https://sputnik.kg/20240520/zhaparov-chet-ehldikterdin-kobojgon-sebebin-ajtty-1085296829.html
Садыр Жапаров Кыргызстанда чет элдиктердин көбөйүп кеткен себебин айтты
Садыр Жапаров Кыргызстанда чет элдиктердин көбөйүп кеткен себебин айтты
Sputnik Кыргызстан
Кыргызстанда ушу тапта эмгек мигранттарынын саны 5 322 адамды, чет өлкөлөрдөн келип окуп жаткан студенттердин саны 42 620 кишини түзөт. 20.05.2024, Sputnik Кыргызстан
2024-05-20T16:10+0600
2024-05-20T16:10+0600
2024-05-20T16:10+0600
кыргызстан
жаңжал
студент
чет элдик жарандар
мигрант
садыр жапаров
кайрылуу
мыйзам
жаза
жумуш
https://sputnik.kg/img/07e7/06/0a/1076129429_404:639:2907:2047_1920x0_80_0_0_6a9fae6b37da2db004ea7e8686b45dd4.jpg
БИШКЕК, 20-май — Sputnik. Чет өлкөлүктөр Кыргызстандын билим берүүсүн баалап-барктап, кызыгып келип, акысын төлөп окуп жатканын, чет элдиктердин кызмат көрсөтүүсүнөн ушул эле кыргызстандыктар пайда көрүп жатканын туура түшүнүү керек. Бул тууралуу президент Садыр Жапаров Бишкекте болуп өткөн башаламандык боюнча кайрылуусунда айтты.Өлкө башчы өз сөзүндө ортодо окуянын чын-бышыгын билип-билбей, чын-төгүнүн аныктабай чагымчыл күчтөрдүн азгырыгына жетеленген топтордун кылган ишинин кесепетинен эл, мамлекет жабыр тартканын белгиледи. Президенттин айтымында, эгер күч органдары өз учурунда чара көрсө, балким, мындай окуя болмок эмес.Жапаров патриот жаштардын чет өлкөлүк жарандардын мыйзамсыз миграциясын токтотуу, мындай иштерге жол бергендерге катуу чара көрүү сыяктуу талаптары менен макул экенин белгилеген.Президент кайрылуусунда чет элдик жарандардын Кыргызстандагы ишмердүүлүгүнө токтолуп, эмне себептен көбөйүп жатканын айтты."Ошолордун калтырган каражаттарынан салык түшүп, ошолорго кызмат көрсөткөн окуу жайлар, чакан ишкерлер пайда таап жатканын, биздин экономикага миллиарддаган киреше алып келип жатканын кантип билбейбиз? Өлкөдөгү жумуш ордуларына жалаң чет элдиктер толуп калып, биздин жарандар бош калган болсо, мындай жагдайды жөнгө салып, ордуна коюуга күчүбүз жетет. Бирок мындай арзан иштерге биздин жарандар барбай жатканы жашыруун эмес. Учурда жүргүзүлгөн статистикага ылайык, бүгүнкү күндө 6 миң 300дөн ашуун жумуш орду бош турат. Бул иштерге мекендештерибиз барып иштебегендиктен, биздин ишкерлер чет элдик эмгек мигранттарын чакырып, контрагын түзүп, иштетүүгө мажбур болуп жатышат. Чынын айтышыбыз керек, бул эми азыркы таптагы реалдуу көрүнүш. 2020-жылга чейин кандай элек, азыр кандай болуп келе жатабыз. Айырма асман менен жердей. Биздин өлкөбүзгө эмгек мигранттары агылып келет деген түшүбүзгө да кирген эмес. Эгер азыр аларды ишке албай коюп жумушчулар жетишпей калса, эми жанданып келе жаткан ишканалар токтоп калат. Ишкерлер банкрот болушат. Экономикабыз өйдөлөбөй эле ылдыйлап кетет. Муну да унутпашыбыз керек", — деди президент.Жапаров ушу тапта иштеп жаткан эмгек мигранттарынын саны 5 322 адамды, чет өлкөлөрдөн келип окуп жаткан студенттердин саны 42 620 кишини түзөрүн белгиледи.Президент өлкө тагдырын ишенип тапшырган жалпы элдин тынчтыгы, биримдиги, өлкөнүн кадыр-баркы, өнүгүүсү бир ууч "кумалактардан" алда канча жогору турарын белгилеп, мындан ары жаңжал козуткандар, кызуу кандуу жаштарды колдонуп, алардын ар-намысын козгоо менен көпчүлүк массаны көчөгө алып чыгып, кечээгидей окуяларды чыгарып арам ойлорун ишке ашырам дегендерге катуу чаралар көрүлөрүн белгиледи.
https://sputnik.kg/20240520/sadyr-zhaparov-chagym-zhanzhal-1085296183.html
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, жаңжал, студент, чет элдик жарандар, мигрант, садыр жапаров, кайрылуу, мыйзам, жаза, жумуш, экономика
кыргызстан, жаңжал, студент, чет элдик жарандар, мигрант, садыр жапаров, кайрылуу, мыйзам, жаза, жумуш, экономика
Садыр Жапаров Кыргызстанда чет элдиктердин көбөйүп кеткен себебин айтты
Кыргызстанда ушу тапта эмгек мигранттарынын саны 5 322 адамды, чет өлкөлөрдөн келип окуп жаткан студенттердин саны 42 620 кишини түзөт.
