https://sputnik.kg/20250515/rossiya-menen-musulman-olkolorunun-mamilesi-1093992216.html
РФ вице-премьери Россия менен мусулман өлкөлөрүнүн мамилеси тууралуу айтты
РФ вице-премьери Россия менен мусулман өлкөлөрүнүн мамилеси тууралуу айтты
Sputnik Кыргызстан
БИШКЕК, 15-май — Sputnik. Өз ара бекем ишеним Россия менен мусулман мамлекеттеринин мамилесин өнүктүрүүгө пайдубал болуп, акыркы төрт жыл ичинде Ислам... 15.05.2025, Sputnik Кыргызстан
2025-05-15T17:37+0600
2025-05-15T17:37+0600
2025-05-15T17:37+0600
россия
казань
форум
көргөзмө
экономика
маданият
байланыш
ислам
кызматташтык
уюм
https://sputnik.kg/img/07e9/05/0f/1093989859_0:210:2972:1883_1920x0_80_0_0_d16478aefccd339dca512054835a6f81.jpg
БИШКЕК, 15-май — Sputnik. Өз ара бекем ишеним Россия менен мусулман мамлекеттеринин мамилесин өнүктүрүүгө пайдубал болуп, акыркы төрт жыл ичинде Ислам кызматташтык уюмуна (ИКУ) мүчө өлкөлөр менен болгон соода 44 пайызга өстү. Бул тууралуу РФ вице-премьери Марат Хуснуллин билдирди.Эскерте кетсек, ушу тапта Татарстанда "Россия — ислам дүйнөсү: KazanForum 2025" ХVI эл аралык форуму жана Russia Halal Expo көргөзмөсү өтүп жатат. Хуснуллин аталган иш-чаранын ачылышында сүйлөгөн. Вице-премьердин айтымында, иш-чаранын масштабы, катышуучулардын саны, мамлекеттердин кеңири географиясы Россия менен ислам өлкөлөрүн жалпы кызыкчылык эле эмес, бири-бирине болгон терең урмат-сый да бириктирип турарын көрсөтөт. "Акыркы төрт жыл ичинде Ислам кызматташтык уюмуна мүчө өлкөлөр менен товар айлантуу 44 пайызга өстү. Мындан тышкары, туризм багыты да экономикалык өсүштү шарттоодо. Беш жыл аралыгында Россия менен ИКУ мамлекеттеринин ортосундагы туристтик сапарлар 26 пайызга көбөйүп, туристтердин саны 2,5 эсеге жогорулады", — деди Хуснуллин. Russia Halal Expo инвестициялык жана инфраструктуралык долбоорлордун эң ири эл аралык көргөзмөсү болуп саналат. Аянтча катышуучуларга өндүргөн продукциясын көрсөтүүгө эле эмес, ар өлкөдөн келген ишкерлер, инвесторлор жана бийлик өкүлдөрү менен байланыш түзүүгө өбөлгө болуп, жаңы рынокторго жол ачат. Жалпы жонунан Russia Halal Expo 2025 көргөзмөсүндө 54 стенд жайгаштырылган, 12 мамлекет, анын ичинде Өзбекстан, Түркмөнстан, Түркия, БАЭ, Иран, Азербайжан, Кыргызстан, Бахрейн, Сенегал катышууда. Мындан тышкары, Россиянын 11 региону: Татарстан, Москва, Киров облусу, Мордовия, ДЭР, Вологодск, Пенза, Архангельск, Нижегородская, Астрахань облустары, Карачаево-Черкессия келген. 13-майда башталган "Россия — ислам дүйнөсү: KazanForum 2025" ХVI эл аралык форуму 18-майга чейин уланат. Иш-чара Россия менен ИКУ мамлекеттеринин соода-экономикалык, илимий-техникалык, социалдык жана маданий байланыштарын чыңдоо үчүн аянтча катары кызмат өтөйт. РФ президентинин жарлыгы менен 2023-жылы форумга федералдык макам ыйгарылган.
