Нарындагы мектепке РФ наркы миллион сомго чукул музыкалык аспаптарды берди
21:40 31.05.2025 (Жаңыртылды: 10:11 01.06.2025)
© Фото / пресс-служба полпредства президента КР в Нарынской области
Жазылуу
БИШКЕК, 31-май — Sputnik. Нарын шаарындагы Жумамүдүн Шералиев атындагы балдар искусство мектеби бир нече музыкалык аспаптуу болду, анын ичинде акустикалык жана санарип түзүмдөр орнотулган фортепиано да бар. Бул туурасында президенттин Нарын облустук өкүлчүлүгүнүн маалымат кызматынан кабарлашты.
Андан сырткары, аккордеон жана үйлөмө аспаптар да алып келинген. Буларды эки күндөн бери Нарын облусунда атайын сапар менен жүргөн Москвадан келген россиялык делегация мүчөлөрү тапшырган. Белектин жалпы суммасы бир миллион сомго чукул.
1/3
© Фото / пресс-служба полпредства президента КР в Нарынской области
Жумамүдүн Шералиев атындагы балдар искусство мектеби бир нече баалуу музыкалык аспаптуу болду
2/3
© Фото / пресс-служба полпредства президента КР в Нарынской области
Россиялык делегация мектепке белектерди ала келишкен
3/3
© Фото / пресс-служба полпредства президента КР в Нарынской области
Маслов борборго 20 комплект робототехника жабдууларына 2 миллиондон ашуун рубль суммасындагы сертификат тапшырды
1/3
© Фото / пресс-служба полпредства президента КР в Нарынской области
Жумамүдүн Шералиев атындагы балдар искусство мектеби бир нече баалуу музыкалык аспаптуу болду
2/3
© Фото / пресс-служба полпредства президента КР в Нарынской области
Россиялык делегация мектепке белектерди ала келишкен
3/3
© Фото / пресс-служба полпредства президента КР в Нарынской области
Маслов борборго 20 комплект робототехника жабдууларына 2 миллиондон ашуун рубль суммасындагы сертификат тапшырды
Нарын облусунун жетекчиси Алтынбек Эргешовдун чакыруусу менен келген делегацияны РФ президентинин чет өлкөлөр, региондор аралык жана маданий байланыштар башкармалыгынын башчысы Игорь Маслов жетектеп жүрөт.
Мындан тышкары, Россотрудничествонун жардамы менен Россиянын улуттук музыкалык музейи тарабынан даярдалган дүйнөлүк белгилүү композитор Петр Чайковскийге арналган көргөзмө да мектепке өткөрүлүп берилди.
Андан соң делегация "Алтын түйүн" балдардын инженердик-техникалык академиясынын Нарын филиалына барып, окуучулардын ойлоп тапкан эмгектерин көрүп чыгышты. Маслов бул борборго россиялык өндүрүштөгү 20 комплект робототехника жабдууларына 2 миллион 345 миң рубль суммасындагы сертификатты тапшырды.
