Жаңылыктар. Чыгарылыш 13:00

Жаңылыктар. Чыгарылыш 13:00
Жазылуу
Кайра жаралуучу булактардан алынган энергиянын тарифин жекече белгилөө сунушталуудаАКШда Россиядан уран импорттоого тыюу салган мыйзам долбоору жактырылдыСадыр Жапаров кыргызстандыктарды Эмгек күнү менен куттуктады алдыда кененирээкМамлекет башчы Садыр Жапаров кыргызстандыктарды 1-май — Эмгек майрамы менен куттуктаганын президенттин маалымат кызматы билдирди. Өлкө башчы күжүрмөн эмгектин натыйжасында гана алдыга койгон максаттар ишке ашарын белгилеп, кыргызстандыктарды бар күчү, билими жана жөндөмү менен өлкөнүн өнүгүүсүнө салым кошууга чакырган."Байыртадан эле ата-бабалар дагы "Эмгек бар жерде жылыш бар, жылыш бар жерде ырыс бар" деп эмгек менен ынтымак-ырыскы келерин даңазалап келишкен. Бүгүнкү күндө коом турмушунун бардык тармагында бир топ көңүл жылытарлык жетишкендиктер байкалууда. Албетте, мунун баары эмгекти сүйгөн элибиздин жигердүү катышуусу менен ишке ашып жатат.Ар бириңиздер иштеген ишиңиздерден рахат алып, эмгегиңиздерден баар таап, жашооңуздардын маңыздуу өтүшүнө тилектешмин", — деген президент. Жапаров кыргыз элин ынтымакта, биримдикте болууга чакырып, ошондо гана өлкө өнүгүп-өсөрүн кошумчалаган.
Кайра жаралуучу булактардан алынган энергиянын тарифин жекече аныктоо сунушталууда. Тиешелүү токтом долбоорун Өнөр жай, энергетика жана жер казынасын пайдалануу мамлекеттик комитети коомдук талкууга чыгарды. Анын негиздемесинде учурдагы тарифти аныктоо механизми ай сайын курстук айырма боюнча инвестордун тобокелдигин толук камтууга, ошону менен инвесторлорго иштелип чыккан электроэнергиянын баасын төмөндөтүүгө же энергетикалык ишканалар үчүн электр линияларын курууга мүмкүнчүлүк берери жазылган. "Электр энергиясынын жетишсиздигинен улам генерациялоочу кубаттуулуктарды жогорулатуу, ошондой эле энергетика тармагына инвестиция тартуу максатында министрлер кабинетинин токтому иштелип чыккан. Ушуга байланыштуу Энергетика министрлиги ЭКБ инвесторлору үчүн тарифти ар бир долбоорго жекече аныктоону сунуштоодо", — деп жазылган маалыматта.
Улуттук банк адистерди жумушка чакырат. Бул тууралуу башкы банктын маалымат кызматы билдирди. Талаптарга ылайык, Коммуникация жана эл аралык кызматташуу башкармалыгынын коомчулук менен иш алып баруу бөлүмүнүн адиси жана ушул эле башкармалыктын протокол тобунун адисине бош жумуш орундары бар. Иш издегендер документтерин 13-май күнү саат 17:00гө чейин тапшырса болот. Сынакка катышуу үчүн толук маалыматты www.nbkr.kg сайтынан ала аласыз. Суроолор боюнча Бишкек шаары, Чүй проспекти, 168 дареги боюнча жайгашкан Улуттук банктын персонал менен иш алып баруу бөлүмүнө же (0312) 66-90-18, (0312) 61-10-21 телефондоруна кайрылууга болот.
АКШ Сенаты Россиядан уран импорттого тыюу салган мыйзамды жактырды. Бул тууралуу Конгресстин жогорку палатасынын Энергетика жана жаратылыш ресурстары боюнча комитетинин билдирүүсүндө айтыларын РИА Новости жазды. Анткен менен кабыл алынган мыйзам долбоорунда америкалык бийликтин россиялык уранды 2028-жылдын январына чейин сатып алууну улантуу укугу камтылган.Мыйзам долбооруна берилген түшүндүрмө катта РФтен АКШга уран импорттого салынган тыюу 2040-жылдын 31-декабрына чейин уланары айтылат. Аталган мыйзам долбоору Сенат тарабынан жактырылгандан кийин эми АКШ президенти Жо Байденге кол коюуга жөнөтүлөт. Азыр АКШда өзөктүк энергиянын үлүшү 20 пайызды түзүп, өлкө өзүн 30 пайызга камсыздай алат, Россиядан келген отун 20 пайыздын тегерегин түзөт.
Жаңылыктар түрмөгү
0