Элчилик: Кыргызстан менен Россияда үй-бүлөлүк баалуулук коомдун негизин түзөт
© Sputnik / Аяна Байтемирова
Жазылуу
БИШКЕК, 10-июн. — Sputnik. Россия менен Кыргызстан — үй-бүлөлүк салттуу баалуулуктар чоң роль ойногон өлкөлөр. Бул тууралуу Россиянын Кыргызстандагы элчилигинин биринчи катчысы Андрей Ростков "Дүйнө энелердин таман астында" аттуу тегерек столдо билдирди.
Иш-чараны "Салттуу баалуулуктар үчүн аялдар союзу" коомдук бирикмеси Россиянын Кыргызстандагы элчилиги, Россотрудничество жана Кыргызстандагы епархиянын колдоосу менен уюштурган.
"Үй-бүлө — кыйынчылыктарды жеңүүгө жардам берген чеп. Россия менен Кыргызстан – бул үй-бүлөлүк баалуулуктар чоң роль ойногон өлкөлөр. Бизде коомдун негизин түзгөн, мурасты сактоого, улууларды сыйлоого, элди сүйүүгө, жакынына жардам берүүгө басым жасалат. Үй-бүлө — бул адамдардын кан аркылуу гана байланышы эмес, колдоо, түшүнүү жана сүйүү таба ала турган жер. Биздин кулк-мүнөзүбүз, принциптерибиз, жашоо багыттарыбыз үй-бүлөдө калыптанат", — деди Ростков.
Ал тез өнүгүп жаткан дүйнөдө технология адамды салттуу баалуулуктан ажыратып, бөлүп жаткандыктан аны сактоо жана бекемдөө барган сайын маанилүү болуп баратканын белгиледи.
