ЖККУнун башкы катчысы уюм Европадагы процесстерге көз салып жатканын айтты
15:28 06.03.2025 (Жаңыртылды: 15:29 06.03.2025)
© Фото / Пресс-служба ОДКБ
Жазылуу
БИШКЕК, 6-мар. — Sputnik. ЖККУ АКШнын тышкы саясаттагы курсунун өзгөрүшүн эске алуу менен Европадагы процесстерге байкоо салууда. Бул тууралуу уюмдун башкы катчысы Имангали Тасмагамбетов "Известия" басылмасына берген маегинде айткан.
Ал Европа өлкөлөрүнүн НАТО боюнча стратегиясын жана алардын эки тараптуу мамилелерин бөлүп кароо керектигин белгиледи. Маселен, Берлин менен Париждин ортосунда бир катар маселелер боюнча көйгөй бар.
Маектеги негизги ойлор:
Евробиримдиктин "өзөктүк калканы" тууралуу талкуулаганда континенттин армиясын түзүү боюнча ишке ашпаган пикирлерди эске алуу керек. Бул талкууларга ЖККУ реакция кылбайт;
коргонууга чыгымдарды кыскартуу азырынча сунуш бойдон калууда. Ал АКШ менен Россияга гана тиешелүү, Евробиримдик жөнүндө сөз жок. Тескерисинче, ал жак аскердик чыгымдарды көбөйтүүдө;
Вашингтон НАТОго мүчө өлкөлөрдү коргонуу чыгымдарын ИДПнын 5 пайызына жеткирүүнү талап кылууда. Европа буга каршылык көрсөтүп альтернативдүү, бирок реалдуу эмес сунуштарды жасады. Натыйжада коопсуздук саясаты боюнча карама-каршылыктар байкалууда;
уюмдун аналитиктери Евроатлантика аймагында өзгөрүүлөрдү көзөмөлдөп, зарыл болгон учурда стратегияны кайра карап чыгышат;
ЖККУнун аймагына жакын жерде НАТОнун активдүүлүгү байкалууда, бирок ал аскердик машыгуулар коркунуч туудурбайт. Бирок Швеция менен Финляндиянын НАТОго кошулушу тынчсызданууну жаратууда. Анткени эки уюмдун тогошкон чеги 1,5 миң чакырымды түзөт.
Европа аскердик контингенти азырынча Украинада жок, анткени бул региондо олуттуу коркунуч жаратат. Экономикалык жана социалдык көйгөйлөрдөн чарчаган Европа эли бийликтегилердин мындай чечимин жактырары күмөн;
Кыргызстандын президенти Садыр Жапаров ЖККУнун Коопсуздук кеңешинин кезектеги жыйынын өткөрүүнү сунуштады. Бул кеңеш жыл сайын ноябрда өткөрүлөт, бирок так датасы азырынча аныктала элек.
