https://sputnik.kg/20260305/kalpak-kyrgyzdyn-rukhaniy-baaluuluktardyn-azhyragys-bolugu-1100075214.html
Калпак – кыргыздын руханий баалуулуктардын ажырагыс бөлүгү. Мамкатчынын куттуктоосу
Калпак – кыргыздын руханий баалуулуктардын ажырагыс бөлүгү. Мамкатчынын куттуктоосу
Sputnik Кыргызстан
БИШКЕК, 5-мар. — Sputnik. Кыргызстандыктар бүгүн Ак калпак жана улуттук кийим күнүн белгилейт, буга байланыштуу мамлекеттик катчы Арслан Койчиев элди... 05.03.2026, Sputnik Кыргызстан
2026-03-05T09:32+0600
2026-03-05T09:32+0600
2026-03-05T09:42+0600
кыргызстан
ак калпак
улуттук кийимдер
арслан койчиев
куттуктоо
https://sputnik.kg/img/07e6/03/0b/1062766953_0:0:2936:1653_1920x0_80_0_0_d38040fc50ece3cc87e03f5d4d854be4.jpg
БИШКЕК, 5-мар. — Sputnik. Кыргызстандыктар бүгүн Ак калпак жана улуттук кийим күнүн белгилейт, буга байланыштуу мамлекеттик катчы Арслан Койчиев элди куттуктады. Төмөндө куттуктоонун текстин толугу менен беребиз. Бүгүн, 5-мартта, биз мамлекеттик деңгээлде элибиздин өзгөчө сыймыктануучу майрамы болгон Ак калпак жана улуттук кийим күнүн салтанаттуу түрдө белгилеп жатабыз. Ак калпак жөн гана баш кийим эмес. Ал — элибиздин тарыхый эс тутуму, ата-бабаларыбыз бизге мурас катары калтырган ыйык символ, ар-намыстын, тазалыктын, асылдыктын жана улуулуктун чагылдырылышы. Кылымдарды карыткан кыргыз эли үчүн ак калпак улуттук биримдиктин, каада-салттын жана руханий баалуулуктардын ажырагыс бөлүгүнө айланган. Улуттук кийим – бул элдин жүзү, анын маданияты жана дүйнө таанымы. Кыргыз улуттук кийиминин ар бир оюмунда, ар бир деталында терең философиялык маани бар. Алар көчмөн цивилизациянын жогорку эстетикасын, адамдын жаратылыш менен айкалышын жана анын руханий тереңдигин туюндурат. Глобалдашуу доорунда улуттук өзгөчөлүктү сактоо – мамлекеттик көз карандысыздыкты жана руханий эркиндикти сактоо дегенди билдирет. Заманбап өнүгүү жолунда ишенимдүү бара жатып, биз улуттук баалуулуктарыбызды, каада-салтыбызды, эне тилибизди жана маданий мурасыбызды аяр сактап, өркүндөтүшүбүз керек. Ата-бабаларыбыз калтырган баалуулуктарды жаш муунга өткөрүп берүү өзгөчө маанилүү. Бул — ар бир үй-бүлөнүн, билим берүү мекемелеринин жана бүтүндөй коомдун ыйык милдети. Өз тарыхын билген жана маданияты менен сыймыктанган, улуттук аң-сезими бекем муун – мамлекетибиздин келечегинин бекем жана гүлдөп-өнүгүшүнүн ишенимдүү кепилдиги. Ак калпак Ала-Тоонун бийиктигинин, улуулугунун жана элдин жан дүйнөсүнүн тазалыгынын символу болуп саналат. Аны кийген ар бир кыргыз жараны өз элинин тарыхын, маданиятын жана Мекен алдындагы жоопкерчилигин жүрөгүндө алып жүрөт. Бул жаркыраган майрам күнү сиздерди Ак калпак жана улуттук кийим күнү менен чын жүрөктөн куттуктайм. Өлкөбүздө ар дайым тынчтык, биримдик жана ынтымак өкүм сүрсүн! Кыргызстандын асманы ачык, келечеги кең жана жаркын болсун! Улуттук баалуулуктарыбыз түбөлүктүү болсун! Sputnik Кыргызстан агенттиги калпактын жасалышы, маани-маңызы тууралуу кызыктуу инфографика даярдаган.
