https://sputnik.kg/20251119/yevrokomissiya-kiyevge-dep-suragan-karazhat-zhok-akcha-1097966812.html
Орбан: Еврокомиссия Киевге деп сураган каражат чынында жок акча
Орбан: Еврокомиссия Киевге деп сураган каражат чынында жок акча
Sputnik Кыргызстан
БИШКЕК, 19-ноя. — Sputnik. Украинаны каржылоого деп Еврокомиссия сурап жаткан 135 миллиард евро чынында жок акча, демек, мындай жардам көрсөтүү үчүн... 19.11.2025, Sputnik Кыргызстан
2025-11-19T16:19+0600
2025-11-19T16:19+0600
2025-11-19T16:19+0600
дүйнөдө
украина
евробиримдик
еврокомиссия
венгрия
виктор орбан
жардам
дефицит
бюджет
https://sputnik.kg/img/07e8/0c/14/1090956529_0:0:3072:1728_1920x0_80_0_0_86d0f648c19ea253368a9cebf34af9e2.jpg
БИШКЕК, 19-ноя. — Sputnik. Украинаны каржылоого деп Еврокомиссия сурап жаткан 135 миллиард евро чынында жок акча, демек, мындай жардам көрсөтүү үчүн Евробиримдик карыз алышы керек болот. Бул тууралуу Венгриянын премьер-министри Виктор Орбан соцтармактагы баракчасына жазганын РИА Новости кабарлады. Эскерте кетсек, дүйшөмбү күнү Еврокомиссиянын төрайымы Урсула фон дер Ляйен ЕБ лидерлерине Украинаны 2026-2027-жылдарга каржылоонун үч варианты көрсөтүлгөн кат жолдогон. Ага ылайык, Евробиримдик финансы рынокторунан карыз алып, Киевге 90 миллиард евролук насыя берүүсү каралган. Же ички дүң өндүрүмүнө карап 0,16 пайыздан 1,27 пайызга чейинки коюм менен жылына 45 миллиард евродон бөлүү сунушталган. Болбосо Россиянын тоңдурулган каражатынын эсебинен 185 миллиарддан 210 миллиард еврого чейин кредит берүү камтылган. Эл аралык валюта фондунун алдын ала маалыматы боюнча, Украинаны 2026-2027-жылдары макрофинансылык жана аскердик жаатта колдоо көрсөтүү үчүн 135,7 миллиард евро керек. Евробиримдик мамлекеттери Киевдин муктаждыгын жабууга 23-октябрда өткөн жыйында макул болушкан. Белгилей кетсек, Украина акыркы жылдары бюджетин чоң дефицит менен түзүп, Батыштын жардамына ишенип келет. 2024-жылы тартыштык 43,9 миллиард долларды түзгөн. Быйылкы жылдын бюджети 37,3 миллиард долларлык дефицит менен бекип, аскердик чыгымга бөлүнгөн акчаны көбөйтүү үчүн эки ирет өзгөртүү кирди. 2026-жылдын бюджетинин долбоорунда чыгаша 116 миллиард доллар, киреше 68,6 миллиард доллардын чегинде деп турат. Тартыштык ИДПнын 18,4 пайызын түзөт. Ортодогу "тешикти" тыштан келчү каражат менен жабуу көздөлгөн, бирок сентябрда финансы министри Сергей Марченко келе турган каражат аз экенин, дагы 16 миллиард евро керек экенин айткан. Ал арада Батышта кошумча жардам бөлүү кызуу талкууга алынып, Киев өзүн-өзү каржылай турган булактарды табышы керектиги айтыла баштады.
https://sputnik.kg/20251118/orban-kiyevdi-karzhyloonu-talap-kylgan-evrokomissiyaga-zhoop-berdi-1097926918.html
украина
венгрия
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, украина, евробиримдик, еврокомиссия, венгрия, виктор орбан, жардам, дефицит, бюджет
дүйнөдө, украина, евробиримдик, еврокомиссия, венгрия, виктор орбан, жардам, дефицит, бюджет
БИШКЕК, 19-ноя. — Sputnik. Украинаны каржылоого деп Еврокомиссия сурап жаткан 135 миллиард евро чынында жок акча, демек, мындай жардам көрсөтүү үчүн Евробиримдик карыз алышы керек болот. Бул тууралуу Венгриянын премьер-министри Виктор Орбан соцтармактагы баракчасына жазганын
РИА Новости кабарлады.
Эскерте кетсек, дүйшөмбү күнү Еврокомиссиянын төрайымы Урсула фон дер Ляйен ЕБ лидерлерине Украинаны 2026-2027-жылдарга каржылоонун үч варианты көрсөтүлгөн кат жолдогон. Ага ылайык, Евробиримдик финансы рынокторунан карыз алып, Киевге 90 миллиард евролук насыя берүүсү каралган. Же ички дүң өндүрүмүнө карап 0,16 пайыздан 1,27 пайызга чейинки коюм менен жылына 45 миллиард евродон бөлүү сунушталган. Болбосо Россиянын тоңдурулган каражатынын эсебинен 185 миллиарддан 210 миллиард еврого чейин кредит берүү камтылган.
"Асман чапчыган мындай сумма чынында жок. Брюсселдин кезектеги "оюну" европалыктарды карызга белчесинен батырып, керек болсо неберелерибиздин мойнуна илинген жүк болот. Венгрия буга барбайт", — деп жазды Орбан.
Эл аралык валюта фондунун алдын ала маалыматы боюнча, Украинаны 2026-2027-жылдары макрофинансылык жана аскердик жаатта колдоо көрсөтүү үчүн 135,7 миллиард евро керек. Евробиримдик мамлекеттери Киевдин муктаждыгын жабууга 23-октябрда өткөн жыйында макул болушкан.
Белгилей кетсек, Украина акыркы жылдары бюджетин чоң дефицит менен түзүп, Батыштын жардамына ишенип келет. 2024-жылы тартыштык 43,9 миллиард долларды түзгөн. Быйылкы жылдын бюджети 37,3 миллиард долларлык дефицит менен бекип, аскердик чыгымга бөлүнгөн акчаны көбөйтүү үчүн эки ирет өзгөртүү кирди.
2026-жылдын бюджетинин долбоорунда чыгаша 116 миллиард доллар, киреше 68,6 миллиард доллардын чегинде деп турат. Тартыштык ИДПнын 18,4 пайызын түзөт. Ортодогу "тешикти" тыштан келчү каражат менен жабуу көздөлгөн, бирок сентябрда финансы министри Сергей Марченко келе турган каражат аз экенин, дагы 16 миллиард евро керек экенин айткан.
Ал арада Батышта кошумча жардам бөлүү кызуу талкууга алынып, Киев өзүн-өзү каржылай турган булактарды табышы керектиги айтыла баштады.
