https://sputnik.kg/20250908/briks-onlayn-sammit-otup-zhatat-sanktsiya-talkuu-1096393006.html
АКШ соода согушун баштады. БРИКС лидерлери Трамптын кадамдарын талкуулашты
АКШ соода согушун баштады. БРИКС лидерлери Трамптын кадамдарын талкуулашты
Sputnik Кыргызстан
БИШКЕК, 8-сен. — Sputnik. АКШнын экинчи санкциясы достук өлкөлөр арасындагы сооданы чыңдоо эркиндигибизди чектейт. Бул тууралуу Бразилиянын лидери Луис Инасиу... 08.09.2025, Sputnik Кыргызстан
2025-09-08T20:12+0600
2025-09-08T20:12+0600
2025-09-09T09:29+0600
брикс
дүйнөдө
экономика
соода
согуш
бразилия
саммит
онлайн
https://sputnik.kg/img/07e9/09/09/1096395600_0:320:3072:2048_1920x0_80_0_0_6f7ff568036c640882359e4422682b14.jpg
БИШКЕК, 8-сен. — Sputnik. АКШнын экинчи санкциясы достук өлкөлөр арасындагы сооданы чыңдоо эркиндигибизди чектейт. Бул тууралуу Бразилиянын лидери Луис Инасиу Лула да Силва БРИКСтин онлайн саммитинде билдиргенин РИА Новости жазды.Белгилей кетсек, бүгүнкү иш-чара Лула да Силванын демилгеси менен уюштурулду. Анда Дональд Трамптын соода саясаты талкууланып жатат. Бразилиялык лидердин айтымында, АКШ киргизип жаткан бажы алымдары БРИКС өлкөлөрүнүн экономикасына каршы багытталган.Ал эми Кытай лидери Си Цзиньпин БРИКСтин күчтүү жактарын пайдаланууга жана ишкердик кызматташтыкты тереңдетүүгө чакырды. Ал бирикме ачыктыкты жактап, эл аралык экономикалык жана соода тартибин коргошу керектигин кошумчалады.“Айрым өлкөлөр тынымсыз соода жана тарифтик согуштарды баштап, бул дүйнөлүк экономикага олуттуу зыян келтирип, эл аралык сооданын эрежелерин бузууда”, — деди ал.Си бирикме эл аралык дүрбөлөңдүн сыноосуна туруштук бере аларына жана өнүгүүсүн уланта берерине ишенээрин белгиледи.Египеттин президенти Абдель Фаттах ас-Сиси БУУнун Коопсуздук кеңешине болгон ишеним жоголгонун, бул орган талаш-тартыштарды чечүүдө өз ролун аткарбай калганын айтты. Ал эми Түштүк Африка Республикасынын президенти Сирил Рамафоса дүйнө бир уюлдуудан көп уюлдуу дүйнөгө өтүп жатканын эске салды. Ошол эле учурда саясатчы БРИКС өлкөлөрү көп тараптуу институттарды реформалоону жактоодо алдыңкы сапта экенин кошумчалады.Эскерте кетсек, Ак үйдүн кожоюну 30-июль күнү "АКШ үчүн кооптуулук жаратканы" үчүн Бразилияга 50 пайыздык бажы алымын киргизүү боюнча жарлыкка кол койгон. Анын айтымында, БРИКСтин "антиамерикалык" саясатын колдогон мамлекеттин баарына кошумча тариф киргизилмекчи.Өз кезегинде Лула да Силва башка соода өнөктөштөрүн издөөгө дит койгонун билдирген. Мындан тышкары, өлкө аталган талаш маселени Дүйнөлүк соода уюмунун алкагында чечүүнү максаттап жатат.Globo гезитинин жазганына караганда, Бразилия өкмөтү тышкы соода палатасына өлкө экспортуна чектөө киргизген мамлекеттерге контрчара көрүүгө жол ачкан мыйзамды колдонуу мүмкүнчүлүгүн карап көрүүнү тапшырган.Ведомство 30 күндүн ичинде АКШга чара көрүүгө болор-болбосун аныктап чыгышы керек. Латын Америка өлкөсү мындай аракеттер диалог жана сүйлөшүүлөрдү ыкчамдатат деген пикирде.