https://sputnik.kg/20250429/putin-evraziya-stabilduuluk-mejkindik-1093661314.html
казань
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
россия, казань, форум, көргөзмө, экономика, маданият, байланыш, ислам, кызматташтык, уюм
россия, казань, форум, көргөзмө, экономика, маданият, байланыш, ислам, кызматташтык, уюм
БИШКЕК, 15-май — Sputnik. Өз ара бекем ишеним Россия менен мусулман мамлекеттеринин мамилесин өнүктүрүүгө пайдубал болуп, акыркы төрт жыл ичинде Ислам кызматташтык уюмуна (ИКУ) мүчө өлкөлөр менен болгон соода 44 пайызга өстү. Бул тууралуу РФ вице-премьери Марат Хуснуллин
билдирди.
Эскерте кетсек, ушу тапта Татарстанда "Россия — ислам дүйнөсү: KazanForum 2025" ХVI эл аралык форуму жана Russia Halal Expo көргөзмөсү
өтүп жатат. Хуснуллин аталган иш-чаранын ачылышында сүйлөгөн.
"Форум ишеним жана кызматташтык деген ураан алдында өтүүдө. Бул дагы бекеринен эмес. Дал ушул өз ара бекем ишеним Россия менен мусулман мамлекеттеринин мамилесин өнүктүрүүгө пайдубал болуп берип жатат. Ишеним — өнөктөштүктү илгерилетүүчү маанилүү фактор, ал көп кырдуу кызматташуунун бардык аспектилерин камтып, туруктуу стратегиялык өнөктөштүккө айланууда", — деген Хуснуллин.
Вице-премьердин айтымында, иш-чаранын масштабы, катышуучулардын саны, мамлекеттердин кеңири географиясы Россия менен ислам өлкөлөрүн жалпы кызыкчылык эле эмес, бири-бирине болгон терең урмат-сый да бириктирип турарын көрсөтөт.
"Акыркы төрт жыл ичинде Ислам кызматташтык уюмуна мүчө өлкөлөр менен товар айлантуу 44 пайызга өстү. Мындан тышкары, туризм багыты да экономикалык өсүштү шарттоодо. Беш жыл аралыгында Россия менен ИКУ мамлекеттеринин ортосундагы туристтик сапарлар 26 пайызга көбөйүп, туристтердин саны 2,5 эсеге жогорулады", — деди Хуснуллин.
Russia Halal Expo инвестициялык жана инфраструктуралык долбоорлордун эң ири эл аралык көргөзмөсү болуп саналат. Аянтча катышуучуларга өндүргөн продукциясын көрсөтүүгө эле эмес, ар өлкөдөн келген ишкерлер, инвесторлор жана бийлик өкүлдөрү менен байланыш түзүүгө өбөлгө болуп, жаңы рынокторго жол ачат.
Жалпы жонунан Russia Halal Expo 2025 көргөзмөсүндө 54 стенд жайгаштырылган, 12 мамлекет, анын ичинде Өзбекстан, Түркмөнстан, Түркия, БАЭ, Иран, Азербайжан, Кыргызстан, Бахрейн, Сенегал катышууда. Мындан тышкары, Россиянын 11 региону: Татарстан, Москва, Киров облусу, Мордовия, ДЭР, Вологодск, Пенза, Архангельск, Нижегородская, Астрахань облустары, Карачаево-Черкессия келген.
13-майда башталган "Россия — ислам дүйнөсү: KazanForum 2025" ХVI эл аралык форуму 18-майга чейин уланат. Иш-чара Россия менен ИКУ мамлекеттеринин соода-экономикалык, илимий-техникалык, социалдык жана маданий байланыштарын чыңдоо үчүн аянтча катары кызмат өтөйт. РФ президентинин жарлыгы менен 2023-жылы форумга федералдык макам ыйгарылган.
