Россиянын туткунга түшкөн жоокерлеринин биринчи тобу мекенге кайтарылды
18:48 09.06.2025 (Жаңыртылды: 12:26 10.06.2025)
© Фото / Министерство обороны РФ
/ Жазылуу
БИШКЕК, 9-апр. — Sputnik. Стамбул келишиминин алкагында 25 жашка чейинки россиялык аскер туткундарынын биринчи тобу Киевдин көзөмөлүндөгү аймактан кайтарылды. Бул тууралуу РФ Коргоо министрлиги билдиргенин РИА Новости жазды.
Учурда алар Беларуста жайгашып, тийиштүү жардам көрсөтүлүүдө. Андан соң жоокерлер мекенине жеткирилип, коргоо бөлүмүнүн медициналык мекемелеринде дарыланып, реабилитациядан өтүшөт.
Алардын ордуна Украинага ушундай эле сандагы туткундар өткөрүп берилди.
Стамбулдагы жолугушуу
2-июнда Түркияда Россия менен Украинанын сүйлөшүүлөрүнүн экинчи айлампасы өткөн.
Кабыл алынган негизги келишимдер:
оорулууларды жана оор жарадарларды “бардыгы бардыгы үчүн” принциби боюнча которуу;
25 жашка чейинки туткундарды алмашуу;
жалпы алмашуу лимити 1000 адамдан кем эмес;
Россия бир тараптуу түрдө алты миң украин жоокеринин сөөгүн Киевге берүүнү пландаган, Москва сөөктөрдүн бардыгынын өздүгүн тактаган.
Украинанын алгачкы келишимдерди аткарбагандыгы
6-июндан тарта Москва алты миңден ашык каза болгондордун сөөгүн Киевге өткөрүп берүү жана жарадарларды, оорулууларды, согуш туткундарын алмашуу кампаниясын ишке ашыра баштады;
Украинанын Куралдуу күчтөрүнүн 1200дөн ашык жоокеринин сөөгү чек арага жеткирилген;
Россия Украинага жарадарлар, катуу оорулуулар жана 25 жашка чейинки туткундар категориясындагы 640 аскер туткунунун биринчи тизмесин тапшырган;
убакыт-сааты бир күн мурда айтылса дагы алмашуу боло турган жерге Киевдин өкүлдөрү келбей койгон. Украина күтүүсүздөн сөөктөрдү кабыл алууну да, согуш туткундарын алмашууну да белгисиз мөөнөткө жылдырган;
дем алыш күндөрү Киев Москва менен байланышка чыкпай койгондуктан сөөктөрдү өткөрүп берүү ишке ашкан эмес;
Россия Украинанын Куралдуу күчтөрүнүн жоокерлеринин сөөгүн кайтаруу боюнча келишимдерди аткарууга даяр.