https://sputnik.kg/20250904/globalduu-transformatsiyanyn-bashaty-shku-sammiti-1096311277.html
бразилия
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
брикс, дүйнөдө, экономика, соода, согуш, бразилия, саммит, онлайн
брикс, дүйнөдө, экономика, соода, согуш, бразилия, саммит, онлайн
БИШКЕК, 8-сен. — Sputnik. АКШнын экинчи санкциясы достук өлкөлөр арасындагы сооданы чыңдоо эркиндигибизди чектейт. Бул тууралуу Бразилиянын лидери Луис Инасиу Лула да Силва БРИКСтин онлайн саммитинде билдиргенин
РИА Новости жазды.
Белгилей кетсек, бүгүнкү иш-чара Лула да Силванын
демилгеси менен уюштурулду. Анда Дональд Трамптын соода саясаты талкууланып жатат. Бразилиялык лидердин айтымында, АКШ киргизип жаткан бажы алымдары БРИКС өлкөлөрүнүн экономикасына каршы багытталган.
“Биздин институттарга экстерриториалдык чараларды киргизүү коркунуч туудурат. Экинчи ирет салынган санкциялар достук өлкөлөрдүн ортосундагы сооданы чыңдоо эркиндигин чектейт. Элдерди алгач бөлүп-жарып алып анан башкаруу алардын жаңы стратегиясына айланды. Бирок БРИКС күч биримдикте экенин көрсөтүшү керек”, — деди Лула да Силва.
Ал эми Кытай лидери Си Цзиньпин БРИКСтин күчтүү жактарын пайдаланууга жана ишкердик кызматташтыкты тереңдетүүгө чакырды. Ал бирикме ачыктыкты жактап, эл аралык экономикалык жана соода тартибин коргошу керектигин кошумчалады.
“Айрым өлкөлөр тынымсыз соода жана тарифтик согуштарды баштап, бул дүйнөлүк экономикага олуттуу зыян келтирип, эл аралык сооданын эрежелерин бузууда”, — деди ал.
Си бирикме эл аралык дүрбөлөңдүн сыноосуна туруштук бере аларына жана өнүгүүсүн уланта берерине ишенээрин белгиледи.
Египеттин президенти Абдель Фаттах ас-Сиси БУУнун Коопсуздук кеңешине болгон ишеним жоголгонун, бул орган талаш-тартыштарды чечүүдө өз ролун аткарбай калганын айтты. Ал эми Түштүк Африка Республикасынын президенти Сирил Рамафоса дүйнө бир уюлдуудан көп уюлдуу дүйнөгө өтүп жатканын эске салды. Ошол эле учурда саясатчы БРИКС өлкөлөрү көп тараптуу институттарды реформалоону жактоодо алдыңкы сапта экенин кошумчалады.
Эскерте кетсек, Ак үйдүн кожоюну 30-июль күнү "АКШ үчүн кооптуулук жаратканы" үчүн Бразилияга 50 пайыздык бажы алымын киргизүү боюнча жарлыкка кол койгон. Анын айтымында, БРИКСтин "антиамерикалык" саясатын колдогон мамлекеттин баарына кошумча тариф киргизилмекчи.
Өз кезегинде Лула да Силва башка соода өнөктөштөрүн издөөгө дит койгонун билдирген. Мындан тышкары, өлкө аталган талаш маселени Дүйнөлүк соода уюмунун алкагында чечүүнү максаттап жатат.
Globo гезитинин жазганына караганда, Бразилия өкмөтү тышкы соода палатасына өлкө экспортуна чектөө киргизген мамлекеттерге контрчара көрүүгө жол ачкан мыйзамды колдонуу мүмкүнчүлүгүн карап көрүүнү тапшырган.
Ведомство 30 күндүн ичинде АКШга чара көрүүгө болор-болбосун аныктап чыгышы керек. Латын Америка өлкөсү мындай аракеттер диалог жана сүйлөшүүлөрдү ыкчамдатат деген пикирде.
