УКМК Чүй облустук сотунун улук катчысы менен судьяны кармады
УКМК Чүй облустук сотунун улук катчысы менен судьяны кармады
Sputnik Кыргызстан
БИШКЕК, 25-мар. — Sputnik. УКМК Аламүдүн райондук сотунун судьясы менен Чүй облустук сотунун улук катчысы кармалганын маалымдады. 25.03.2026, Sputnik Кыргызстан
БИШКЕК, 25-мар. — Sputnik. УКМК Аламүдүн райондук сотунун судьясы менен Чүй облустук сотунун улук катчысы кармалганын маалымдады. Билдирүүгө ылайык, Чүй облустук сотунун А.Ж. аттуу улук катчысы соттолуп жаткан кишиге убада кылган ишти жасай албай калып, алган парасынын бөлүгүн кайтарып жатканда кармалган. Комитеттен катчы кызматтык абалынан пайдаланып, эркинен ажыратууга байланышпаган сот чечимин чыгарууга көмөк көрсөтүү үчүн Т.М. аттуу жарандан 26 миң доллар алганын айтышты. Бирок иш ал убада кылгандай чечилген эмес. Тергөөнүн жүрүшүндө бул кылмышка дагы бир адамдын жана Аламүдүн сотунун судьясынын да тиешеси бар экени аныкталган. Ал эми судья 85 миң сомду кайтарып жаткан жеринен кайырмакка илинген. Азыр кылмышка тиешеси бар башка адамдар аныкталууда.
БИШКЕК, 25-мар. — Sputnik. УКМК Аламүдүн райондук сотунун судьясы менен Чүй облустук сотунун улук катчысы кармалганын маалымдады.
Билдирүүгө ылайык, Чүй облустук сотунун А.Ж. аттуу улук катчысы соттолуп жаткан кишиге убада кылган ишти жасай албай калып, алган парасынын бөлүгүн кайтарып жатканда кармалган.
Комитеттен катчы кызматтык абалынан пайдаланып, эркинен ажыратууга байланышпаган сот чечимин чыгарууга көмөк көрсөтүү үчүн Т.М. аттуу жарандан 26 миң доллар алганын айтышты. Бирок иш ал убада кылгандай чечилген эмес.
"Алынган акчанын бир бөлүгүн — 651 миң сом жана 2 миң 800 долларды кайтарып берип жаткан учурда Чүй облустук сотунун улук катчысы кармалып, тергөө абагына киргизилди", — деп айтылат маалыматта.
Тергөөнүн жүрүшүндө бул кылмышка дагы бир адамдын жана Аламүдүн сотунун судьясынын да тиешеси бар экени аныкталган. Ал эми судья 85 миң сомду кайтарып жаткан жеринен кайырмакка илинген. Азыр кылмышка тиешеси бар башка адамдар аныкталууда.
