https://sputnik.kg/20260528/kasymaliyev-chek-arachylardy-kuttuktady-1101562876.html
Адылбек Касымалиев чек арачыларды майрамы менен куттуктады
Адылбек Касымалиев чек арачыларды майрамы менен куттуктады
Sputnik Кыргызстан
БИШКЕК, 28-май — Sputnik. Министрлер кабинетинин төрагасы Адылбек Касымалиев өлкөнүн чек арачыларын кесиптик майрамы менен куттуктады. Бул тууралуу өкмөттүн... 28.05.2026, Sputnik Кыргызстан
2026-05-28T12:47+0600
2026-05-28T12:47+0600
2026-05-28T12:47+0600
кыргызстан
чек ара
майрам
куттуктоо
адылбек касымалиев
https://sputnik.kg/img/07e9/0b/0b/1097768443_0:54:1024:630_1920x0_80_0_0_369506179a9abdf609a750685d6b1875.jpg
БИШКЕК, 28-май — Sputnik. Министрлер кабинетинин төрагасы Адылбек Касымалиев өлкөнүн чек арачыларын кесиптик майрамы менен куттуктады. Бул тууралуу өкмөттүн маалымат кызматы билдирди. Ал чек ара кызматкерлери ата-бабалардан калган салтты татыктуу улантып, татаал климаттык жана географиялык шарттарда кызмат өтөп, жогорку кесипкөйлүк, чыдамкайлык жана жоопкерчилик көрсөтүп жатышканын белгиледи. Ошондой эле алар ар дайым мамлекеттин жана жарандардын коопсуздугун коргоого даяр экенин айтты. Өкмөт башчы өз сөзүндө азыркы эл аралык кырдаал жана чек ара аркылуу өтүүчү коркунучтар чек ара бөлүктөрүнөн дайыма жогорку даярдыкты, ыкчам аракетти, заманбап техникалык жабдууну жана эффективдүү координацияны талап кыларын белгиледи. Анын айтымында, Мамлекеттик чек ара кызматы бул талаптарга жооп берип, өз мүмкүнчүлүктөрүн тынымсыз чыңдап жатат. Ошондой эле ал мамлекет башчыларынын саясий эрки жана тынчтыкка, ынак коңшулукка болгон умтулуусу аркылуу маанилүү чек ара маселелеринин чечилиши аймактагы туруктуулукту жана өз ара ишенимди бекемдөөгө өбөлгө болгонун айтты. Минкаб төрагасы мамлекет чек ара инфраструктурасын өнүктүрүүгө, техникалык жабдууларды жаңылоого, аскер кызматкерлеринин социалдык кепилдиктерин жогорулатууга жана кадрдык потенциалды күчөтүүгө мындан ары да өзгөчө көңүл бурарын кошумчалады. Соңунда ал бардык аскер кызматкерлерине чың ден соолук, бакубатчылык, тынчтык, кайраттуулук жана кызматтагы ийгиликтерди каалады.
https://sputnik.kg/20260528/batkende-zhayy-chek-ara-postu-achyldy-1101559502.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, чек ара, майрам, куттуктоо, адылбек касымалиев
кыргызстан, чек ара, майрам, куттуктоо, адылбек касымалиев
БИШКЕК, 28-май — Sputnik. Министрлер кабинетинин төрагасы Адылбек Касымалиев өлкөнүн чек арачыларын кесиптик майрамы менен куттуктады. Бул тууралуу өкмөттүн маалымат кызматы билдирди.
Ал чек ара кызматкерлери ата-бабалардан калган салтты татыктуу улантып, татаал климаттык жана географиялык шарттарда кызмат өтөп, жогорку кесипкөйлүк, чыдамкайлык жана жоопкерчилик көрсөтүп жатышканын белгиледи. Ошондой эле алар ар дайым мамлекеттин жана жарандардын коопсуздугун коргоого даяр экенин айтты.
Өкмөт башчы өз сөзүндө азыркы эл аралык кырдаал жана чек ара аркылуу өтүүчү коркунучтар чек ара бөлүктөрүнөн дайыма жогорку даярдыкты, ыкчам аракетти, заманбап техникалык жабдууну жана эффективдүү координацияны талап кыларын белгиледи. Анын айтымында, Мамлекеттик чек ара кызматы бул талаптарга жооп берип, өз мүмкүнчүлүктөрүн тынымсыз чыңдап жатат.
Ошондой эле ал мамлекет башчыларынын саясий эрки жана тынчтыкка, ынак коңшулукка болгон умтулуусу аркылуу маанилүү чек ара маселелеринин чечилиши аймактагы туруктуулукту жана өз ара ишенимди бекемдөөгө өбөлгө болгонун айтты.
Минкаб төрагасы мамлекет чек ара инфраструктурасын өнүктүрүүгө, техникалык жабдууларды жаңылоого, аскер кызматкерлеринин социалдык кепилдиктерин жогорулатууга жана кадрдык потенциалды күчөтүүгө мындан ары да өзгөчө көңүл бурарын кошумчалады.
Соңунда ал бардык аскер кызматкерлерине чың ден соолук, бакубатчылык, тынчтык, кайраттуулук жана кызматтагы ийгиликтерди каалады.