БИШКЕК, 20-май — Sputnik. Чет өлкөлүктөр Кыргызстандын билим берүүсүн баалап-барктап, кызыгып келип, акысын төлөп окуп жатканын, чет элдиктердин кызмат көрсөтүүсүнөн ушул эле кыргызстандыктар пайда көрүп жатканын туура түшүнүү керек. Бул тууралуу президент Садыр Жапаров Бишкекте болуп өткөн башаламандык боюнча кайрылуусунда айтты.
Өлкө башчы өз сөзүндө ортодо окуянын чын-бышыгын билип-билбей, чын-төгүнүн аныктабай чагымчыл күчтөрдүн азгырыгына жетеленген топтордун кылган ишинин кесепетинен эл, мамлекет жабыр тартканын белгиледи. Президенттин айтымында, эгер күч органдары өз учурунда чара көрсө, балким, мындай окуя болмок эмес.
Жапаров патриот жаштардын чет өлкөлүк жарандардын мыйзамсыз миграциясын токтотуу, мындай иштерге жол бергендерге катуу чара көрүү сыяктуу талаптары менен макул экенин белгилеген.
"Бирок интернет желесине эмне чыкса ошого ишенип, тең салмактап талдоо жүргүзө албай, ортодо чагымчылардын намысты козгогон азгырыктарына жетеленип куттуу өлкөбүздүн, өнүгүү жолуна багыт алган мамлекетибиздин, эзелтен келаткан меймандос элибиздин кадыр-баркына шек келтирдиңер. Бул өтө өкүнүчтүү!" — деген өлкө башчы.
Президент кайрылуусунда чет элдик жарандардын Кыргызстандагы ишмердүүлүгүнө токтолуп, эмне себептен көбөйүп жатканын айтты.
"Ошолордун калтырган каражаттарынан салык түшүп, ошолорго кызмат көрсөткөн окуу жайлар, чакан ишкерлер пайда таап жатканын, биздин экономикага миллиарддаган киреше алып келип жатканын кантип билбейбиз? Өлкөдөгү жумуш ордуларына жалаң чет элдиктер толуп калып, биздин жарандар бош калган болсо, мындай жагдайды жөнгө салып, ордуна коюуга күчүбүз жетет. Бирок мындай арзан иштерге биздин жарандар барбай жатканы жашыруун эмес. Учурда жүргүзүлгөн статистикага ылайык, бүгүнкү күндө 6 миң 300дөн ашуун жумуш орду бош турат. Бул иштерге мекендештерибиз барып иштебегендиктен, биздин ишкерлер чет элдик эмгек мигранттарын чакырып, контрагын түзүп, иштетүүгө мажбур болуп жатышат. Чынын айтышыбыз керек, бул эми азыркы таптагы реалдуу көрүнүш. 2020-жылга чейин кандай элек, азыр кандай болуп келе жатабыз. Айырма асман менен жердей. Биздин өлкөбүзгө эмгек мигранттары агылып келет деген түшүбүзгө да кирген эмес. Эгер азыр аларды ишке албай коюп жумушчулар жетишпей калса, эми жанданып келе жаткан ишканалар токтоп калат. Ишкерлер банкрот болушат. Экономикабыз өйдөлөбөй эле ылдыйлап кетет. Муну да унутпашыбыз керек", — деди президент.
Жапаров ушу тапта иштеп жаткан эмгек мигранттарынын саны 5 322 адамды, чет өлкөлөрдөн келип окуп жаткан студенттердин саны 42 620 кишини түзөрүн белгиледи.
Президент өлкө тагдырын ишенип тапшырган жалпы элдин тынчтыгы, биримдиги, өлкөнүн кадыр-баркы, өнүгүүсү бир ууч "кумалактардан" алда канча жогору турарын белгилеп, мындан ары жаңжал козуткандар, кызуу кандуу жаштарды колдонуп, алардын ар-намысын козгоо менен көпчүлүк массаны көчөгө алып чыгып, кечээгидей окуяларды чыгарып арам ойлорун ишке ашырам дегендерге катуу чаралар көрүлөрүн белгиледи.
