https://sputnik.kg/20250328/petr-akucionok-kyrgyzstandan-chykkan-sovetter-soyuzunun-baatyry-1092948683.html
Петр Акуционок — согушка Кыргызстандан аттанган Советтер Союзунун Баатыры
Петр Акуционок — согушка Кыргызстандан аттанган Советтер Союзунун Баатыры
Sputnik Кыргызстан
Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган, Кыргызстанда жашап жатканда согушка... 28.03.2025, Sputnik Кыргызстан
2025-03-28T20:06+0600
2025-03-28T20:06+0600
2025-03-28T20:06+0600
улуу ата мекендик согуштагы жеңишке 80 жыл
ссср
улуу ата мекендик согуш
эрдик
курман болгон
баатыр
наам
кыргызстан
петр акуционок
https://sputnik.kg/img/07e9/02/18/1092261052_0:351:1600:1251_1920x0_80_0_0_eb5dbc17a8dc85ee2a4bdc779cf8e217.jpg.webp
Кенже лейтенант Петр АкуционокАл 1922-жылы 25-мартта Беларустун Витебск губерниясындагы Ловож волостуна караштуу Шумилин кыштагында жарык дүйнөгө келген. 1938-жылы мектепти бүткөн соң райондогу маданият үйүндө иштеген. Массалык жана спорттук иш-чараларды ынтаалык менен уюштурган. Улуу Ата Мекендик согуш башталганда душман менен күрөшүү үчүн диверсенттарга, чалгынчыларга каршы отряддарга өз ыктыяры менен кирген. Бирок душман менен бир да жолу бетме-бет кез келген учур болгон эмес. Гитлердик оккупанттар анын киндик каны тамган айылын басып алганда согушта тажрыйбасы жок Акуционок эвакуациялангандардын катарына кошулуп, Ош облусунда колхоздордун бирине келип иштеп калат.Аны 1943-жылы февралда Кызыл Армияга чакырышат да, командачылардын кыска мөөнөттөгү курсунан окуп, кенже лейтенант наамы менен согушка аттанат. Биринчи ирет душман менен Курскинин алдында кармашып, дароо эле фашисттердин танкасын жок кылат.Лоев (Гомель облусу, Беларусь) шаарынын жанындагы согушта өзгөчөлөнгөн. 1943-жылы октябрда кенже лейтенант Акуционоктун командачылыгы менен жоокерлер Днепрдин оң жээгинде плацдармды ээлеп, арттан негизги аскердик күчтөр келгенче душман менен тирешип, кармап турушкан. Акуционок жай бою салгылашта жүрөт. Курск догоосунда гитлерчилер талкаланган соң ал кызмат кылган дивизия 65-армиянын курамында болуп, чабуулду улантат.Түндүк Десна, Сож дарыяларын жана көптөгөн майда дарыяларды кечип өткөн, душман ал жерлерде кармалып турууга аракет кылган. Бирок кенже лейтенант Акуционок өзүн кайраттуу жана чебер командир катары көрсөтүп, алардин тилегин таш каптырган.1943-жылы 15-октябрда Днепрдин оң жээги тарапта жер солкулдап, жарылып кетчүдөй болду. Миңдеген снаряддар менен миналар жарылып жатты. Дарыянын ортосуна жеткен саперлор коюу түтүн каптатты. Муну күтүп турган Акуционоктун взводунун аскерлери кайык, сал менен башка жээкке умтулушту. Суудан биринчилерден болуп эки аткычтар взводу чыгып, дароо ишке киришти. Аларды бири Акуционоктуку эле. Жааган октун алдында алар фашисттердин траншеясын көздөй чабуул жасайт да, душмандан оң жээктеги плацдармын ээлеп, негизги күч келгенче кан-жанын аябай салгылашып турушат. Ушул канабайрамда взводдун командири Акуционок курман болот. Алгач аны согуш болгон жерден бир түштүгүрөөк жайгашкан Лоев поселогунун (Беларусь, Гомель облусу) жанына коюшкан. Кийин сөөктү ушул эле айылдагы боордоштор көрүстөнүнө кайра жашырышкан.30-октябрда СССРдин Жогорку Советинин президиумунун жарлыгы менен Днепрден ийгиликтүү өтүп, дарыянын оң жээгине бекем жайгашып, эрдик көрсөткөнү үчүн кенже лейтенант Петр Акуционокко курман болгондон кийин Советтер Союзунун Баатыры наамы жана Ленин ордени ыйгарылат.СССРдин Коргоо министрлигинин жарлыгы менен Петр Акуционок аскердик бөлүктүн жеке курамына түбөлүк киргизилген. Лоев шаарында анын аты коюлган көчө бар, ал жерге мемориалдык такта орнотулган. Мындан сырткары, Шумилиндеги көчө жана мектеп анын ысымын алып жүрөт. Баатырдын аты Шумилин районунун эли даңктап-урматтаган адамдар киргизилген китепке жазылган.Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде даярдалды.
