https://sputnik.kg/20251031/kyrgyzstan-kalky-kartayyp-bara-zhatkan-olkogo-aylanuuda-1097550096.html
Кайназаров: Кыргызстан калкы картайып бара жаткан өлкөгө айланууда
Кайназаров: Кыргызстан калкы картайып бара жаткан өлкөгө айланууда
Sputnik Кыргызстан
БИШКЕК, 31-окт. — Sputnik. Кыргызстанда демографиялык өзгөрүүлөр болууда, калктын жалпы түзүмү жаштарга караганда, улгайып бараткандарга өтүп бара жатат. Бул... 31.10.2025, Sputnik Кыргызстан
2025-10-31T13:42+0600
2025-10-31T13:42+0600
2025-10-31T13:42+0600
кыргызстан
демография
буу
бактыбек кайназаров
жаштык
буунун калкты жайгаштыруу фонду
https://sputnik.kg/img/104462/09/1044620986_0:173:3155:1948_1920x0_80_0_0_7d6c8842897e0da62f67e6640bd40df0.jpg
БИШКЕК, 31-окт. — Sputnik. Кыргызстанда демографиялык өзгөрүүлөр болууда, калктын жалпы түзүмү жаштарга караганда, улгайып бараткандарга өтүп бара жатат. Бул туурасында БУУнун Калкты жайгаштыруу фондунун өлкөдөгү кеңсесинин жетекчиси Бактыбек Кайназаров маалымат жыйында билдирди. Ал өзгөрүү жашоонун бардык тармактарында — саламаттыкты сактоодон, эмгек рыногунан тарта турак жай саясаты менен социалдык коргоого чейин болуп жаткандыгын белгиледи. Кайназаровдун айтымында, 2050-жылга карата дүйнө жүзүндө 60 жаштан жана андан өйдө курактагылар эки эсе көбөйөт да, саны эки миллиардга чукулдайт. Кайназаров белгилегендей, улгайгандар темасы экономикалык жана социалдык өнүгүүгө коркунуч туудурат деп эсептелген — "жаңы демографиялык бомба" деп атап алышкан нерсе менен коштолуп келүүдө. "Бирок бул туура эмес түшүнүк. Биздин улгайган жарандарыбыз бизге ашыкча жүк эмес, тескерисинче, коомдун байлыгы. Карыялар тарыхыбызды, салтыбызды жана адамдык акылмандыкты сактап келе жатышат. Эгерде улгайып баратканда да аларга активдүү жана ден соолукта болгонго шарт түзүп берсек, узак жашоо биздин өлкөнүн туруктуу өнүгүүсүнүн маанилүү ресурстарынын бири болот", — деп БУУнун аталган фондунун кеңсе башчысы айтты. Кайназаровдун пикиринде, Кыргызстандын жакынкы он жылдыкта гүлдөшү жана өнүгүшү үчүн улгаюуну жарамсыз болуп калуу эмес, тескерисинче, коомдун өнүгүшүнө салым кошо тургандардын жаңы этабы катары кароо зарыл. Бул үчүн төмөнкүлөр маанилүү:
https://sputnik.kg/20250719/kamchybek-tashiev-chek-ara-demografiya-bala-1095405843.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, демография, буу, бактыбек кайназаров, жаштык, буунун калкты жайгаштыруу фонду
кыргызстан, демография, буу, бактыбек кайназаров, жаштык, буунун калкты жайгаштыруу фонду
БИШКЕК, 31-окт. — Sputnik. Кыргызстанда демографиялык өзгөрүүлөр болууда, калктын жалпы түзүмү жаштарга караганда, улгайып бараткандарга өтүп бара жатат. Бул туурасында БУУнун Калкты жайгаштыруу фондунун өлкөдөгү кеңсесинин жетекчиси Бактыбек Кайназаров маалымат жыйында билдирди.
Ал өзгөрүү жашоонун бардык тармактарында — саламаттыкты сактоодон, эмгек рыногунан тарта турак жай саясаты менен социалдык коргоого чейин болуп жаткандыгын белгиледи.
Кайназаровдун айтымында, 2050-жылга карата дүйнө жүзүндө 60 жаштан жана андан өйдө курактагылар эки эсе көбөйөт да, саны эки миллиардга чукулдайт.
"Кыргызстан демографиялык өзгөрүүнүн баштапкы босогосунда турат, калктын 6 пайызга жакыны 65 жаштан өйдөлөп бараткан тенденция уланууда. Статкомдун 2022-жыл боюнча берген маалыматтарына таянсак, эркектердин орточо жашоо мезгили — 65, ал эми аялдардыкы — 73 жаш. Соңку учурда жашоонун, саламаттыкты сактоонун жакшырышынан, коомдун ден соолугуна кам көргөн программалардан улам бул көрсөткүч туруктуу өсүп жатат", — деди ал.
Кайназаров белгилегендей, улгайгандар темасы экономикалык жана социалдык өнүгүүгө коркунуч туудурат деп эсептелген — "жаңы демографиялык бомба" деп атап алышкан нерсе менен коштолуп келүүдө.
"Бирок бул туура эмес түшүнүк. Биздин улгайган жарандарыбыз бизге ашыкча жүк эмес, тескерисинче, коомдун байлыгы. Карыялар тарыхыбызды, салтыбызды жана адамдык акылмандыкты сактап келе жатышат. Эгерде улгайып баратканда да аларга активдүү жана ден соолукта болгонго шарт түзүп берсек, узак жашоо биздин өлкөнүн туруктуу өнүгүүсүнүн маанилүү ресурстарынын бири болот", — деп БУУнун аталган фондунун кеңсе башчысы айтты.
Кайназаровдун пикиринде, Кыргызстандын жакынкы он жылдыкта гүлдөшү жана өнүгүшү үчүн улгаюуну жарамсыз болуп калуу эмес, тескерисинче, коомдун өнүгүшүнө салым кошо тургандардын жаңы этабы катары кароо зарыл.
Бул үчүн төмөнкүлөр маанилүү:
жаштыктын деми менен карылыктын акылмандыгы кездешкен муундардын ортосундагы диалогдорду колдоо;
саламаттык сактоо системасын бекемдөө, профилактика жана өнөкөт оорулары барларга сапаттуу жардам көрсөтүү;
улгайгандарга ыңгайлуу болгон жамааттарды өнүктүрүү. Анда ар бир адам татыктуу жашап, максат коюп, өзүн ошол жамааттын бир бөлүгү катары сезе алышы керек.