https://sputnik.kg/20201124/kyrgyz-ehrkekteri-surot-kijim-1050545122.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, ак калпак, улуттук кийимдер, арслан койчиев, куттуктоо
кыргызстан, ак калпак, улуттук кийимдер, арслан койчиев, куттуктоо
БИШКЕК, 5-мар. — Sputnik. Кыргызстандыктар бүгүн Ак калпак жана улуттук кийим күнүн белгилейт, буга байланыштуу мамлекеттик катчы Арслан Койчиев элди куттуктады.
Төмөндө куттуктоонун текстин толугу менен беребиз.
Бүгүн, 5-мартта, биз мамлекеттик деңгээлде элибиздин өзгөчө сыймыктануучу майрамы болгон Ак калпак жана улуттук кийим күнүн салтанаттуу түрдө белгилеп жатабыз.
Ак калпак жөн гана баш кийим эмес. Ал — элибиздин тарыхый эс тутуму, ата-бабаларыбыз бизге мурас катары калтырган ыйык символ, ар-намыстын, тазалыктын, асылдыктын жана улуулуктун чагылдырылышы. Кылымдарды карыткан кыргыз эли үчүн ак калпак улуттук биримдиктин, каада-салттын жана руханий баалуулуктардын ажырагыс бөлүгүнө айланган.
Улуттук кийим – бул элдин жүзү, анын маданияты жана дүйнө таанымы. Кыргыз улуттук кийиминин ар бир оюмунда, ар бир деталында терең философиялык маани бар. Алар көчмөн цивилизациянын жогорку эстетикасын, адамдын жаратылыш менен айкалышын жана анын руханий тереңдигин туюндурат.
Глобалдашуу доорунда улуттук өзгөчөлүктү сактоо – мамлекеттик көз карандысыздыкты жана руханий эркиндикти сактоо дегенди билдирет. Заманбап өнүгүү жолунда ишенимдүү бара жатып, биз улуттук баалуулуктарыбызды, каада-салтыбызды, эне тилибизди жана маданий мурасыбызды аяр сактап, өркүндөтүшүбүз керек.
Ата-бабаларыбыз калтырган баалуулуктарды жаш муунга өткөрүп берүү өзгөчө маанилүү. Бул — ар бир үй-бүлөнүн, билим берүү мекемелеринин жана бүтүндөй коомдун ыйык милдети. Өз тарыхын билген жана маданияты менен сыймыктанган, улуттук аң-сезими бекем муун – мамлекетибиздин келечегинин бекем жана гүлдөп-өнүгүшүнүн ишенимдүү кепилдиги.
Ак калпак Ала-Тоонун бийиктигинин, улуулугунун жана элдин жан дүйнөсүнүн тазалыгынын символу болуп саналат. Аны кийген ар бир кыргыз жараны өз элинин тарыхын, маданиятын жана Мекен алдындагы жоопкерчилигин жүрөгүндө алып жүрөт.
Бул жаркыраган майрам күнү сиздерди Ак калпак жана улуттук кийим күнү менен чын жүрөктөн куттуктайм.
Өлкөбүздө ар дайым тынчтык, биримдик жана ынтымак өкүм сүрсүн! Кыргызстандын асманы ачык, келечеги кең жана жаркын болсун! Улуттук баалуулуктарыбыз түбөлүктүү болсун!
Sputnik Кыргызстан агенттиги
калпактын жасалышы, маани-маңызы тууралуу кызыктуу инфографика даярдаган.
24 Жетинин айы 2020, 19:06
