https://sputnik.kg/20250205/nurbek-sydygaliyev-komissiya-emgek-kodeksi-1091874438.html
Эмгек кодексиндеги тоолуу аймактар боюнча норма өзгөрүп кеткен. ЖК комиссия түздү
Эмгек кодексиндеги тоолуу аймактар боюнча норма өзгөрүп кеткен. ЖК комиссия түздү
Sputnik Кыргызстан
БИШКЕК, 5-фев. — Sputnik. Жогорку Кеңеште Эмгек кодексиндеги тоолуу аймактар боюнча норманын өзгөрүп калганы боюнча комиссия түзүлдү. 05.02.2025, Sputnik Кыргызстан
2025-02-05T16:33+0600
2025-02-05T16:33+0600
2025-02-05T16:58+0600
кыргызстан
жогорку кеңеш
нурбек сыдыгалиев
комиссия
эмгек кодекси
https://sputnik.kg/img/07e5/02/04/1051342203_0:239:3073:1967_1920x0_80_0_0_8a8141d7fc23ea874057a73225b9f88d.jpg
БИШКЕК, 5-фев. — Sputnik. Жогорку Кеңеште Эмгек кодексиндеги тоолуу аймактар боюнча норманын өзгөрүп калганы боюнча комиссия түзүлдү.Буга чейин кодекстин кабыл алына электеги 120-беренесинде "тоолуу аймактар 2000 метрден башталат" деген норма 1800 метрге өзгөртүлгөн. Бирок ал кабыл алынгандан кийин 2000 метр бойдон калган.Депутат Балбак Түлөбаев Эмгек кодексине киргизилген түзөтүүлөрдү кароодо 120-берененин 5-бөлүгүнө, бийик тоолуу райондордо, алыскы жана жетүүгө кыйын аймактарда иштеген адамдар үчүн мамлекеттик кепилдиктердин жана компенсациялардын чегин 2000 метрден 1800 метрге чейин түшүрүү сунуш кылынгандыгын эске салды.Буга эмгек, социалдык камсыздоо жана миграция министринин орун басары Мухтарбек Баймурзаев түшүндүрмө берди. Анын айтымында, министрлер кабинети түзөтүүлөрдүн максатка ылайыксыздыгы жөнүндө терс корутунду берген."Өзгөртүүлөрдү кабыл алуу республикалык бюджетте каралбаган кошумча каражатты талап кылат", — деди Баймурзаев.Мындан улам депутат Надира Нарматованын сунушу менен убактылуу депутаттык комиссия түзүлүп, ага депутаттар: Балбак Түлөбаев, Жайлообай Нышанов, Арсланбек Малиев, Султанбай Айжигитов, Бактыяр Калпаев, Эмил Токтошев, Чыңгыз Айдарбеков, Дастан Жумабеков, Марат Мураталиев кирди.Комиссия түзүү учурунда вице-спикер Нурбек Сыдыгалиев Жогорку Кеңештин аппаратындагылар президенттик аппараттын көрсөтмөсү менен иш кылат деп айыптады."Президенттик аппараттын юристтери Жогорку Кеңештин аппаратынын үстүнө минип алган. Булар кандай айтса ошондой кылышат. Бардык комитетте кабыл алынган мыйзамдарды изилдеп чыгышыбыз керек", — деди Сыдыгалиев.
https://sputnik.kg/20250205/deputat-kriptovalyuta-aldanboo-1091868016.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, жогорку кеңеш, нурбек сыдыгалиев, комиссия, эмгек кодекси
кыргызстан, жогорку кеңеш, нурбек сыдыгалиев, комиссия, эмгек кодекси
БИШКЕК, 5-фев. — Sputnik. Жогорку Кеңеште Эмгек кодексиндеги тоолуу аймактар боюнча норманын өзгөрүп калганы боюнча комиссия түзүлдү.
Буга чейин кодекстин кабыл алына электеги 120-беренесинде "тоолуу аймактар 2000 метрден башталат" деген норма 1800 метрге
өзгөртүлгөн. Бирок ал кабыл алынгандан кийин 2000 метр бойдон калган.
Депутат Балбак Түлөбаев Эмгек кодексине киргизилген түзөтүүлөрдү кароодо 120-берененин 5-бөлүгүнө, бийик тоолуу райондордо, алыскы жана жетүүгө кыйын аймактарда иштеген адамдар үчүн мамлекеттик кепилдиктердин жана компенсациялардын чегин 2000 метрден 1800 метрге чейин түшүрүү сунуш кылынгандыгын эске салды.
"Бул өзгөртүү Жогорку Кеңеш тарабынан кабыл алынган. Ошол эле учурда, кол коюлган документте 2000 метр болуп калды. Эмнеге мындай болду", — деп суроо салды депутат.
Буга эмгек, социалдык камсыздоо жана миграция министринин орун басары Мухтарбек Баймурзаев түшүндүрмө берди. Анын айтымында, министрлер кабинети түзөтүүлөрдүн максатка ылайыксыздыгы жөнүндө терс корутунду берген.
"Өзгөртүүлөрдү кабыл алуу республикалык бюджетте каралбаган кошумча каражатты талап кылат", — деди Баймурзаев.
Мындан улам депутат Надира Нарматованын сунушу менен убактылуу депутаттык комиссия түзүлүп, ага депутаттар: Балбак Түлөбаев, Жайлообай Нышанов, Арсланбек Малиев, Султанбай Айжигитов, Бактыяр Калпаев, Эмил Токтошев, Чыңгыз Айдарбеков, Дастан Жумабеков, Марат Мураталиев кирди.
Комиссия түзүү учурунда вице-спикер Нурбек Сыдыгалиев Жогорку Кеңештин аппаратындагылар президенттик аппараттын көрсөтмөсү менен иш кылат деп айыптады.
"Президенттик аппараттын юристтери Жогорку Кеңештин аппаратынын үстүнө минип алган. Булар кандай айтса ошондой кылышат. Бардык комитетте кабыл алынган мыйзамдарды изилдеп чыгышыбыз керек", — деди Сыдыгалиев.