https://sputnik.kg/20250326/aleksandr-romanyutin-kyrgyzstandan-chykkan-sovetter-soyuzunun-baatyry-1092898153.html
ссср
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
ссср, улуу ата мекендик согуш, эрдик, курман болгон, баатыр, наам, кыргызстан, петр акуционок
ссср, улуу ата мекендик согуш, эрдик, курман болгон, баатыр, наам, кыргызстан, петр акуционок
Петр Акуционок — согушка Кыргызстандан аттанган Советтер Союзунун Баатыры
Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган, Кыргызстанда жашап жатканда согушка чакырылып, эрдик кылып аты түбөлүккө калган адамдар тууралуу баяндоосун улантат.
Кенже лейтенант Петр Акуционок
Ал 1922-жылы 25-мартта Беларустун Витебск губерниясындагы Ловож волостуна караштуу Шумилин кыштагында жарык дүйнөгө келген. 1938-жылы мектепти бүткөн соң райондогу маданият үйүндө иштеген. Массалык жана спорттук иш-чараларды ынтаалык менен уюштурган. Улуу Ата Мекендик согуш башталганда душман менен күрөшүү үчүн диверсенттарга, чалгынчыларга каршы отряддарга өз ыктыяры менен кирген. Бирок душман менен бир да жолу бетме-бет кез келген учур болгон эмес. Гитлердик оккупанттар анын киндик каны тамган айылын басып алганда согушта тажрыйбасы жок Акуционок эвакуациялангандардын катарына кошулуп, Ош облусунда колхоздордун бирине келип иштеп калат.
Аны 1943-жылы февралда Кызыл Армияга чакырышат да, командачылардын кыска мөөнөттөгү курсунан окуп, кенже лейтенант наамы менен согушка аттанат. Биринчи ирет душман менен Курскинин алдында кармашып, дароо эле фашисттердин танкасын жок кылат.
Лоев (Гомель облусу, Беларусь) шаарынын жанындагы согушта өзгөчөлөнгөн. 1943-жылы октябрда кенже лейтенант Акуционоктун командачылыгы менен жоокерлер Днепрдин оң жээгинде плацдармды ээлеп, арттан негизги аскердик күчтөр келгенче душман менен тирешип, кармап турушкан. Акуционок жай бою салгылашта жүрөт. Курск догоосунда гитлерчилер талкаланган соң ал кызмат кылган дивизия 65-армиянын курамында болуп, чабуулду улантат.
Түндүк Десна, Сож дарыяларын жана көптөгөн майда дарыяларды кечип өткөн, душман ал жерлерде кармалып турууга аракет кылган. Бирок кенже лейтенант Акуционок өзүн кайраттуу жана чебер командир катары көрсөтүп, алардин тилегин таш каптырган.
1943-жылы 15-октябрда Днепрдин оң жээги тарапта жер солкулдап, жарылып кетчүдөй болду. Миңдеген снаряддар менен миналар жарылып жатты. Дарыянын ортосуна жеткен саперлор коюу түтүн каптатты. Муну күтүп турган Акуционоктун взводунун аскерлери кайык, сал менен башка жээкке умтулушту. Суудан биринчилерден болуп эки аткычтар взводу чыгып, дароо ишке киришти. Аларды бири Акуционоктуку эле. Жааган октун алдында алар фашисттердин траншеясын көздөй чабуул жасайт да, душмандан оң жээктеги плацдармын ээлеп, негизги күч келгенче кан-жанын аябай салгылашып турушат. Ушул канабайрамда взводдун командири Акуционок курман болот. Алгач аны согуш болгон жерден бир түштүгүрөөк жайгашкан Лоев поселогунун (Беларусь, Гомель облусу) жанына коюшкан. Кийин сөөктү ушул эле айылдагы боордоштор көрүстөнүнө кайра жашырышкан.
30-октябрда СССРдин Жогорку Советинин президиумунун жарлыгы менен Днепрден ийгиликтүү өтүп, дарыянын оң жээгине бекем жайгашып, эрдик көрсөткөнү үчүн кенже лейтенант Петр Акуционокко курман болгондон кийин Советтер Союзунун Баатыры наамы жана Ленин ордени ыйгарылат.
СССРдин Коргоо министрлигинин жарлыгы менен Петр Акуционок аскердик бөлүктүн жеке курамына түбөлүк киргизилген. Лоев шаарында анын аты коюлган көчө бар, ал жерге мемориалдык такта орнотулган. Мындан сырткары, Шумилиндеги көчө жана мектеп анын ысымын алып жүрөт. Баатырдын аты Шумилин районунун эли даңктап-урматтаган адамдар киргизилген китепке жазылган.
Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде даярдалды.
