Путин дүйнөлүк ЖМКлардын жетекчилери менен жолукту. Баарлашуунун негизги учурлары
04:19 19.06.2025 (Жаңыртылды: 16:39 25.06.2025)
© Sputnik / Александр Демьянчук
/ Жазылуу
БИШКЕК, 19-июн. — Sputnik. Россия президенти Владимир Путин Санкт-Петербургда өтүп жаткан Эл аралык экономикалык форумдун алкагында дүйнөлүк жалпыга маалымдоо каражаттарынын жетекчилери менен жолугуп, бир катар суроолорго жооп берди.
Баарлашууга Азербайжан, Беларусь, Улуу Британия, Вьетнам, Германия, Индонезия, Испания, Каазкстан, Кытай, АКШ, Түркия, Өзбекстан жана Франциядан келген журналисттер катышты.
РФ лидеринин айткандарынын маанилүү учурлары:
Россия соода согуштарына жана чектөөлөргө каршы туруп, адилеттүү дүйнөлүк тартипти колдойт;
Германия Россия — Украина жаңжалын жөнгө салуу маселесинде ортомчу боло албайт, себеби бул өлкө бейтарап эмес, жаңжалды колдогон тарапта турат. Бирок Германия канцлери Фридрих Мерц Россия менен сүйлөшүүнү кааласа, Москва буга ачык;
Иран менен Израиль сүйлөшүүлөргө ыктаса туура болмок. Россия Ирандын тынчтык өзөктүк энергетикадагы кызыкчылыгын коргогон жана Изарилдин коопсуздук боюнча тынчсызданууларын жойгон сунушту айткан. Москва Иранда коом өлкөнүн саясий жетекчисинин айланасына биригип жатканын көрүүдө. Ирандын жер алдындагы заводдору бар, алар өз калыбында турат;
НАТО куралданууга ИДПнын 5%ын коротуп эч нерсеге жетпейт. Россия үчүн кооптуулугу жок. Россия менен НАТОнун ортосундагы мамиле 2014-жылдан тарта бузулган, мында маселе Крымдын Россияга кошулушунда эмес, Батыштын Украинадагы мамлекеттик төңкөрүштү колдогонунда. Батышта байыртан эле Россиядан “келчү кооптуулук” тууралуу айтылып келет, бул батыш элитасы үчүн акча сорууга ыңгайлуу ыкма;
Путин Трамптын "2022-жылы президент болуп турсам Украинадагы атайын операция башталмак эмес" деген пикирин колдойт;
Россия Украинадагы жаңжал мүмкүн болушунча батыраак, тынчтык жолу менен аякташын каалайт. Путин керек болсо Зеленский менен да жолугушууга даяр. Бирок Киев режиминин жетекчисинин легитимдүүлүгү суроо жаратышы мүмкүн. Россия үчүн Украина тараптан сүйлөшүүлөрдү ким жүргүзгөндүгү маанилүү эмес, кеп жыйынтыктоочу документтерге Украинанын легитимдүү бийлиги кол коюшу керектигинде.
