https://sputnik.kg/20240328/rossiyada-aydoochuluk-kuboluk-almashtyra-turchular-1083796471.html

1-апрелден тарта Россияда кимдер айдоочулук күбөлүгүн алмаштырышы керектиги айтылды

1-апрелден тарта Россияда кимдер айдоочулук күбөлүгүн алмаштырышы керектиги айтылды

Sputnik Кыргызстан

Чет жактын айдоочулук күбөлүгүн алмаштырууга бир жыл убакыт берилмекчи. 28.03.2024, Sputnik Кыргызстан

2024-03-28T15:57+0600

2024-03-28T15:57+0600

2024-03-28T15:58+0600

россия

айдоочулук күбөлүк

мыйзам

өзгөртүү

https://sputnik.kg/img/07e8/03/1c/1083793045_0:160:3072:1888_1920x0_80_0_0_f2164967649e9dab09cd2144b5245349.jpg

БИШКЕК, 28-мар. — Sputnik. Ушул жылдын 1-апрелинен тарта Россияда жашап турууга уруксат же Россия жарандыгын ала турган чет элдиктер бул мамлекеттин айдоочулук күбөлүгүн алышы керек. Бул тууралуу PG Partners юридикалык фирмасынын улук башкаруучу өнөктөшү Петр Гусятников "Прайм" агенттигине билдирген.Анын айтымында, келерки аптадан тарта "Жол коопсуздугу жөнүндө" мыйзамга киргизилген өзгөртүүлөр күчүнө кирет. Документке ылайык, чет өлкөнүн айдоочулук күбөлүктөрүн Россияныкына алмаштыруу керек болот.Мыйзамга киргизилген өзгөртүүлөр улуттук айдоочулук күбөлүктөр жарактан чыгат дегенди түшүндүрбөйт. Аларды алмаштырууга толук бир жыл берилет. Башкача айтканда, 2025-жылдын 1-апрелине чейин алмаштыруу керек. Бул мыйзамды аткарбагандарга 5 миңден 15 миңге чейин айып салынары айтылды. Эгер айдоочу автоунааны Россиянын күбөлүгү жок мас абалында башкарып, олуттуу эмес кырсыкка кабылып ал жерден кетип калса, 10-15 суткага камалат же айдоочулук күбөлүгүнөн 1,5-2 жылга чейин ажырап, аны менен катар 30 миң рубль айып төлөйт. Мындай айдоочулар жаза аткаруу мөөнөтү аяктагыча айдоочулук күбөлүк алууга экзамен тапшыра алышпайт.

https://sputnik.kg/20240216/kyrgyzstan-kazakstan-chet-eldik-kuboluk-1082758664.html

2024

Жаңылыктар

kg_KG

россия, айдоочулук күбөлүк, мыйзам, өзгөртүү