https://sputnik.kg/20260615/togolok-keninde-too-ken-ishteri-bashtaldy-1101884048.html
Тоголок кенинен алгачкы алтын жакынкы айларда алынат
Тоголок кенинен алгачкы алтын жакынкы айларда алынат
Sputnik Кыргызстан
БИШКЕК, 15-июн. — Sputnik. Ысык-Көлдүн Жети-Өгүз районунда жайгашкан Тоголок алтын кенинде тоо-кен иштери башталды. Бул тууралуу "Кумтөр Оперейтинг Компани"... 15.06.2026, Sputnik Кыргызстан
2026-06-15T12:56+0600
2026-06-15T12:56+0600
2026-06-15T12:56+0600
кыргызстан
кумтөр
кен
алтын
казуу
https://sputnik.kg/img/07e5/07/1a/1053333846_115:0:3756:2048_1920x0_80_0_0_cd2144c0ff5293de6f479b898814e5f7.jpg
БИШКЕК, 15-июн. — Sputnik. Ысык-Көлдүн Жети-Өгүз районунда жайгашкан Тоголок алтын кенинде тоо-кен иштери башталды. Бул тууралуу "Кумтөр Оперейтинг Компани" билдирди. Маалыматка ылайык, учурда кен казууга даярдык көрүлүп жатат. Компаниянын башкармалыгынын төрагасы Канимет Токтосуновдун айтымында, кен казуу иштери жакынкы айларда башталат. Долбоорду ишке ашыруу үчүн кенге сегиз ири карьердик самосвал, эки чоң экскаватор, жүктөгүч жана жолдорду тазалоочу грейдер жеткирилген. Ошондой эле кызматкерлер үчүн 85 орундуу заманбап жатакана курулуп бүткөн. Тоголок алтын кени Ысык-Көл облусунун бийик тоолуу жана жетүүгө кыйын аймагында, Ак-Шыйрак айылынан 35 чакырым алыстыкта жайгашкан. Кенди өздөштүрүү лицензиясын "Кумтөр Оперейтинг Компани" 2023-жылдын август айында алган. Андан кийин техникалык-экономикалык негиздеме даярдалып, долбоордун экономикалык жактан пайдалуу экени аныкталган. Компаниянын маалыматына караганда, кенге алып баруучу жолдор кеңейтилип, Кайчы дарыясынын үстүнө жаңы көпүрө курулган. Ошондой эле өндүрүштүк жана социалдык инфраструктураны жакшыртуу боюнча иштер жүргүзүлгөн. Долбоордун алкагында кенди толук кандуу ишке киргизүү үчүн өндүрүш объектилери салынат. Курулуш боюнча келишим Кытайдын Nerin Engineering компаниясы менен түзүлгөн. Компания Тоголок кенин өздөштүрүү өлкөнүн өнөр жай тармагын өнүктүрүүгө жана экономикалык мүмкүнчүлүктөрүн кеңейтүүгө олуттуу салым кошот деп эсептейт.
https://sputnik.kg/20260605/kumtor-altyn-kazuu-kenchiler-1101729165.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, кумтөр, кен, алтын, казуу
кыргызстан, кумтөр, кен, алтын, казуу
Тоголок кенинен алгачкы алтын жакынкы айларда алынат
БИШКЕК, 15-июн. — Sputnik. Ысык-Көлдүн Жети-Өгүз районунда жайгашкан Тоголок алтын кенинде тоо-кен иштери башталды. Бул тууралуу "Кумтөр Оперейтинг Компани" билдирди.
Маалыматка ылайык, учурда кен казууга даярдык көрүлүп жатат. Компаниянын башкармалыгынын төрагасы Канимет Токтосуновдун айтымында, кен казуу иштери жакынкы айларда башталат.
Долбоорду ишке ашыруу үчүн кенге сегиз ири карьердик самосвал, эки чоң экскаватор, жүктөгүч жана жолдорду тазалоочу грейдер жеткирилген. Ошондой эле кызматкерлер үчүн 85 орундуу заманбап жатакана курулуп бүткөн.
Тоголок алтын кени Ысык-Көл облусунун бийик тоолуу жана жетүүгө кыйын аймагында, Ак-Шыйрак айылынан 35 чакырым алыстыкта жайгашкан. Кенди өздөштүрүү лицензиясын "Кумтөр Оперейтинг Компани" 2023-жылдын август айында алган. Андан кийин техникалык-экономикалык негиздеме даярдалып, долбоордун экономикалык жактан пайдалуу экени аныкталган.
Компаниянын маалыматына караганда, кенге алып баруучу жолдор кеңейтилип, Кайчы дарыясынын үстүнө жаңы көпүрө курулган. Ошондой эле өндүрүштүк жана социалдык инфраструктураны жакшыртуу боюнча иштер жүргүзүлгөн.
Долбоордун алкагында кенди толук кандуу ишке киргизүү үчүн өндүрүш объектилери салынат. Курулуш боюнча келишим Кытайдын Nerin Engineering компаниясы менен түзүлгөн.
Компания Тоголок кенин өздөштүрүү өлкөнүн өнөр жай тармагын өнүктүрүүгө жана экономикалык мүмкүнчүлүктөрүн кеңейтүүгө олуттуу салым кошот деп эсептейт.
