Куланак ГЭСи менен "Хан-Теңири". РФ делегациясы Нарында эки ири курулушка барды
Куланак ГЭСи менен "Хан-Теңири". РФ делегациясы Нарында эки ири курулушка барды
Sputnik Кыргызстан
Куланак ГЭСинин курулушу менен "Хан-Теңир" мейманкана комплексин реконструкциялоого Россия-Кыргыз өнүктүрүү фонду каражат караган. 31.05.2025, Sputnik Кыргызстан
БИШКЕК, 31-май — Sputnik. Россиядан келген делегация Нарындагы иш сапардын алкагында инвестициялык эки ири долбоордун курулушун көрүп, таанышты. Делегацияны РФ президентинин чет өлкөлөр, региондор аралык жана маданий байланыштар башкармалыгынын башчысы Игорь Маслов жетектеп жүрөт. Алгач Нарын шаарындагы "Хан-Теңир" мейманкана комплексинин реконструкциясын каржылоо боюнча меморандумга кол коюлду. Бул долбоор Россия-Кыргыз өнүктүрүү фонду тарабынан каржыланууда. Фонддун жетекчиси Артём Новиков жана мейманкананын ээси Таалай Карпеков 171 миң доллар насыя берүү боюнча макулдашууга жетишти. Реконструкция иштери быйылкы июль айында жыйынтыкталмакчы. Делегация кийинки ири объектиге — Куланак ГЭСинин курулуш аянтына барды. "Нарын" өндүрүштүк ишканасынын аткаруучу директору Кубанычбек Аваз уулунун маалыматына ылайык, долбоордун баштапкы наркы 118 млн доллар болсо, учурда кошумча каражаттарды эске алуу менен жалпы суммасы 128 млн долларды түзүүдө. Анын ичинен 88 миллиону Россия-Кыргыз өнүктүрүү фонду жана Евразия өнүктүрүү банкы тарабынан каржыланууда. Новиков бул ГЭС фонддун Нарын облусундагы эң ири долбоору экенин белгилеп, 2026-жылдын аягында курулушу толук бүткөрүлүп, 2027-жылдын башында пайдаланууга берилерин билдирди. "Учурда ГЭС курулушунда 600гө чукул жумушчу эмгектенүүдө, жайкы мезгилде алардын саны 1200гө жетет. Дамба 60 пайызга бүткөрүлүп, деривациялык каналдын жер иштери 70 пайызга аяктап калды, курулуштун башка бөлүктөрүндө да активдүү иштер жүрүп жатат", — деп билдиришти өкүлчүлүктөн.Фонд бүгүнкү күндө жалпы 3 575 долбоорду каржылаган, анын ичинен Нарын облусу боюнча 94 долбоор 95 миллион доллар өлчөмүндө каржыланган.
Куланак ГЭСинин курулушу менен "Хан-Теңир" мейманкана комплексин реконструкциялоого Россия-Кыргыз өнүктүрүү фонду каражат караган.
БИШКЕК, 31-май — Sputnik. Россиядан келген делегация Нарындагы иш сапардын алкагында инвестициялык эки ири долбоордун курулушун көрүп, таанышты.
Делегацияны РФ президентинин чет өлкөлөр, региондор аралык жана маданий байланыштар башкармалыгынын башчысы Игорь Маслов жетектеп жүрөт.
Алгач Нарын шаарындагы "Хан-Теңир" мейманкана комплексинин реконструкциясын каржылоо боюнча меморандумга кол коюлду. Бул долбоор Россия-Кыргыз өнүктүрүү фонду тарабынан каржыланууда. Фонддун жетекчиси Артём Новиков жана мейманкананын ээси Таалай Карпеков 171 миң доллар насыя берүү боюнча макулдашууга жетишти. Реконструкция иштери быйылкы июль айында жыйынтыкталмакчы.
Делегация кийинки ири объектиге — Куланак ГЭСинин курулуш аянтына барды. "Нарын" өндүрүштүк ишканасынын аткаруучу директору Кубанычбек Аваз уулунун маалыматына ылайык, долбоордун баштапкы наркы 118 млн доллар болсо, учурда кошумча каражаттарды эске алуу менен жалпы суммасы 128 млн долларды түзүүдө. Анын ичинен 88 миллиону Россия-Кыргыз өнүктүрүү фонду жана Евразия өнүктүрүү банкы тарабынан каржыланууда.
Россия-Кыргыз өнүктүрүү фонду жана Евразия өнүктүрүү банкы Куланак ГЭСинин курулушуна 88 миллион доллар караган
Новиков бул ГЭС фонддун Нарын облусундагы эң ири долбоору экенин белгилеп, 2026-жылдын аягында курулушу толук бүткөрүлүп, 2027-жылдын башында пайдаланууга берилерин билдирди.
"Куланак ГЭСи ишке кирсе өлкөнүн электр энергиясынын 20 пайызын камсыздайт. Бул — президент Садыр Жапаров койгон тапшырмага ылайык, энергетикалык көз карандысыздыкка жетүү жолундагы чоң кадам", — деген ал.
"Учурда ГЭС курулушунда 600гө чукул жумушчу эмгектенүүдө, жайкы мезгилде алардын саны 1200гө жетет. Дамба 60 пайызга бүткөрүлүп, деривациялык каналдын жер иштери 70 пайызга аяктап калды, курулуштун башка бөлүктөрүндө да активдүү иштер жүрүп жатат", — деп билдиришти өкүлчүлүктөн.
Фонд бүгүнкү күндө жалпы 3 575 долбоорду каржылаган, анын ичинен Нарын облусу боюнча 94 долбоор 95 миллион доллар өлчөмүндө каржыланган.
