Жапаров: “Евразия” паркы — балдарыбыздын жашоосун жакшыртуучу социалдык долбоор
21:01 28.08.2025 (Жаңыртылды: 08:59 29.08.2025)
Жазылуу
БИШКЕК, 28-авг. — Sputnik. Жаңы ачылып жаткан “Евразия” паркы — заманбап эс алуучу жай эле эмес, шаардыктардын, айылдан келген наристелерибиздин жашоо сапатын жакшыртууга багытталган социалдык долбоор. Бул тууралуу президент Садыр Жапаров аталган оюн-зоок жайынын ачылышында айтты.
Өлкө башчысы инвестициялык климат жакшырган бүгүнкүдөй шартта каражат жалаң эле өндүрүш ишканаларына багытталбай, социалдык долбоорлорго да салына баштаганын белгиледи.
![Президент Садыр Жапаров "Евразия" паркын ачты - Sputnik Кыргызстан](https://sputnik.kg/img/07e9/08/1d/1096172863_0:160:3072:1888_600x0_80_0_0_d0976370aebe675b1319bfad77db5b77.jpg "Президент Садыр Жапаров "Евразия" паркын ачты")
Президент Садыр Жапаров "Евразия" паркын ачты
Долбоор Евразиялык экономикалык биримдиктин 10 жылдыгына арналган масштабдуу иш-чара болуп саналат
3/5
© Фото / пресс-служба президента КР
“Евразия” паркы 10 гектар жерге түштү
Парк социалдык жактан бөлүнбөй, бардык наристелер үчүн бирдей шарт түзүү максатында акысыз болот
Мындай масштабдуу оюн-зоок жайы Борбор Азия боюнча Кыргызстанда алгачкы болуп салынды
Президент Садыр Жапаров "Евразия" паркын ачты
Долбоор Евразиялык экономикалык биримдиктин 10 жылдыгына арналган масштабдуу иш-чара болуп саналат
3/5
© Фото / пресс-служба президента КР
“Евразия” паркы 10 гектар жерге түштү
Парк социалдык жактан бөлүнбөй, бардык наристелер үчүн бирдей шарт түзүү максатында акысыз болот
Мындай масштабдуу оюн-зоок жайы Борбор Азия боюнча Кыргызстанда алгачкы болуп салынды
Президент бүгүнкү күндө Бишкек шаары өнүгүү жолуна түшкөнүн, жаӊы имараттар, заманбап инфратүзүмдүк объектилер курулуп, жолдор оӊдолуп, шаар көрктөндүрүлүп, бир кездеги кооз жана жашыл калаа келбетине кайтып баратканына токтолду.
“Бүгүнкү ачылып жаткан оюн-зоок паркы дагы шарыбыздын көркүн ачып, балдарыбыздын, жаштарыбыздын жана шаарыбызга келген туристтердин активдүү эс алуу жайы болоруна ишенем. Аталган парк 2024-жылы биздин министрлер кабинети менен “Евразия” автономдуу коммерциялык эмес уюмунун ортосундагы Евразия мейкиндигинде салттуу баалуулуктарды сактоо жана бекемдөө боюнча кызматташуу жөнүндө макулдашуунун алкагында курулуп баштаган. Бул паркка тартылган инвестициянын көлөмү 35 миллион долларды түзөт”, — деди Жапаров.
Долбоор Евразиялык экономикалык биримдиктин 10 жылдыгына арналган масштабдуу иш-чара болуп саналарын белгилеген президент парк социалдык жактан бөлүнбөй, бардык наристелер үчүн бирдей шарт түзүү максатында акысыз болорун айтты.
Президет эс алуучуларга кайрылып, аттракциондорго зыян келтирбей, өз буюмундай мамиле кылууга чакырды.
Белгилей кетсек, “Евразия” паркы 10 гектар жерге түштү. Мындай масштабдуу оюн-зоок жайы Борбор Азия боюнча Кыргызстанда алгачкы болуп салынды.
