... 30.06.2026, Sputnik Кыргызстан
2026-06-30T15:00+0600
2026-06-30T15:00+0600
2026-06-30T15:16+0600
https://sputnik.kg/img/07ea/06/1e/1102154730_0:3:1036:586_1920x0_80_0_0_4bbfade8c0af6be3ded26d33be8b9d48.jpg
Жаңылыктар. Чыгарылыш 15:00
Sputnik Кыргызстан
Кыргызстанда мектептик билим берүү 12 жылдык системага расмий өттү. Министрлер кабинети тиешелүү ченемдик-укуктук актыларга өзгөртүүлөрдү киргизип, окуу түзүмүн 6+3+3 форматына ылайык кайра бекитти. Мында алгачкы 6 жыл башталгыч билим берүү баскычы болсо, негизги (7-8-9-класс) жана жогорку (10-11-12-класс) баскычтар үч жылдан болот. Ошондой эле окуу жылы 1-класстар үчүн 32 жума, 2-класстар үчүн 33 жума, ал эми калган класстар үчүн 34 жумага созулат. Окуу жылынын ичиндеги каникулдардын жалпы узактыгы 30 күндөн, ал эми жайкы каникул 14 жумадан кем болбошу керек. Мындан тышкары, балдарды 5 же 6 күндүк тартип менен окутууга уруксат берилди.
Кыргызстанда аялдар кийимдеринин экспорту 11 эсеге өстү. Бул тууралуу Улуттук статистика комитетинин маалыматында айтылат. Маалымдалгандай, 2026-жылдын январь–апрель айларында аялдардын сырткы кийимдеринин (куртка, пальто жана башкалары) экспорту кескин көбөйгөн. Бул мезгилде өлкө 139,6 миң даана сырт кийим экспорттогон. Ал эми өткөн жылдын ушул эле мезгилинде бул көрсөткүч 12,8 миң эле болгон. Экспорттун негизги бөлүгү ЕАЭБ өлкөлөрүнө жөнөтүлгөн. Мындан тышкары, Польша, Тажикстан жана Өзбекстанга да аз көлөмдө болсо да продукция чыгарылган.
Кечээ, 29-июнда, жай мезгилиндеги электр энергиясын керектөө боюнча рекорд коюлуп, бир күндө 47 миллион 112 миң киловатт-саат пайдаланылган. Бул туурасында Энергетика министрлигинен кабарлашты. Былтыркыга салыштырсак, 2025-жылдын 29-июнунда бул көрсөткүч 40 миллион кВт-сааттын тегерегинде болгон. "Улуттук электр тармагы" керектөөнүн өсүшүнө көп кабаттуу үйлөрдүн салынышы, социалдык жана өндүрүш объектилеринин ишке берилиши жана абоненттердин санынын жыл сайын орточо 30 миңге көбөйүшү себеп болгонун жазды. Мекеме жарандарды электр энергиясын үнөмдүү пайдаланууга чакырды.
Бишкекте ири өлчөмдө психотроптук заттарды жана күчтүү таасир этүүчү дары каражаттарын мыйзамсыз сатуу менен алектенген кылмыштуу топтун ишмердүүлүгүнө бөгөт коюлду. Ички иштер министрлиги болжол менен 12 миллион сомдук товар жүгүртүүдөн чыгарылганын билдирди. Маалымдалгандай, ыкчам-издөө иш-чараларынын жүрүшүндө аталган заттарды сатуу менен алектенген 21, 22, 28 жаштагы үч кыз жана 41 жаштагы эркек киши кармалган. Андан соң Баңгизаттарды мыйзамсыз жүгүртүүгө каршы күрөшүү кызматынын кызматкерлери кылмыштуу топтун 54 жаштагы болжолдуу уюштуруучусун аныктап, анын үйүндө тинтүү жүргүзүшкөн. Ал жерден күчтүү таасир этүүчү 18 миң таңгак дары-дармек жана 2,45 миллион сом накталай акча табылган. Алдын ала эсептөөлөр боюнча, алынган заттардын жалпы баасы 12 миллион сомго жакын. Бул факт боюнча Кылмыш-жаза кодексинин 282-беренеси ("Баңгизаттарды, психотроптук каражаттарды жана алардын аналогдорун сатып өткөрүү максатында мыйзамсыз даярдоо") боюнча иш козголду. Учурда ишке тиешеси бар башка адамдарды аныктоо боюнча тергөө-ыкчам иш-чаралары улантылууда.
