https://sputnik.kg/20241014/den-sooluk-ene-psikholog-1089440878.html

Адис төрт тарабы төп келген эне болом деген келиндерге кеңешин берди

Адис төрт тарабы төп келген эне болом деген келиндерге кеңешин берди

Sputnik Кыргызстан

Бала энеге ичиндегилерин, ойлорун, туюмун ачык айта алса болорун билиши керек. 14.10.2024, Sputnik Кыргызстан

2024-10-14T09:30+0600

2024-10-14T09:30+0600

2024-10-14T09:30+0600

ден соолук

эне

психология

тарбия

даярдык

россия

https://sputnik.kg/img/104824/76/1048247650_0:192:3114:1944_1920x0_80_0_0_c7cd402a94368f60b3c03524cc9042bb.jpg.webp

БИШКЕК, 14-окт. — Sputnik. Психоаналитик Ирина Белкина "жакшы эне" болууга аракет кылган жаш келиндерге күмүш сырга иретинде беш кеңешин айтты.Адис "Доктор Питер" басылмасына берген маегинде аял бала төрөлгөндө бардык ишти кынтыксыз жасоого аракет кылып, тынчсызданып, бирок ашыкча нерсе менен кедергисин тийгизип аларын да айткан.Ката кетирүүдөн коркпогулаЧүрпөмдү туура эмес тарбиялап жатам деп өзүңүздү жемелегенден пайда чыкпайт. Сиз деле үй-бүлөлүк, эне болгон жашоону биринчи жолу баштан кечирип жатасыз, үйрөнө турган көп нерсе бар. Баланы өтө эле бөпөлөй бергенде ал өз алдынча боло албай, тоскоолдукка тушукса психологиялык жактан бекем болбой жабыркап, кийин керек болсо психологго кайрылышы мүмкүн. Бул — турмуштун мыйзамы. Ката кетсе андан кайра сабак алууга үйрөнүңүз.Сезимдерди түшүндүрө жүргүлөЭне ар дайым бир калыпта, жакшы маанай менен жүрө албайт. Адамбыз да, кээде күлөсүң, кээде ыйлайсың, чарчайсың, дагы ушундай нерселер коштоп жүрөт эмеспи. Бала эмоцияларды туура чыгаруунун баарын алгач энеден үйрөнөт. Андыктан эмоция чыккан соң балага эмне үчүн мындай болгонун түшүндүрүп туруу — эң туура чечим.Кечирим сурай билиңизБалаңызды кичинекей деп көзгө илбей өтүп кетпеңиз. Ага катуу айтып, ачууланып, тилдеп койсоңуз кечирим суроону унутпаңыз. Энесинин кыжалаттыгынын, кыжырлануусунун себеби өзү эместигин түшүнүшү керек. Сиз сураган кечирим жөн эле унутулуп калбайт, чоңойгондо ал дагы катасын моюндап, чын дилинен кечирим сурай алган адамга айланат.Ата-энелик милдетиңизди унутпаңызБалага өчөшүп, аны коркутуп сүйлөбөй коюу туура эмес. Чүрпөңүз али кичинекей, жашоону эми үйрөнүп келе жатканын унутпаңыз. Бул жерде ата-эне экениңизди, баланын жоопкерчилиги моюнда экенин эске түйүп алган оң.СүйлөшүңүзБул — тарбиядагы өтө маанилүү нерсе. Бала менен чоң адамдын, эненин ролунда туруп эле баарлаша берген туура болот. Ага өзүңүз жөнүндө, чөйрөдө болуп жаткан нерселерди айтып берип, ал тууралуу жана кызыккан нерселерин сураңыз. Бала энеге ичиндегилерин, ойлорун, туюмун ачык айта алса болорун билиши керек.

https://sputnik.kg/20241009/salamattyk-den-sooluk-rak-zalalduu-shishik-1089317303.html

2024

Жаңылыктар

kg_KG

ден соолук, эне, психология, тарбия, даярдык, россия