https://sputnik.kg/20260515/18-min-muktazh-zharan-zhardam-aldy-1101346879.html
Россия Кыргызстанга 1000 тоннадан ашуун гумжардам берди. Видео
Россия Кыргызстанга 1000 тоннадан ашуун гумжардам берди. Видео
Sputnik Кыргызстан
Россия Бириккен Улуттар Уюмунун Дүйнөлүк азык-түлүк программасы аркылуу Кыргызстанга 1 067 тонна гуманитардык азык-түлүк жардамын берди. 15.05.2026, Sputnik Кыргызстан
2026-05-15T18:06+0600
2026-05-15T18:06+0600
2026-05-15T18:06+0600
кыргызстан
россия
буу
гуманитардык жардам
ун
май
https://sputnik.kg/img/07ea/05/0f/1101347157_0:0:1920:1080_1920x0_80_0_0_31238ea00b8516cf07d8a7be52f41e7a.jpg
Бишкек жана Ош шаарларындагы кампаларга 945 тонна байытылган буудай уну жана 121,4 тонна өсүмдүк майы жеткирилген. Жардам Кыргызстандын Эмгек, социалдык камсыздоо жана миграция министрлиги менен биргеликте ишке ашырылып жаткан акы төлөнүүчү коомдук иштер жана майыптыгы бар адамдардын тамактануусун жакшыртуу программаларынын алкагында берилүүдө. Азык-түлүк жардамдары муктаж үй-бүлөлөргө, майыптыгы бар адамдарга жана социалдык долбоорлордун катышуучуларына таратылат. Жалпысынан 18 миңге жакын адам колдоо алат. Коомдук долбоорлорго катышканы үчүн бир үй-бүлөгө ун жана май берилет. Долбоорлорго сугат системаларын жана ичүүчү суу тармактарын калыбына келтирүү, бак отургузуу, суу жээктерин бекемдөө, ошондой эле айыл чарба жана киреше табуу боюнча окутуулар кирет. Белгилей кетсек, Россия Кыргызстандагы БУУнун Дүйнөлүк азык-түлүк программасынын эң ири донору болуп саналат. Акыркы 15 жыл ичинде Россия өкмөтү менен уюм өлкөдө шашылыш жардам, калыбына келтирүү жана өнүктүрүү программаларын ишке ашырып келет. Кыргызстандагы Россиянын элчиси Сергей Вакунов бул жардам коомдук маанидеги инфраструктуралык долбоорлорду колдоого жана элди окутуу аркылуу туруктуу жумуш менен камсыз кылууга багытталганын билдирди. 2008-жылдан бери Россия Кыргызстандагы БУУнун Дүйнөлүк азык-түлүк программаларын колдоого 118,5 миллион доллардан ашык каражат бөлгөн.
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, россия, буу, гуманитардык жардам, ун, май, видео
кыргызстан, россия, буу, гуманитардык жардам, ун, май, видео
Россия Кыргызстанга 1000 тоннадан ашуун гумжардам берди. Видео
Россия Бириккен Улуттар Уюмунун Дүйнөлүк азык-түлүк программасы аркылуу Кыргызстанга 1 067 тонна гуманитардык азык-түлүк жардамын берди.
Бишкек жана Ош шаарларындагы кампаларга 945 тонна байытылган буудай уну жана 121,4 тонна өсүмдүк майы жеткирилген.
Жардам Кыргызстандын Эмгек, социалдык камсыздоо жана миграция министрлиги менен биргеликте ишке ашырылып жаткан акы төлөнүүчү коомдук иштер жана майыптыгы бар адамдардын тамактануусун жакшыртуу программаларынын алкагында берилүүдө.
Азык-түлүк жардамдары муктаж үй-бүлөлөргө, майыптыгы бар адамдарга жана социалдык долбоорлордун катышуучуларына таратылат. Жалпысынан 18 миңге жакын адам колдоо алат.
Коомдук долбоорлорго катышканы үчүн бир үй-бүлөгө ун жана май берилет. Долбоорлорго сугат системаларын жана ичүүчү суу тармактарын калыбына келтирүү, бак отургузуу, суу жээктерин бекемдөө, ошондой эле айыл чарба жана киреше табуу боюнча окутуулар кирет.
Белгилей кетсек, Россия Кыргызстандагы БУУнун Дүйнөлүк азык-түлүк программасынын эң ири донору болуп саналат. Акыркы 15 жыл ичинде Россия өкмөтү менен уюм өлкөдө шашылыш жардам, калыбына келтирүү жана өнүктүрүү программаларын ишке ашырып келет.
Кыргызстандагы Россиянын элчиси Сергей Вакунов бул жардам коомдук маанидеги инфраструктуралык долбоорлорду колдоого жана элди окутуу аркылуу туруктуу жумуш менен камсыз кылууга багытталганын билдирди.
2008-жылдан бери Россия Кыргызстандагы БУУнун Дүйнөлүк азык-түлүк программаларын колдоого 118,5 миллион доллардан ашык каражат бөлгөн.
