https://sputnik.kg/20260314/kyrgyzdar-attuu-tom-tom-emgektin-tzchlrdn-biri-keesh-zhusupovgo-nekrolog-1100230182.html
“Кыргыздар” аттуу эмгектин түзүүчүлөрүнүн бири Кеңеш Жусуповго некролог
“Кыргыздар” аттуу эмгектин түзүүчүлөрүнүн бири Кеңеш Жусуповго некролог
Sputnik Кыргызстан
БИШКЕК, 14-мар. — Sputnik. Кеңеш Жусупов кыргыз жазуучуларынын жана маданият ишмерлеринин арасында мээнеткеч, сыпайы мүнөзү жана интеллигент инсан катары... 14.03.2026, Sputnik Кыргызстан
2026-03-14T18:38+0600
2026-03-14T18:38+0600
2026-03-15T10:28+0600
кыргызстан
бишкек
кеңеш жусупов
жазуучу
некролог
чыгарма
эмгек
https://sputnik.kg/img/07e8/01/1b/1082234398_0:196:2946:1853_1920x0_80_0_0_e790380c4f2fb5be64af82950baf34c0.jpg
БИШКЕК, 14-мар. — Sputnik. Кеңеш Жусупов кыргыз жазуучуларынын жана маданият ишмерлеринин арасында мээнеткеч, сыпайы мүнөзү жана интеллигент инсан катары өзгөчө сый-урматка ээ болгон. Бул тууралуу бийликтин некрологунда жазылган.Эске салсак, Кыргыз эл жазуучусу, II даражадагы Манас орденинин ээси, Токтогул атындагы мамлекеттик сыйлыктын лауреаты, Кыргыз Республикасынын эмгек баатыры Кеңеш Жусупов 89 жашында дүйнө салды. Жусупов эмгек жолун 1961–1963-жылдары Нарын шаарындагы Тянь-Шань облустук гезитинен баштаган. 1987-жылдан 2020-жылдарга чейин “Ала-Тоо” журналынын башкы редактору болуп эмгектенген.Жазуучу чыгармачылык жолун 1958-жылы алгачкы “Түш” аттуу аңгемесин “Ленинчил жаш” гезитине жарыялоо менен баштаган. Туңгуч китеби 1965-жылы “Жашоо кумары” деген ат менен жарык көрүп, 1966-жылы СССР Жазуучулар союзунун мүчөлүгүнө кабыл алынган.Ага удаа “Каралдым тоолор”, “Жүрөгүм менин тоолордо”, “Ыр сабындагы өмүр”, “Күлгүн курак”, “Тоолуктар баяны” аттуу китептери басылып чыгып, окурмандарга өз үнү жана өзгөчө чыгармачыл изи бар калемгер катары таанылган.1975-жылы залкар акын Алыкулдун улуу сүйүүсүн, инсандык терең кайгысын жана калемгердик эрдигин чагылдырган “Ыр сабындагы өмүр” китеби Кыргызстан Ленин комсомолу сыйлыгына татыктуу болгон. Ошол эле жылы “Лесорубы” (“Карагайчылар”) аталышындагы аңгемелер жана повесттер жыйнагы Москвадан орус тилинде жарык көргөн.Бийлик башчылары анын үй-бүлөсүнө, жакындарына терең кайгыруу менен көңүл айтты.
https://sputnik.kg/20220502/kenesh-zhusupov-tuuraluu-13-fakty-1064108264.html
бишкек
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, бишкек, кеңеш жусупов, жазуучу, некролог, чыгарма, эмгек
кыргызстан, бишкек, кеңеш жусупов, жазуучу, некролог, чыгарма, эмгек
БИШКЕК, 14-мар. — Sputnik. Кеңеш Жусупов кыргыз жазуучуларынын жана маданият ишмерлеринин арасында мээнеткеч, сыпайы мүнөзү жана интеллигент инсан катары өзгөчө сый-урматка ээ болгон. Бул тууралуу бийликтин некрологунда жазылган.
Эске салсак, Кыргыз эл жазуучусу, II даражадагы Манас орденинин ээси, Токтогул атындагы мамлекеттик сыйлыктын лауреаты, Кыргыз Республикасынын эмгек баатыры Кеңеш Жусупов 89 жашында
дүйнө салды. “Кеңеш Жусупов Ашым Жакыпбеков менен бирге “Манас” эпосунун кара сөз вариантын даярдаган. Кыргыз элинин этнографиясы, маданияты, тарыхы, оозеки жана жазма адабияты камтылган кырк томдук “Кыргыздар” аттуу фундаменталдык эмгектин демилгечиси жана түзүүчүлөрүнүн бири. Ал кыргыз жазуучуларынын жана маданият ишмерлеринин арасында мээнеткеч, сыпайы мүнөзү жана интеллигент инсан катары өзгөчө сый-урматка ээ болгон. Жаш акын-жазуучулардын көбү аны устат деп аздектеп урматташат”, — деп жазылган маалыматта.
Жусупов эмгек жолун 1961–1963-жылдары Нарын шаарындагы Тянь-Шань облустук гезитинен баштаган. 1987-жылдан 2020-жылдарга чейин “Ала-Тоо” журналынын башкы редактору болуп эмгектенген.
Жазуучу чыгармачылык жолун 1958-жылы алгачкы “Түш” аттуу аңгемесин “Ленинчил жаш” гезитине жарыялоо менен баштаган. Туңгуч китеби 1965-жылы “Жашоо кумары” деген ат менен жарык көрүп, 1966-жылы СССР Жазуучулар союзунун мүчөлүгүнө кабыл алынган.
Ага удаа “Каралдым тоолор”, “Жүрөгүм менин тоолордо”, “Ыр сабындагы өмүр”, “Күлгүн курак”, “Тоолуктар баяны” аттуу китептери басылып чыгып, окурмандарга өз үнү жана өзгөчө чыгармачыл изи бар калемгер катары таанылган.
1975-жылы залкар акын Алыкулдун улуу сүйүүсүн, инсандык терең кайгысын жана калемгердик эрдигин чагылдырган “Ыр сабындагы өмүр” китеби Кыргызстан Ленин комсомолу сыйлыгына татыктуу болгон. Ошол эле жылы “Лесорубы” (“Карагайчылар”) аталышындагы аңгемелер жана повесттер жыйнагы Москвадан орус тилинде жарык көргөн.
Бийлик башчылары анын үй-бүлөсүнө, жакындарына терең кайгыруу менен көңүл айтты.
