https://sputnik.kg/20250501/vasilij-petrishchev-sovetter-soyuzunun-baatyry-1093674530.html
Василий Петрищев — Кыргызстандан чыккан Советтер Союзунун Баатыры
Василий Петрищев — Кыргызстандан чыккан Советтер Союзунун Баатыры
Sputnik Кыргызстан
Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган кыргызстандык каарман жоокерлер боюнча... 01.05.2025, Sputnik Кыргызстан
2025-05-01T20:01+0600
2025-05-01T20:01+0600
2025-05-01T20:01+0600
кыргызстан
улуу ата мекендик согуштагы жеңишке 80 жыл
ссср
улуу ата мекендик согуш
эрдик
панфиловчу
василий петрищев
https://sputnik.kg/img/07e9/04/15/1093453433_0:87:473:353_1920x0_80_0_0_f14361b799b61a90d86471dddbe95cf3.jpg
Ага лейтенант Василий Петрищев Ал 1923-жылы 18-октябрда Талас айылында (азыр шаарга айланган) дыйкандын үй-бүлөсүндө туулган. 10-классты аяктагандан кийин 1941-жылы Кызыл Армияга чакырылган. 1942-жылы Фрунзе шаарындагы жөө аскерлер училищесинен окуйт да, Улуу Ата Мекендик согушка аттанат. Сталинграддын алдында, Курск догосундагы согушка катышып, Украинаны бошотууда жанын аяган эмес. 1943-жылы 15-августта Петрищев кызмат өтөгөн батальонго Полевая кыштагынын жанындагы (Харьков облусу, Украина ССРи) душмандын жайгашкан таяныч пунктун алууга тапшырма берилет. Бул кармашта комбат курман болот да, улук лейтенант Петрищев менен батальондун тирүү калган жоокерлери (16 аскер, офицер) дөңсөөгө ат коюп чыгып барып, немецтик солдаттар бетме-бет келип кармашып, аларды траншеядан сүрүп чыгарат. Василий душмандын эки танкасын иштен чыгарып, айланта коргонууну уюштуруп, гитлерчилердин үч чабуулунун мизин кайтарат. Ок-дары түгөнгөндөн кийин душмандын аткылоосуна өзүн тосуп берип, алардын позицияларды ээлеп алышына мүмкүнчүлүк жараткан эмес. Кошумча аскердик күчтөр жете келгенде Петрищев болгону беш жоокер менен гана калган. Ошол кан суудай аккан кармашта төртөө Советтер Союзунун Баатыры наамын алып, ал эми бешинчисинде баатырлык кийинчерээк Днепрди кечип өткөндөгү каармандыгы кошулуп берилген. 1943-жылы 1-ноябрда СССРдин Жогорку Советинин президиумунун жарлыгы менен немецтик баскынчыларга каршы күрөштө согуштук тапшырманы үлгүлүү аткарганы, көрсөткөн баатырдыгы, эрдиги үчүн Василий Петрищевге Советтер Союзунун Баатыры наамы берилип, Ленин ордени, Алтын жылдыз медалы ыйгарылган. Бул каарман жоокерге 1945-жылы 24-июнда Кызыл аянтта Жеңиш парадынан өтүү шыбагасы буюрган. Согуштан кийин армияда кызмат өтөөсүн улантып, Михаил Фрунзе атындагы Аскер академиясын аяктаган. 1947-жылы запаска бошогон Петрищев Москва шаарында жашаган. 2018-жылы 14-октябрда дүйнө салып, Троекуров көрүстөнүнө коюлат. Жогоруда биз сөз кылган кандуу кармаш болгон Полевая кыштагынын жанына "Петрищев дөңсөөсү" деп аталган тарыхый эсетелик орнотулуп, ага бул жоокердин аты-жөнүн чегип түшүрүшкөн. Ошол эле айылдагы мектепке мемориалдык такта орнотулган. Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде жазылды.
https://sputnik.kg/20250429/andrey-titov-kyrgyzstandyk-sovetter-soyuzunun-baatyry-1093658066.html
ссср
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, ссср, улуу ата мекендик согуш, эрдик, панфиловчу, василий петрищев
кыргызстан, ссср, улуу ата мекендик согуш, эрдик, панфиловчу, василий петрищев
Василий Петрищев — Кыргызстандан чыккан Советтер Союзунун Баатыры
Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган кыргызстандык каарман жоокерлер боюнча баяндоосун улантат.
Ага лейтенант Василий Петрищев
Ал 1923-жылы 18-октябрда Талас айылында (азыр шаарга айланган) дыйкандын үй-бүлөсүндө туулган. 10-классты аяктагандан кийин 1941-жылы Кызыл Армияга чакырылган. 1942-жылы Фрунзе шаарындагы жөө аскерлер училищесинен окуйт да, Улуу Ата Мекендик согушка аттанат. Сталинграддын алдында, Курск догосундагы согушка катышып, Украинаны бошотууда жанын аяган эмес.
1943-жылы 15-августта Петрищев кызмат өтөгөн батальонго Полевая кыштагынын жанындагы (Харьков облусу, Украина ССРи) душмандын жайгашкан таяныч пунктун алууга тапшырма берилет. Бул кармашта комбат курман болот да, улук лейтенант Петрищев менен батальондун тирүү калган жоокерлери (16 аскер, офицер) дөңсөөгө ат коюп чыгып барып, немецтик солдаттар бетме-бет келип кармашып, аларды траншеядан сүрүп чыгарат.
Василий душмандын эки танкасын иштен чыгарып, айланта коргонууну уюштуруп, гитлерчилердин үч чабуулунун мизин кайтарат. Ок-дары түгөнгөндөн кийин душмандын аткылоосуна өзүн тосуп берип, алардын позицияларды ээлеп алышына мүмкүнчүлүк жараткан эмес. Кошумча аскердик күчтөр жете келгенде Петрищев болгону беш жоокер менен гана калган. Ошол кан суудай аккан кармашта төртөө Советтер Союзунун Баатыры наамын алып, ал эми бешинчисинде баатырлык кийинчерээк Днепрди кечип өткөндөгү каармандыгы кошулуп берилген.
1943-жылы 1-ноябрда СССРдин Жогорку Советинин президиумунун жарлыгы менен немецтик баскынчыларга каршы күрөштө согуштук тапшырманы үлгүлүү аткарганы, көрсөткөн баатырдыгы, эрдиги үчүн Василий Петрищевге Советтер Союзунун Баатыры наамы берилип, Ленин ордени, Алтын жылдыз медалы ыйгарылган.
Бул каарман жоокерге 1945-жылы 24-июнда Кызыл аянтта Жеңиш парадынан өтүү шыбагасы буюрган. Согуштан кийин армияда кызмат өтөөсүн улантып, Михаил Фрунзе атындагы Аскер академиясын аяктаган. 1947-жылы запаска бошогон Петрищев Москва шаарында жашаган. 2018-жылы 14-октябрда дүйнө салып, Троекуров көрүстөнүнө коюлат.
Жогоруда биз сөз кылган кандуу кармаш болгон Полевая кыштагынын жанына "Петрищев дөңсөөсү" деп аталган тарыхый эсетелик орнотулуп, ага бул жоокердин аты-жөнүн чегип түшүрүшкөн. Ошол эле айылдагы мектепке мемориалдык такта орнотулган.
Материал ачык маалыматтардын, КР Куралдуу күчтөрүнүн жана "
Герои страны" сайтындагы материалдардын негизинде жазылды.
