https://sputnik.kg/20250826/yevraziya-birinchi-sotsialdyk-dukon-achyldy-1096107707.html
Бишкекте "Евразия" аталышындагы алгачкы социалдык дүкөн ачылды. Видео
Бишкекте "Евразия" аталышындагы алгачкы социалдык дүкөн ачылды. Видео
Sputnik Кыргызстан
Бишкекте "Евразия" аталышындагы биринчи социалдык дүкөндүн салтанаттуу ачылышы өттү. Долбоор пайда табуу максатын көздөбөйт, пенсионерлерге, ардагерлерге, көп... 26.08.2025, Sputnik Кыргызстан
2025-08-26T13:13+0600
2025-08-26T13:13+0600
2025-09-08T13:04+0600
кыргызстан
россия
"евразия" уюму
социалдык дүкөн
бишкек
видео
https://sputnik.kg/img/07e9/08/1a/1096107540_0:0:1920:1080_1920x0_80_0_0_7bdbbb9bf88ee3115f760df69ac19f4b.jpg
Бишкекте "Евразия" аталышындагы биринчи социалдык дүкөндүн салтанаттуу ачылышы өттү. Долбоор пайда табуу максатын көздөбөйт, пенсионерлерге, ардагерлерге, көп балалуу үй-бүлөлөргө жана ден соолугунун мүмкүнчүлүгү чектелген адамдарга социалдык жардам көрсөтүүгө багытталган.Иш-чарага "Евразия" автономдуу коммерциялык эмес уюмунун кеңешинин төрайымы Алёна Аршинова, шаар мэри Айбек Жунушалиев, Россотрудничествонун Кыргызстандагы өкүлчүлүгүнүн жетекчиси Альберт Зульхарнеев жана калаа тургундары катышты. Социалдык долбоор "Евразия" автономдуу коммерциялык эмес уюму менен кыргыз бийлигинин ортосундагы кызматташуу боюнча меморандумдун алкагында ишке ашууда. Соода түйүнү шаардын борборунда Токтогул көчөсү, 146/1 дарегинде жайгашкан. Бул жерде азык-түлүк жана биринчи кезекте зарыл болгон товарлар өндүрүүчүлөрдүн баасында сатылат. Мэр Жунушалиев бул саамалык борбор үчүн чоң окуя экенин билдирди. Мындай демилге шаар тургундарын колдоонун дагы бир жакшы көрсөткүчү болорун кошумчалады. Аршинованын айтымында, социалдык дүкөндүн мүмкүнчүлүктөрүн пайдалануу үчүн катталып, атайын карта алуу керек. Ал жакынкы эки айда шаардын бардык райондорунда ушундай дүкөндөрдү ачуу пландаштырылып жатканын кошумчалады. "Евразия" автономдуу коммерциялык эмес уюму эл аралык кызматташтыкты өнүктүрүүгө көмөктөшүп, салттуу баалуулуктарды сактоого жана улуттар аралык баарлашууну өнүктүрүүгө багытталган гуманитардык долбоорлорду ишке ашырууну максат кылат. "Евразия" социалдык маанилүү демилгелерди колдойт, ар кандай маданиятты алып жүргөн адамдарга бири-бири менен баарлашууга мүмкүнчүлүк берет. Билим берүү, медицина, жаштар чөйрөсүндөгү долбоорлорду ишке ашырат. Негизги багыттардын бири — окуучуларды, студенттерди, жаш адистерди колдоо. Ишке ашып жаткандардын арасында билим берүү программалары, ири мамлекеттик компанияларда тажрыйба алмашуу жана медиамектеп долбоорлору бар. Ошондой эле "Евразия" долбоору мектеп жана ЖОЖ мугалимдери үчүн кесиптик платформалар жана форумдар, журналисттер менен блогерлер үчүн гранттар, тарыхты жана маданиятты сактоо жаатындагы демилгелерге колдоо көрсөтүү болуп саналат.Тема боюнча:
бишкек
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, россия, "евразия" уюму, социалдык дүкөн, бишкек, видео, видео
кыргызстан, россия, "евразия" уюму, социалдык дүкөн, бишкек, видео, видео
Бишкекте "Евразия" аталышындагы биринчи социалдык дүкөндүн салтанаттуу ачылышы өттү. Долбоор пайда табуу максатын көздөбөйт, пенсионерлерге, ардагерлерге, көп балалуу үй-бүлөлөргө жана ден соолугунун мүмкүнчүлүгү чектелген адамдарга социалдык жардам көрсөтүүгө багытталган.
Иш-чарага "Евразия" автономдуу коммерциялык эмес уюмунун кеңешинин төрайымы Алёна Аршинова, шаар мэри Айбек Жунушалиев, Россотрудничествонун Кыргызстандагы өкүлчүлүгүнүн жетекчиси Альберт Зульхарнеев жана калаа тургундары катышты.
Социалдык долбоор "Евразия" автономдуу коммерциялык эмес уюму менен кыргыз бийлигинин ортосундагы кызматташуу боюнча меморандумдун алкагында ишке ашууда.
Соода түйүнү шаардын борборунда Токтогул көчөсү, 146/1 дарегинде жайгашкан. Бул жерде азык-түлүк жана биринчи кезекте зарыл болгон товарлар өндүрүүчүлөрдүн баасында сатылат.
Мэр Жунушалиев бул саамалык борбор үчүн чоң окуя экенин билдирди. Мындай демилге шаар тургундарын колдоонун дагы бир жакшы көрсөткүчү болорун кошумчалады.
"Бул багытта баштаган жумушубуз жигердүү улантыларына ишенем. Сөзсүз жакшы жыйынтыкка жетебиз", — деп белгилген мэр.
Аршинованын айтымында, социалдык дүкөндүн мүмкүнчүлүктөрүн пайдалануу үчүн катталып, атайын карта алуу керек.
"Евразия" картасы менен келип, керектүү азыктарды сатып алса болот. Пенсионерлер менен бирге шаардагы дүкөндөрдү кыдырып, баанын айырмасы 20-40 пайызга чейин жетерин көрдүк. Биз дал ушуга умтулганбыз. Дал ушундай арзандатууну алуу үчүн "Евразия" социалдык дүкөнүнүн мүчөсү болуу керек", — деген Аршинова.
Ал жакынкы эки айда шаардын бардык райондорунда ушундай дүкөндөрдү ачуу пландаштырылып жатканын кошумчалады.
"Евразия" автономдуу коммерциялык эмес уюму эл аралык кызматташтыкты өнүктүрүүгө көмөктөшүп, салттуу баалуулуктарды сактоого жана улуттар аралык баарлашууну өнүктүрүүгө багытталган гуманитардык долбоорлорду ишке ашырууну максат кылат. "Евразия" социалдык маанилүү демилгелерди колдойт, ар кандай маданиятты алып жүргөн адамдарга бири-бири менен баарлашууга мүмкүнчүлүк берет. Билим берүү, медицина, жаштар чөйрөсүндөгү долбоорлорду ишке ашырат.
Негизги багыттардын бири — окуучуларды, студенттерди, жаш адистерди колдоо. Ишке ашып жаткандардын арасында билим берүү программалары, ири мамлекеттик компанияларда тажрыйба алмашуу жана медиамектеп долбоорлору бар.
Ошондой эле "Евразия" долбоору мектеп жана ЖОЖ мугалимдери үчүн кесиптик платформалар жана форумдар, журналисттер менен блогерлер үчүн гранттар, тарыхты жана маданиятты сактоо жаатындагы демилгелерге колдоо көрсөтүү болуп саналат.
