БИШКЕК, 11-фев. — Sputnik. Россияга былтыр Казакстан менен Өзбекстандын жарандары көп барган. Бул туурасында Sputnik Ближнее зарубежье жазды.
Канал РФтин Федералдык коопсуздук кызматынын Чек ара кызматына таянган.
Бардык саякатчылар Россияга баш-аягы 15,6 миллион сапар барган. Бул көрсөткүч бир жыл мурдагыга караганда 6,9 пайызга аз.
Ал эми туризм жаатында Россия кытайлыктар арасында эң популярдуу болгон. Алар 2025-жылы РФке 834 миң жолу келген. Бул бир жыл ичиндеги бардык туристтик сапарлардын 51 пайызын түзөт.
Россияга төмөнкү мамлекеттерден арбын келишкен:
казакстандыктар – 3,19 млн.;
өзбекстандыктар – 3,12 млн.;
кытайлыктар – 1,76 млн.;
тажикстандыктар – 1,44 млн.;
кыргызстандыктар – 0,98 млн.;
абхазиялыктар – 0,62 млн.;
беларустар – 0,56 млн.;
армениялыктар – 0,54 млн.;
азербайжандыктар – 0,43 млн.;
монголиялыктар – 0,32 млн.;
башка өлкөлөр – 2,62 млн турист келген.
