Бишкек: эки ардагерди куттуктап, 140 миң сомдон тапшырышты
Бишкек: эки ардагерди куттуктап, 140 миң сомдон тапшырышты
Sputnik Кыргызстан
БИШКЕК, 7-май — Sputnik. Бүгүн, эмгек, социалдык камсыздоо жана миграция министри Равшанбек Сабиров Бишкектин Октябрь районунун акими Жаныбек Орозалиев менен... 07.05.2025, Sputnik Кыргызстан
БИШКЕК, 7-май — Sputnik. Бүгүн, эмгек, социалдык камсыздоо жана миграция министри Равшанбек Сабиров Бишкектин Октябрь районунун акими Жаныбек Орозалиев менен Ата Мекендик согуштун ардагерлерин Жеңиш күнү менен куттуктады.Министрликтин маалымат кызматынынын билдиргенине караганда, эки аткаминер алардын үйлөрүнө барып, арналган белектерин тапшырган. Адегенде борбор калаада жашаган Улуу Ата Мекендик согуштун ардагери, 101 жаштагы Аспек Жумашевге барышкан. Ал 1942-жылы фронтко чакырылып, кийин ИИМ, НКВД жана чек ара аскер бөлүктөрүндө кызмат өтөгөн. 1949-жылы кайтып келген. Жумашев эрдиги жана кайраттуулугу үчүн II даражадагы Ата Мекендик согуш ордени жана Жоокердик кызматы үчүн жана башка бир топ медалдар менен сыйланган. Ардагер согуштан кийин айыл чарба тармагында ар кандай жетекчи кызматтарда иштеп, өлкөнүн өнүгүшүнө чоң салым кошкон. 8 баласы, 21 небереси, 25 чөбөрөсү бар. Министр менен аким ошондой эле курчоодо калган Ленинград шаарынын тургуну Валентина Бережневаны куттукташкан. Ал 88 жашта. 1943-жылы Башкыр АССРине эвакуацияланып, Кыргызстанга 1957-жылы көчүп келген. Валентина Александровна 30 жылдан ашуун Бишкектеги курулуш жана чарба тармагында эмгектенип, Ленинград блокадасынын тургуну төш белгиси жана Эмгек ветераны медалы менен сыйланган. Аткаминерлер Жеңиштин 80 жылдыгына карата ардагерлерге президент тарабынан берилген 100 миң сом, Эмгек министрлиги бөлгөн 20 миң сом жана республикалык бюджеттен каралган 20 400 сомду тапшырып, согуш жылдарындагы эрдиги үчүн ыраазылыгын билдиришти. "Алардын жалпы Жеңишке кошкон салымы кийинки муундардын эсинде сакталат. Согуштун оор сыноосунан ар намыс менен өтүп, тынч заманда өлкөнүн өнүгүшүнө татыктуу салым кошкондор. Биз алардын эрдигине, баатырдыгына терең урматыбызды көрсөтүп, ыраазылык билдиребиз", — деген эмгек министри.
БИШКЕК, 7-май — Sputnik. Бүгүн, эмгек, социалдык камсыздоо жана миграция министри Равшанбек Сабиров Бишкектин Октябрь районунун акими Жаныбек Орозалиев менен Ата Мекендик согуштун ардагерлерин Жеңиш күнү менен куттуктады.
Министрликтин маалымат кызматынынын билдиргенине караганда, эки аткаминер алардын үйлөрүнө барып, арналган белектерин тапшырган.
Адегенде борбор калаада жашаган Улуу Ата Мекендик согуштун ардагери, 101 жаштагы Аспек Жумашевге барышкан. Ал 1942-жылы фронтко чакырылып, кийин ИИМ, НКВД жана чек ара аскер бөлүктөрүндө кызмат өтөгөн. 1949-жылы кайтып келген.
Жумашев эрдиги жана кайраттуулугу үчүн II даражадагы Ата Мекендик согуш ордени жана Жоокердик кызматы үчүн жана башка бир топ медалдар менен сыйланган. Ардагер согуштан кийин айыл чарба тармагында ар кандай жетекчи кызматтарда иштеп, өлкөнүн өнүгүшүнө чоң салым кошкон. 8 баласы, 21 небереси, 25 чөбөрөсү бар.
Министр менен аким ошондой эле курчоодо калган Ленинград шаарынын тургуну Валентина Бережневаны куттукташкан. Ал 88 жашта. 1943-жылы Башкыр АССРине эвакуацияланып, Кыргызстанга 1957-жылы көчүп келген. Валентина Александровна 30 жылдан ашуун Бишкектеги курулуш жана чарба тармагында эмгектенип, Ленинград блокадасынын тургуну төш белгиси жана Эмгек ветераны медалы менен сыйланган.
Аткаминерлер Жеңиштин 80 жылдыгына карата ардагерлерге президент тарабынан берилген 100 миң сом, Эмгек министрлиги бөлгөн 20 миң сом жана республикалык бюджеттен каралган 20 400 сомду тапшырып, согуш жылдарындагы эрдиги үчүн ыраазылыгын билдиришти.
"Алардын жалпы Жеңишке кошкон салымы кийинки муундардын эсинде сакталат. Согуштун оор сыноосунан ар намыс менен өтүп, тынч заманда өлкөнүн өнүгүшүнө татыктуу салым кошкондор. Биз алардын эрдигине, баатырдыгына терең урматыбызды көрсөтүп, ыраазылык билдиребиз", — деген эмгек министри.
