Ата-эне баланы 6 жаштан мектепке берүүдөн баш тартса эмне болот?
© Фото / пресс-служба кабинета министров КР / Эргеш ЖусубалиевМектептин окуучулары. Архив
![Мектептин окуучулары. Архив Мектептин окуучулары. Архив - Sputnik Кыргызстан, 1920, 23.07.2024](https://sputnik.kg/img/07e6/09/17/1068215472_0:165:1598:1064_1920x0_80_0_0_57b1be673259bd7a829b22c5fd5e2700.jpg)
© Фото / пресс-служба кабинета министров КР / Эргеш Жусубалиев
Жазылуу
Кыргызстанда балдарды алты жаштан мектепке алуу үчүн санитардык нормаларды жана эрежелерди өзгөртүү пландалууда.
БИШКЕК, 23-июл. — Sputnik. 12 жылдыкка өткөндө бала алты жаштан окубаса мектепти кеч аяктайт. Бул тууралуу Республикалык педагогикалык кызматкерлердин квалификациясын жогорулатуу жана кайра даярдоо институтунун директору Алмаз Токтомаметов билдирди.
Ал Sputnik агенттигинин маалымат борборунда өткөн 12 жылдык окутууга арналган брифингге катышты. Иш-чаранын жүрүшүндө спикерлерге "баланы алты жаштан мектепке берүүдөн баш тартса эмне болот?" деген суроо узатылган.
Кыргыз билим берүү академиясынын президенти Назира Дүйшеева учурдагы санитардык норма боюнча беш жана алты жаштагылар бала бакчага, ал эми жетидегилер мектепке барарын айтты. Алты жаштагыларды нөлүнчү класстын ордуна биринчиге отургузуу үчүн тиешелүү өзгөртүүлөр даярдалууда.
"Мыйзамда орто билим берүү милдеттүү болгондуктан ата-энелер балдарын алты жаштан биринчи класска бериши керек", — деди Дүйшеева.
Ал эми Токтомаметов алты жаштагы баланы мектепке берүүдөн баш тарткан ата-энелер да болорун айтты.
© Sputnik / Акбар АкжигитовРеспубликалык педагогикалык кызматкерлердин квалификациясын жогорулатуу жана кайра даярдоо институтунун директору Алмаз Токтомаметов
![Брифинг Минобрнауки о введении 12-летнего образования Брифинг Минобрнауки о введении 12-летнего образования - Sputnik Кыргызстан, 1920, 23.07.2024](https://sputnik.kg/img/07e8/07/17/1087265132_0:0:3067:2047_1920x0_80_0_0_81db8dbd5be63daf004caa91c2953721.jpg)
Республикалык педагогикалык кызматкерлердин квалификациясын жогорулатуу жана кайра даярдоо институтунун директору Алмаз Токтомаметов
© Sputnik / Акбар Акжигитов
"Баланы алты жаштан эмес, жетиге чыкканда берсе алар 12 жылдык окутууда мектепти бир жыл кеч — 19 жашында аяктайт", — деди ал.