https://sputnik.kg/20260406/chek-arachy-kuzovdon-yrgyp-ketken-1100634632.html
Лейлекте чек арачы УАЗдын кузовунан учуп кетип, реанимацияга түштү. Энесинин кайрылуусу
Лейлекте чек арачы УАЗдын кузовунан учуп кетип, реанимацияга түштү. Энесинин кайрылуусу
Sputnik Кыргызстан
БИШКЕК, 6-апр. — Sputnik. Баткенде Лейлек чек ара отрядынын аскерлери жол кырсыкка кабылып, бир чек арачы оор абалда ооруканада жатат. Бул тууралуу Мамлекеттик... 06.04.2026, Sputnik Кыргызстан
2026-04-06T16:38+0600
2026-04-06T16:38+0600
2026-04-06T16:38+0600
кыргызстан
чек ара
жоокер
кырсык
кома
кайра жандандыруу бөлүмү
https://sputnik.kg/img/103302/61/1033026155_0:0:2985:1679_1920x0_80_0_0_b3ab38740eccf016d4711a5f6e05ee84.jpg
БИШКЕК, 6-апр. — Sputnik. Баткенде Лейлек чек ара отрядынын аскерлери жол кырсыкка кабылып, бир чек арачы оор абалда ооруканада жатат. Бул тууралуу Мамлекеттик чек ара кызматынан билдиришти. Маалыматка ылайык, жоокерлер "Ак-Суу" чек ара тозотунан "Кайрагач" заставасына бара жатышкан. 4-апрелде саат 08:30дар чамасында Ак-Суу — Раззаков жолунда кызматтык "УАЗ-Пикап" үлгүсүндөгү унаа жүрүп бара жаткан учурда 22 жаштагы Н.Д. аттуу жоокер унаанын кузовунан кулап кеткен. Алдын ала маалымат боюнча, ага жаман жолдон унаанын катуу силкингени себеп болгон. Жыгылган аскер кызматкери эсин жоготкон. Тез жардам бригадасы чакырылып, алгачкы медициналык жардам көрсөтүлгөндөн кийин жоокер Лейлек райондук ооруканасынын жандандыруу бөлүмүнө жаткырылган. Ошол эле күнү Ош шаарынан келген дарыгерлер тарабынан шашылыш операция жасалган. Ал арада жоокердин жакындары президентке кайрылып, дарыгерлердин жетишсиз болуп жатканын айтышууда. Видео соцтармакта тарап жатат. Учурда чек ара кызматынын төрагасынын орун басары жетектеген ыкчам топ түзүлүп, кызматтык иликтөө башталды. Жабыркаган жоокер 2025-жылдын күз айларында аскерге чакырылганы айтылды.
https://sputnik.kg/20260403/kischi-suzgon-aydoochuga-ish-kozgoldu-1100597013.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, чек ара, жоокер, кырсык, кома, кайра жандандыруу бөлүмү
кыргызстан, чек ара, жоокер, кырсык, кома, кайра жандандыруу бөлүмү
БИШКЕК, 6-апр. — Sputnik. Баткенде Лейлек чек ара отрядынын аскерлери жол кырсыкка кабылып, бир чек арачы оор абалда ооруканада жатат. Бул тууралуу Мамлекеттик чек ара кызматынан билдиришти.
Маалыматка ылайык, жоокерлер "Ак-Суу" чек ара тозотунан "Кайрагач" заставасына бара жатышкан. 4-апрелде саат 08:30дар чамасында Ак-Суу — Раззаков жолунда кызматтык "УАЗ-Пикап" үлгүсүндөгү унаа жүрүп бара жаткан учурда 22 жаштагы Н.Д. аттуу жоокер унаанын кузовунан кулап кеткен. Алдын ала маалымат боюнча, ага жаман жолдон унаанын катуу силкингени себеп болгон. Жыгылган аскер кызматкери эсин жоготкон.
Тез жардам бригадасы чакырылып, алгачкы медициналык жардам көрсөтүлгөндөн кийин жоокер Лейлек райондук ооруканасынын жандандыруу бөлүмүнө жаткырылган. Ошол эле күнү Ош шаарынан келген дарыгерлер тарабынан шашылыш операция жасалган.
"Учурда аскер кызматкеринин абалы туруктуу оор деп бааланууда, ага бардык зарыл медициналык жардам көрсөтүлүүдө. Мамлекеттик органдарда аны Бишкек шаарына жеткирүү үчүн жетиштүү мүмкүнчүлүктөр бар, бирок медициналык көрсөткүчтөргө байланыштуу жоокердин абалы толук турукташмайынча жол жүрүү мүмкүн эмес", — деп айтылат маалыматта.
Ал арада жоокердин жакындары президентке кайрылып, дарыгерлердин жетишсиз болуп жатканын айтышууда. Видео соцтармакта тарап жатат.
“Ош шаарынан дарыгерлер 9 сааттан кийин келип, операция жасап кетишти. Балам андан бери өзүнө келе элек. Дарыгерлер 72 саат күтөбүз, андан башка айлабыз жок деп жатат. Мен баламдын өлүмүн күтүп отурамбы 72 саат? Операция жасаган дарыгерлер кетишти, азыр бул жакта дарыгерлер жок болуп жатат”, — деди чек арачынын апасы.
Учурда чек ара кызматынын төрагасынын орун басары жетектеген ыкчам топ түзүлүп, кызматтык иликтөө башталды. Жабыркаган жоокер 2025-жылдын күз айларында аскерге чакырылганы айтылды.