Кыргызстанда мектептик билим берүү 12 жылдык системага расмий өттү. Министрлер кабинети тиешелүү ченемдик-укуктук актыларга өзгөртүүлөрдү киргизип, окуу түзүмүн 6+3+3 форматына ылайык кайра бекитти. Мында алгачкы 6 жыл башталгыч билим берүү баскычы болсо, негизги (7-8-9-класс) жана жогорку (10-11-12-класс) баскычтар үч жылдан болот. Ошондой эле окуу жылы 1-класстар үчүн 32 жума, 2-класстар үчүн 33 жума, ал эми калган класстар үчүн 34 жумага созулат. Окуу жылынын ичиндеги каникулдардын жалпы узактыгы 30 күндөн, ал эми жайкы каникул 14 жумадан кем болбошу керек. Мындан тышкары, балдарды 5 же 6 күндүк тартип менен окутууга уруксат берилди.Кыргызстанда аялдар кийимдеринин экспорту 11 эсеге өстү. Бул тууралуу Улуттук статистика комитетинин маалыматында айтылат. Маалымдалгандай, 2026-жылдын январь–апрель айларында аялдардын сырткы кийимдеринин (куртка, пальто жана башкалары) экспорту кескин көбөйгөн. Бул мезгилде өлкө 139,6 миң даана сырт кийим экспорттогон. Ал эми өткөн жылдын ушул эле мезгилинде бул көрсөткүч 12,8 миң эле болгон. Экспорттун негизги бөлүгү ЕАЭБ өлкөлөрүнө жөнөтүлгөн. Мындан тышкары, Польша, Тажикстан жана Өзбекстанга да аз көлөмдө болсо да продукция чыгарылган. Кечээ, 29-июнда, жай мезгилиндеги электр энергиясын керектөө боюнча рекорд коюлуп, бир күндө 47 миллион 112 миң киловатт-саат пайдаланылган. Бул туурасында Энергетика министрлигинен кабарлашты. Былтыркыга салыштырсак, 2025-жылдын 29-июнунда бул көрсөткүч 40 миллион кВт-сааттын тегерегинде болгон. "Улуттук электр тармагы" керектөөнүн өсүшүнө көп кабаттуу үйлөрдүн салынышы, социалдык жана өндүрүш объектилеринин ишке берилиши жана абоненттердин санынын жыл сайын орточо 30 миңге көбөйүшү себеп болгонун жазды. Мекеме жарандарды электр энергиясын үнөмдүү пайдаланууга чакырды.Бишкекте ири өлчөмдө психотроптук заттарды жана күчтүү таасир этүүчү дары каражаттарын мыйзамсыз сатуу менен алектенген кылмыштуу топтун ишмердүүлүгүнө бөгөт коюлду. Ички иштер министрлиги болжол менен 12 миллион сомдук товар жүгүртүүдөн чыгарылганын билдирди. Маалымдалгандай, ыкчам-издөө иш-чараларынын жүрүшүндө аталган заттарды сатуу менен алектенген 21, 22, 28 жаштагы үч кыз жана 41 жаштагы эркек киши кармалган. Андан соң Баңгизаттарды мыйзамсыз жүгүртүүгө каршы күрөшүү кызматынын кызматкерлери кылмыштуу топтун 54 жаштагы болжолдуу уюштуруучусун аныктап, анын үйүндө тинтүү жүргүзүшкөн. Ал жерден күчтүү таасир этүүчү 18 миң таңгак дары-дармек жана 2,45 миллион сом накталай акча табылган. Алдын ала эсептөөлөр боюнча, алынган заттардын жалпы баасы 12 миллион сомго жакын. Бул факт боюнча Кылмыш-жаза кодексинин 282-беренеси ("Баңгизаттарды, психотроптук каражаттарды жана алардын аналогдорун сатып өткөрүү максатында мыйзамсыз даярдоо") боюнча иш козголду. Учурда ишке тиешеси бар башка адамдарды аныктоо боюнча тергөө-ыкчам иш-чаралары улантылууда.
