Улуттук "Эргүү" театр сыйлыгынын жеңүүчүлөрү аныкталды. Тизме
© Фото / Пресс-служба Минкультуры
Жазылуу
БИШКЕК, 2-май — Sputnik. Кыргызстанда улуттук "Эргүү" театр сыйлыгынын жыйынтыгы чыгып, жеңүүчүлөр аныкталды. Бул тууралуу Маданият, маалымат жана жаштар саясаты министрлиги билдирди.
Калыстар тобунун чечими менен катышуучулар төмөнкү номинациялар боюнча сыйланышкан:
Эң мыкты дебют — Арнис Кыдырмышев, "Эр Төштүк" спектаклинин режиссёру;
Балдар үчүн коюлган спектаклдеги эң мыкты роль — Канболот Атахан уулу, "Эр Төштүк" спектаклиндеги Көрөгөч Маамыттын ролу үчүн;
Балдар үчүн коюлган эң мыкты спектакль — Ч.Айтматов атындагы Мамлекеттик орус улуттук драма театрынын "Мечта" спектакли;
Эң мыкты улуттук пьеса — Табылды Актановдун "Тагай бий" пьесасы;
Эң мыкты спектакль — Кыргыз улуттук академиялык драма театрынын "Ай тутулган түндө" спектакли;
Эң мыкты чет өлкөлүк спектакль — Өзбекстандын Бухара облустук музыкалык-драма театрынын "Овсар" спектакли;
Эң мыкты музыкалык жасалга — Уланмырза Карыпбаев, Кыргыз улуттук академиялык драма театрынын “Ай тутулган түндө” спектаклинин музыкалык жасалгасы үчүн;
Эң мыкты режиссура — Уланмырза Карыпбаев, мамлекеттик “Учур” театрында “Чиркин өмүр”, Ысык-Көл облустук музыкалык драма театрында "Сараң. Репетиция" спектаклдерин койгондугу үчүн;
Эң мыкты сценография — Cадыр Ныязакунов, Баткен облустук музыкалык драма театрынын “Барсбек” спектаклинин сценографиясы үчүн;
Юлдаш Нурматов, Ч. Айтматов атындагы Мамлекеттик орус улуттук драма театрынын “В чаще” спектаклинин сценографиясы үчүн;
Аялдын мыкты ролу — Альбина Имашова, "Эр Төштүк" спектаклиндеги Мастандын ролу үчүн;
Аялдын экинчи пландагы мыкты ролу — Айсалкын Кыйыкбаева, “Эр Төштүк” спектаклиндеги Гүлайымдын ролу үчүн;
Эркектин мыкты ролу — Чыңгыз Абасов, "Учур" театрынын "Чиркин өмүр" спектаклиндеги Сакен Турсуновдун ролу үчүн;
Эркектин экинчи пландагы мыкты ролу — Эржан Осмонов, "Эр Төштүк” спектаклиндеги Көк Дөөнүн ролу үчүн;
Эң мыкты театроведдик эмгеги, театр чыны жана театр журналистикасы үчүн — Людмила Молдалиева, театр таануучу;
Улуттук театр өнөрүнө өзгөчө салым кошкондор:
Аваз Сырымбетов, КР маданиятына эмгек сиңирген ишмер, театр таануучу;
Давлет Нургазиев , Ысык-Көл облустук музыкалык драма театры;
Елена Смирнова, Ч. Айтматов атындагы Мамлекеттик орус улуттук драма театрынын директорунун орун басары;
Азат Элебесов, Т. Абдумомунов атындагы Кыргыз улуттук академиялык драма театрынын үн уктуруу цехинин башчысы сыйланышты.