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
аудио
Кыргызстанда мектептик билим берүү 12 жылдык системага расмий өттү. Министрлер кабинети тиешелүү ченемдик-укуктук актыларга өзгөртүүлөрдү киргизип, окуу түзүмүн 6+3+3 форматына ылайык кайра бекитти. Мында алгачкы 6 жыл башталгыч билим берүү баскычы болсо, негизги (7-8-9-класс) жана жогорку (10-11-12-класс) баскычтар үч жылдан болот. Ошондой эле окуу жылы 1-класстар үчүн 32 жума, 2-класстар үчүн 33 жума, ал эми калган класстар үчүн 34 жумага созулат. Окуу жылынын ичиндеги каникулдардын жалпы узактыгы 30 күндөн, ал эми жайкы каникул 14 жумадан кем болбошу керек. Мындан тышкары, балдарды 5 же 6 күндүк тартип менен окутууга уруксат берилди.
Кыргызстанда аялдар кийимдеринин экспорту 11 эсеге өстү. Бул тууралуу Улуттук статистика комитетинин маалыматында айтылат. Маалымдалгандай, 2026-жылдын январь–апрель айларында аялдардын сырткы кийимдеринин (куртка, пальто жана башкалары) экспорту кескин көбөйгөн. Бул мезгилде өлкө 139,6 миң даана сырт кийим экспорттогон. Ал эми өткөн жылдын ушул эле мезгилинде бул көрсөткүч 12,8 миң эле болгон. Экспорттун негизги бөлүгү ЕАЭБ өлкөлөрүнө жөнөтүлгөн. Мындан тышкары, Польша, Тажикстан жана Өзбекстанга да аз көлөмдө болсо да продукция чыгарылган.
Кечээ, 29-июнда, жай мезгилиндеги электр энергиясын керектөө боюнча рекорд коюлуп, бир күндө 47 миллион 112 миң киловатт-саат пайдаланылган. Бул туурасында Энергетика министрлигинен кабарлашты. Былтыркыга салыштырсак, 2025-жылдын 29-июнунда бул көрсөткүч 40 миллион кВт-сааттын тегерегинде болгон. "Улуттук электр тармагы" керектөөнүн өсүшүнө көп кабаттуу үйлөрдүн салынышы, социалдык жана өндүрүш объектилеринин ишке берилиши жана абоненттердин санынын жыл сайын орточо 30 миңге көбөйүшү себеп болгонун жазды. Мекеме жарандарды электр энергиясын үнөмдүү пайдаланууга чакырды.
Бишкекте ири өлчөмдө психотроптук заттарды жана күчтүү таасир этүүчү дары каражаттарын мыйзамсыз сатуу менен алектенген кылмыштуу топтун ишмердүүлүгүнө бөгөт коюлду. Ички иштер министрлиги болжол менен 12 миллион сомдук товар жүгүртүүдөн чыгарылганын билдирди. Маалымдалгандай, ыкчам-издөө иш-чараларынын жүрүшүндө аталган заттарды сатуу менен алектенген 21, 22, 28 жаштагы үч кыз жана 41 жаштагы эркек киши кармалган. Андан соң Баңгизаттарды мыйзамсыз жүгүртүүгө каршы күрөшүү кызматынын кызматкерлери кылмыштуу топтун 54 жаштагы болжолдуу уюштуруучусун аныктап, анын үйүндө тинтүү жүргүзүшкөн. Ал жерден күчтүү таасир этүүчү 18 миң таңгак дары-дармек жана 2,45 миллион сом накталай акча табылган. Алдын ала эсептөөлөр боюнча, алынган заттардын жалпы баасы 12 миллион сомго жакын. Бул факт боюнча Кылмыш-жаза кодексинин 282-беренеси ("Баңгизаттарды, психотроптук каражаттарды жана алардын аналогдорун сатып өткөрүү максатында мыйзамсыз даярдоо") боюнча иш козголду. Учурда ишке тиешеси бар башка адамдарды аныктоо боюнча тергөө-ыкчам иш-чаралары улантылууда.
